1. {தாவீது அளித்த பாடல்களில் ஒன்று.} தேவனே, என்னுடைய ஜெபத்தைக் கேட்டருளும்; [QBR] என்னுடைய விண்ணப்பத்திற்கு மறைந்துகொள்ளாதிரும். [QBR]
2. எனக்குச் செவிகொடுத்து, பதில் அருளிச்செய்யும்; [QBR] எதிரியினுடைய கூக்குரலினிமித்தமும், [QBR] துன்மார்க்கர்கள் செய்யும் பிரச்சனைகளினிமித்தமும் என்னுடைய தியானத்தில் முறையிடுகிறேன். [QBR]
3. அவர்கள் என்மேல் பழிசுமத்தி, கோபங்கொண்டு, [QBR] என்னைப் பகைக்கிறார்கள். [QBR]
4. என்னுடைய இருதயம் எனக்குள் வேதனைப்படுகிறது; [QBR] மரணபயம் என்மேல் விழுந்தது. [QBR]
5. பயமும் நடுக்கமும் என்னைப் பிடித்தது; திகில் என்னை மூடியது. [QBR]
6. அப்பொழுது நான்: ஆ, எனக்குப் புறாவைப்போல் இறக்கைகள் இருந்தால், [QBR] நான் பறந்துபோய் இளைப்பாறுவேன். [QBR]
7. நான் தூரத்தில் அலைந்து திரிந்து வனாந்திரத்தில் தங்கியிருப்பேன். (சேலா) [QBR]
8. பெருங்காற்றுக்கும் புயலுக்கும் தப்ப விரைந்து செல்வேன் என்றேன். [QBR]
9. ஆண்டவரே, அவர்களை அழித்து, அவர்கள் மொழியை பிரிந்துபோகச்செய்யும்; [QBR] கொடுமையையும் சண்டையையும் நகரத்திலே கண்டேன்; [QBR]
10. அவைகள் இரவும்பகலும் அதின் மதில்கள்மேல் சுற்றித்திரிகிறது; [QBR] அக்கிரமமும் வாதையும் அதின் நடுவில் இருக்கிறது; [QBR]
11. கேடுபாடுகள் அதின் நடுவில் இருக்கிறது; [QBR] கொடுமையும் கபடும் அதின் வீதியைவிட்டு விலகிப்போகிறதில்லை. [QBR]
12. என்னைக் கடிந்துகொண்டவன் எதிரி அல்ல, அப்படியிருந்தால் சகிப்பேன்; [QBR] எனக்கு விரோதமாகப் பெருமை பாராட்டினவன் என்னுடைய பகைஞன் அல்ல, [QBR] அப்படியிருந்தால் அவனுக்கு மறைந்திருப்பேன். [QBR]
13. எனக்குச் சமமான மனிதனும், என்னுடைய வழிகாட்டியும், என்னுடைய தோழனுமாகிய நீயே அவன். [QBR]
14. நாம் ஒன்றாக, இன்பமான ஆலோசனைசெய்து, [QBR] கூட்டத்தோடு தேவாலயத்திற்குப் போனோம். [QBR]
15. மரணம் அவர்களைத் தொடர்ந்து பிடிப்பதாக; [QBR] அவர்கள் உயிரோடு பாதாளத்தில் இறங்குவார்களாக; [QBR] அவர்கள் தங்குமிடங்களிலும் அவர்கள் உள்ளத்திலும் தீங்கு இருக்கிறது. [QBR]
16. நானோ தேவனை நோக்கிக் கூப்பிடுவேன்; [QBR] யெகோவா என்னை காப்பாற்றுவார். [QBR]
17. காலை மாலை மத்தியான வேளைகளிலும் நான் தியானம்செய்து முறையிடுவேன்; [QBR] அவர் என்னுடைய சத்தத்தைக் கேட்பார். [QBR]
18. திரள் கூட்டமாகக் கூடி என்னோடு எதிர்த்தார்கள்; [QBR] அவரோ எனக்கு ஏற்பட்ட போரை நீக்கி, [QBR] என்னுடைய ஆத்துமாவைச் சமாதானத்துடன் மீட்டுவிட்டார். [QBR]
19. ஆரம்பம்முதலாக இருக்கிற தேவன் கேட்டு, அவர்களுக்குப் பதிலளிப்பார்; [QBR] அவர்களுக்கு மாறுதல்கள் ஏற்படாததினால், அவர்கள் தேவனுக்குப் பயப்படாமற்போகிறார்கள். (சேலா) [QBR]
20. அவன் தன்னோடு சமாதானமாக இருந்தவர்களுக்கு விரோதமாகத் [QBR] தன்னுடைய கையை நீட்டி [QBR] தன்னுடைய உடன்படிக்கையை மீறி நடந்தான். [QBR]
21. அவன் வாயின் சொற்கள் வெண்ணெயைப்போல மெதுவானவைகள், [QBR] அவனுடைய இருதயமோ யுத்தம்; [QBR] அவனுடைய வார்த்தைகள் எண்ணெயிலும் மிருதுவானவைகள். [QBR] ஆனாலும் அவைகள் உருவின பட்டயங்கள். [QBR]
22. யெகோவாமேல் உன் பாரத்தை வைத்துவிடு, அவர் உன்னை ஆதரிப்பார்; [QBR] நீதிமானை ஒருபோதும் தள்ளாடவிடமாட்டார். [QBR]
23. தேவனே, நீர் அவர்களை அழிவின் குழியில் இறங்கச்செய்வீர்; [QBR] இரத்தப்பிரியர்களும் சூதுள்ள மனிதர்களும் தங்களுடைய ஆயுளின் நாட்களில் பாதிவரைகூட பிழைத்திருக்கமாட்டார்கள்; [QBR] நானோ உம்மை நம்பியிருக்கிறேன். [PE]