1. {எதுதூன் என்னும் தலைவனுக்கு தாவீதின் பாடல்.} என்னுடைய நாவினால் பாவம்செய்யாதபடிக்கு நான் என்னுடைய [QBR] வழிகளைக் காத்து, துன்மார்க்கன் எனக்கு முன்பாக இருக்கும்வரை என்னுடைய வாயைக் கடிவாளத்தால் அடக்கிவைப்பேன் என்றேன். [QBR]
2. நான் மவுனமாகி, ஊமையனாக இருந்தேன், [QBR] நலமானதையும் பேசாமல் அமர்ந்திருந்தேன்; [QBR] ஆனாலும் என்னுடைய துக்கம் அதிகரித்தது; [QBR]
3. என்னுடைய இருதயம் எனக்குள்ளே அனல்கொண்டது; [QBR] நான் தியானிக்கும்போது நெருப்பு எரிந்தது; [QBR] அப்பொழுது என்னுடைய நாவினால் விண்ணப்பம் செய்தேன். [QBR]
4. யெகோவாவே, நான் எவ்வளவாக நிலையற்றவன் என்று உணரும்படி என்னுடைய முடிவையும், [QBR] என்னுடைய நாட்களின் அளவு இவ்வளவு என்பதையும் எனக்குத் தெரிவியும். [QBR]
5. இதோ, என்னுடைய நாட்களை நான்கு விரல் அளவாக்கினீர்; [QBR] என்னுடைய ஆயுள் உமது பார்வைக்கு ஒன்றும் இல்லாதது போலிருக்கிறது; [QBR] எந்த மனிதனும் மாயையே என்பது நிச்சயம். (சேலா) [QBR]
6. நிழலைப்போலவே மனிதன் நடந்து திரிகிறான்; [QBR] வீணாகவே சஞ்சலப்படுகிறான்; சொத்தைச் சேர்க்கிறான். [QBR] யார் அதை எடுத்துக்கொள்ளுவான் என்று அறியான். [QBR]
7. இப்போதும் ஆண்டவரே, நான் எதற்கு எதிர்பார்த்திருக்கிறேன்? நீரே என்னுடைய நம்பிக்கை. [QBR]
8. என்னுடைய மீறுதல்கள் எல்லாவற்றிலுமிருந்து என்னை விடுதலையாக்கும், [QBR] மூடனின் அவமானப்படுத்துதலுக்கு என்னை ஒப்புக்கொடுக்க வேண்டாம். [QBR]
9. நீரே இதைச் செய்தீர் என்று நான் [QBR] என்னுடைய வாயைத் திறக்காமல் மவுனமாக இருந்தேன். [QBR]
10. என்னிலிருந்து உம்முடைய வாதையை எடுத்துப்போடும்; [QBR] உமது கையின் அடிகளால் நான் சோர்ந்து போனேன். [QBR]
11. அக்கிரமத்திற்காக நீர் மனிதனைக் கடிந்துகொண்டு தண்டிக்கிறபோது, [QBR] அவன் வடிவத்தைப் பூச்சி அரிப்பதுபோல அழியச்செய்கிறீர்; [QBR] நிச்சயமாக எந்த மனிதனும் மாயையே. (சேலா) [QBR]
12. யெகோவாவே, என்னுடைய ஜெபத்தைக் கேட்டு, [QBR] என்னுடைய கூப்பிடுதலை காதுகொடுத்து கேளும்; [QBR] என்னுடைய கண்ணீருக்கு மவுனமாக இருக்கவேண்டாம்; [QBR] என்னுடைய முன்னோர்கள் எல்லோரையும்போல [QBR] நானும் உமக்குமுன்பாக அந்நியனும் நிலையற்றவனுமாக இருக்கிறேன். [QBR]
13. நான் இனி இல்லாமல்போவதற்குமுன்னே, [QBR] தேறுதலடையும்படி என்னிடத்தில் பொறுமையாக இரும். [PE]