1. {தான் கெட்டுப்போகாதபடிக்கு அல்தஷ்கேத் என்னும் வாத்தியத்தில் வாசிக்க தாவீது பாடி இசைத்தலைவனுக்கு ஒப்புவித்த மிக்தாம் என்னும் பாடல்.} மவுனமாக இருக்கிறவர்களே, நீங்கள் மெய்யாக நீதியைப் பேசுவீர்களோ? [QBR] மனுமக்களே, நியாயமாகத் தீர்ப்பு செய்வீர்களோ? [QBR]
2. மனதார நியாயக்கேடு செய்கிறீர்கள்; [QBR] பூமியிலே உங்கள் கைகளின் கொடுமையை நிறுத்துக் கொடுக்கிறீர்கள். [QBR]
3. துன்மார்க்கர்கள் கர்ப்பத்தில் தோன்றியதுமுதல் முறைதவறுகிறார்கள்; [QBR] தாயின் வயிற்றிலிருந்து பிறந்தது முதல் பொய்சொல்லி வழிதப்பிப்போகிறார்கள். [QBR]
4. பாம்பின் விஷத்திற்கு ஒப்பான விஷம் அவர்களில் இருக்கிறது. [QBR]
5. பாம்பாட்டிகள் விநோதமாக ஊதினாலும் அவர்கள் ஊதும் சத்தத்தைக் கேட்காதபடிக்குத் தன்னுடைய காதை அடைக்கிற செவிட்டுவிரியனைப்போல் இருக்கிறார்கள். [QBR]
6. தேவனே, அவர்கள் வாயிலுள்ள பற்களைத் தகர்த்துப்போடும்; [QBR] யெகோவாவே, பாலசிங்கங்களின் கடைவாய்ப்பற்களை நொறுக்கிப்போடும். [QBR]
7. கடந்தோடுகிற தண்ணீரைப்போல் அவர்கள் கழிந்துபோகட்டும்; [QBR] அவன் தன்னுடைய அம்புகளைத் தொடுக்கும்போது [QBR] அவைகள் சின்னபின்னமாகப் போகட்டும். [QBR]
8. கரைந்துபோகிற நத்தையைப்போல் ஒழிந்துபோவார்களாக; [QBR] பெண்ணின் முதிர்ச்சி அடையாத கருவைப்போல் சூரியனைக் காணாமல் இருப்பார்களாக. [QBR]
9. முள் நெருப்பினால் உங்களுடைய பானைகளில் சூடேறுவதற்கு முன்பே [QBR] பச்சையானதையும் எரிந்துபோனதையும் அவர் சுழல் காற்றினால் அடித்துக்கொண்டு போவார். [QBR]
10. பழிவாங்குதலை நீதிமான் காணும்போது மகிழுவான்; [QBR] அவன் தன்னுடைய பாதங்களைத் துன்மார்க்கனுடைய இரத்தத்திலே கழுவுவான். [QBR]
11. அப்பொழுது, மெய்யாக நீதிமானுக்குப் பலன் உண்டென்றும், [QBR] மெய்யாக பூமியிலே நியாயஞ்செய்கிற தேவன் உண்டென்றும் மனிதன் சொல்லுவான். [PE]