1. {இராகத் தலைவனுக்கு தாவீதின் பாடல். } [QS]தேவனே, என்னுடைய விண்ணப்பத்தில் என்னுடைய சத்தத்தைக் கேட்டருளும்; [QE][QS]எதிரியால் வரும் பயத்தை நீக்கி, என்னுடைய உயிரை காத்தருளும். [QE]
2. [QS]துன்மார்க்கர் செய்யும் இரகசிய ஆலோசனைக்கும், [QE][QS]அக்கிரமக்காரர்களுடைய கலகத்திற்கும் என்னை விலக்கி மறைத்தருளும். [QE]
3. [QS]அவர்கள் தங்களுடைய நாவை வாளைப்போல் கூர்மையாக்கி, [QE]
4. [QS]மறைவுகளில் உத்தமன்மேல் எய்வதற்காக கசப்பான வார்த்தைகளாகிய தங்களுடைய அம்புகளை நாணேற்றுகிறார்கள்; [QE][QS]சற்றும் பயமின்றி திடீரென்று அவன்மேல் எய்கிறார்கள். [QE]
5. [QS]அவர்கள் பொல்லாத காரியத்தில் தங்களை உறுதிப்படுத்திக்கொண்டு, [QE][QS]மறைவான கண்ணிகளை வைக்க ஆலோசனைசெய்து, [QE][QS]அவைகளைக் காண்பவன் யார் என்கிறார்கள். [QE]
6. [QS]அவர்களுடைய நியாயக்கேடுகளை ஆராய்ந்துதேடி, [QE][QS]தந்திரமான யோசனை நிறைவேறும்படி முயற்சி செய்கிறார்கள்; [QE][QS]அவர்களில் ஒவ்வொருவனுடைய உட்கருத்தும் இருதயமும் ஆழமாக இருக்கிறது. [QE]
7. [QS]ஆனாலும் தேவன் அவர்கள்மேல் அம்புகளை எய்வார், [QE][QS]திடீரென்று அவர்கள் காயப்படுவார்கள். [QE]
8. [QS]அவர்கள் தள்ளப்பட்டு, கீழே விழும்படி [QE][QS]அவர்கள் நாவுகளே அவர்களைக் கெடுக்கும்; [QE][QS]அவர்களைக் காண்கிற அனைவரும் ஓடிப்போவார்கள். [QE]
9. [QS]எல்லா மனிதரும் பயந்து, தேவனுடைய செயலை அறிவித்து, [QE][QS]அவர் செய்கையை உணர்ந்துகொள்வார்கள். [QE]
10. [QS]நீதிமான் யெகோவாவுக்குள் மகிழ்ந்து, அவரை நம்புவான்; [QE][QS]செம்மையான இருதயமுள்ளவர்கள் அனைவரும் மேன்மைபாராட்டுவார்கள். [QE]