1. {கோராகின் புத்திரருக்கு அளிக்கப்பட்ட ஒரு துதியின் பாடல்.} மக்களே, நீங்கள் எல்லோரும் இதைக் கேளுங்கள். [QBR]
2. பூமியின் குடிமக்களே, சிறியோரும் பெரியோரும் [QBR] ஐசுவரியவான்களும் ஏழ்மையானவர்களுமாகிய நீங்கள் எல்லோரும் ஒன்றாக கேளுங்கள். [QBR]
3. என் வாய் ஞானத்தைப் பேசும்; என் இருதயம் உணர்வைத் தியானிக்கும். [QBR]
4. என் கவனத்தை உவமைக்குச் சாய்த்து, [QBR] என் மறைபொருளைச் சுரமண்டலத்தின்மேல் வெளிப்படுத்துவேன். [QBR]
5. என்னைத் தொடருகிறவர்களுடைய அக்கிரமம் [QBR] என்னைச் சூழ்ந்துகொள்ளும் தீங்குநாட்களில், [QBR] நான் பயப்படவேண்டியதென்ன? [QBR]
6. தங்களுடைய செல்வத்தை நம்பி தங்களுடைய அதிக செல்வத்தினால் பெருமைபாராட்டுகிற, [QBR]
7. ஒருவனாவது, தன்னுடைய சகோதரன் [* தன்னையே] அழிவைக் காணாமல் [QBR] இனி என்றைக்கும் உயிரோடிருக்கும்படி, [QBR]
8. அவனை மீட்டுக்கொள்ளவும், [QBR] அவனுக்காக மீட்கும்பொருளை தேவனுக்குக் கொடுக்கவும்முடியாதே. [QBR]
9. அவர்கள் ஆத்துமமீட்பு மிகவும் அருமையாக இருக்கிறது; [QBR] அது ஒருபோதும் முடியாது. [QBR]
10. ஞானிகளும் இறந்து, அஞ்ஞானிகளும் மூடர்களும் ஒன்றாக அழிந்து, [QBR] தங்களுடைய சொத்தை மற்றவர்களுக்கு வைத்துப்போகிறதைக் காண்கிறான். [QBR]
11. தங்களுடைய கல்லறைகள் நிரந்தரகாலமாகவும், [QBR] தங்களுடைய குடியிருப்புகள் தலைமுறை தலைமுறையாகவும் [QBR] இருக்குமென்பது அவர்களுடைய உள்ளத்தின் அபிப்பிராயம்; [QBR] அவர்கள் தங்களுடைய பெயர்களைத் தங்களுடைய நிலங்களுக்குச் சூட்டுகிறார்கள். [QBR]
12. ஆகிலும் மரியாதைக்குரியவனாக இருக்கிற மனிதன் நிலைத்திருக்கிறதில்லை; [QBR] அழிந்துபோகும் மிருகங்களுக்கு ஒப்பாக இருக்கிறான். [QBR]
13. இதுதான் அவர்களுடைய வழி, இதுதான் அவர்களுடைய பைத்தியம்; [QBR] ஆகிலும் அவர்கள் சந்ததியார் அவர்கள் சொல்லை மெச்சிக்கொள்ளுகிறார்கள். (சேலா) [QBR]
14. ஆட்டுமந்தையைப்போல பாதாளத்திலே கிடத்தப்படுகிறார்கள்; [QBR] மரணம் அவர்களுடைய மேய்ப்பனாக இருக்கும்; [QBR] செம்மையானவர்கள் அதிகாலையில் அவர்களை ஆண்டுகொள்வார்கள்; [QBR] அவர்கள் தங்களுடைய குடியிருக்கும் இடத்தில் நிலைத்திருக்கமுடியாதபடி அவர்களுடைய உருவத்தை பாதாளம் அழிக்கும். [QBR]
15. ஆனாலும் தேவன் என்னுடைய ஆத்துமாவைப் பாதாளத்தின் வல்லமைக்குத் தப்புவித்து மீட்பார், [QBR] அவர் என்னை ஏற்றுக்கொள்வார். (சேலா) [QBR]
16. ஒருவன் செல்வந்தனாகி, [QBR] அவனுடைய வீட்டின் மகிமை பெருகும்போது, நீ பயப்படாதே. [QBR]
17. அவன் இறக்கும்போது ஒன்றும் கொண்டுபோவதில்லை; [QBR] அவனுடைய மகிமை அவனைப் பின்பற்றிச் செல்வதுமில்லை. [QBR]
18. அவன் உயிரோடிருக்கும்போது தன்னுடைய ஆத்துமாவை வாழ்த்தினாலும்: [QBR] நீ உனக்கு நன்மையை நாடினாய் என்று மனிதர்கள் அவனைப் புகழ்ந்தாலும், [QBR]
19. அவன் என்றென்றைக்கும் வெளிச்சத்தைக் காணாத [QBR] தன்னுடைய தகப்பன்மார்களின் சந்ததியைச் சேருவான். [QBR]
20. மரியாதைக்குரியவனாக இருந்தும் அறிவில்லாத மனிதன் [QBR] அழிந்துபோகும் மிருகங்களுக்கு ஒப்பாக இருக்கிறான். [PE]