1. {கோராகின் குடும்பத்தின் மஸ்கீல் என்னும் இராகத் தலைவனிடம் கொடுக்கப்பட்ட தாவீதின் பாடல். } [QS]தேவனே, எங்கள் முன்னோர்களுடைய நாட்களாகிய முற்காலத்தில் [QE][QS]நீர் நடப்பித்த செயல்களை அவர்கள் எங்களுக்கு அறிவித்தார்கள்; [QE][QS]அவைகளை எங்களுடைய காதுகளால் கேட்டோம். [QE]
2. [QS]தேவனே நீர் உம்முடைய கையினாலே தேசங்களைத் துரத்தி, இவர்களை நாட்டி; [QE][QS]மக்களைத் துன்பப்படுத்தி, இவர்களைப் பரவச்செய்தீர். [QE]
3. [QS]அவர்கள் தங்களுடைய வாளினால் தேசத்தைக் கட்டிக்கொள்ளவில்லை; [QE][QS]அவர்கள் கைகளும் அவர்களைப் பாதுகாக்கவில்லை; [QE][QS]நீர் அவர்கள்மேல் பிரியமாக இருந்தபடியால், [QE][QS]உம்முடைய வலதுகையும், உம்முடைய கையும், [QE][QS]உம்முடைய முகத்தின் பிரகாசமும் அவர்களுக்குச் சாதகமாக இருந்தது. [QE]
4. [QS]தேவனே, நீர் என்னுடைய ராஜா; [QE][QS]யாக்கோபுக்கு ஜெயத்தை கட்டளையிடுவீராக[* தேவனே ஜெயத்தை யாக்கோபுக்கு கட்டளையிடும் ]. [QE]
5. [QS]உம்மாலே எங்களுடைய எதிரிகளைக் கீழே விழத்தாக்கி, [QE][QS]எங்களுக்கு விரோதமாக எழும்புகிறவர்களை உம்முடைய பெயரினால் மிதிப்போம். [QE]
6. [QS]என்னுடைய வில்லை நான் நம்பமாட்டேன், [QE][QS]என்னுடைய வாள் என்னை பாதுகாப்பதில்லை. [QE]
7. [QS]நீரே எங்களுடைய எதிரிகளிடமிருந்து எங்களை பாதுகாத்து, [QE][QS]எங்களைப் பகைக்கிறவர்களை வெட்கப்படுத்துகிறீர். [QE]
8. [QS]தேவனுக்குள் எப்போதும் மேன்மைபாராட்டுவோம்; [QE][QS]உமது பெயரை என்றென்றைக்கும் துதிப்போம். (சேலா) [QE]
9. [QS]நீர் எங்களைத் தள்ளிவிட்டு, [QE][QS]வெட்கமடையச்செய்கிறீர்; [QE][QS]எங்களுடைய படைகளுடனே செல்லாமலிருக்கிறீர். [QE]
10. [QS]எதிரிக்கு நாங்கள் பின்னிட்டுத் திரும்பிப்போகச்செய்கிறீர்; [QE][QS]எங்களுடைய பகைவர் தங்களுக்கென்று எங்களைக் கொள்ளையிடுகிறார்கள். [QE]
11. [QS]நீர் எங்களை ஆடுகளைப்போல இரையாக ஒப்புக்கொடுத்து, [QE][QS]தேசங்களுக்குள்ளே எங்களைச் சிதறடிக்கிறீர். [QE]
12. [QS]நீர் உம்முடைய மக்களை இலவசமாக விற்கிறீர்; [QE][QS]அவர்கள் கிரயத்தினால் உமக்கு லாபமில்லையே. [QE]
13. [QS]எங்களுடைய அயலாருக்கு எங்களை நிந்தையாகவும், [QE][QS]எங்கள் சுற்றுப்புறத்தாருக்கு ஏளனத்திற்கும், [QE][QS]பழிப்புகளுக்கும் வைக்கிறீர். [QE]
14. [QS]நாங்கள் தேசங்களுக்குள்ளே பழமொழியாக இருக்கவும், [QE][QS]மக்கள் எங்களைக்குறித்துத் தலைதூக்கவும் செய்கிறீர். [QE]
15. [QS]நிந்தித்துத் தூஷிக்கிறவனுடைய சத்தத்தினிமித்தமும், எதிரிகளினிமித்தமும், [QE][QS]பழிவாங்குகிறவர்னிமித்தமும், [QE]
16. [QS]என்னுடைய அவமானம் எப்போதும் எனக்கு முன்பாக இருக்கிறது; [QE][QS]என்னுடைய முகத்தின் வெட்கம் என்னை மூடுகிறது. [QE]
17. [QS]இவையெல்லாம் எங்கள்மேல் வந்திருந்தும், [QE][QS]உம்மை நாங்கள் மறக்கவும் இல்லை, [QE][QS]உம்முடைய உடன்படிக்கைக்குத் துரோகம்செய்யவும் இல்லை. [QE]
18. [QS]நீர் எங்களை வலுசர்ப்பங்களுள்ள இடத்திலே நொறுக்கி, [QE][QS]மரண இருளினாலே எங்களை மூடியிருந்தும், [QE]
19. [QS]எங்களுடைய இருதயம் பின்வாங்கவும் இல்லை, எங்களுடைய காலடி உம்முடைய பாதையைவிட்டு விலகவும் இல்லை. [QE]
20. [QS]நாங்கள் எங்கள் தேவனுடைய பெயரை மறந்து, [QE][QS]அந்நியதேவனை நோக்கிக் கையெடுத்திருந்தோமானால், [QE]
21. [QS]தேவன் அதை ஆராய்ந்து, விசாரிக்காமல் இருப்பாரோ? [QE][QS]இருதயத்தின் ரகசியங்களை அவர் அறிந்திருக்கிறாரே. [QE]
22. [QS]உமக்காக எந்நேரமும் கொல்லப்படுகிறோம்; [QE][QS]அடிக்கப்படும் ஆடுகளைப்போல எண்ணப்படுகிறோம். [QE]
23. [QS]ஆண்டவரே, விழித்துக்கொள்ளும்; ஏன் தூங்குகிறீர்? [QE][QS]எழுந்தருளும், எங்களை என்றைக்கும் தள்ளிவிடாமலிரும். [QE]
24. [QS]ஏன் உம்முடைய முகத்தை மறைத்து, [QE][QS]எங்களுடைய துன்பத்தையும் எங்களுடைய நெருக்கத்தையும் மறந்துவிடுகிறீர்? [QE]
25. [QS]எங்களுடைய ஆத்துமா புழுதிவரை தாழ்ந்திருக்கிறது; [QE][QS]எங்களுடைய வயிறு தரையோடு ஒட்டியிருக்கிறது. [QE]
26. [QS]எங்களுக்கு ஒத்தாசையாக எழுந்தருளும்; [QE][QS]உம்முடைய கிருபையினிமித்தம் எங்களை மீட்டுவிடும். [QE]