1. {மஸ்கீல் என்னும் தாவீதின் பாடல்.} எவனுடைய மீறுதல் மன்னிக்கப்பட்டதோ, [QBR] எவனுடைய பாவம் மூடப்பட்டதோ, [QBR] அவன் பாக்கியவான். [QBR]
2. எவனுடைய அக்கிரமத்தைக் யெகோவா எண்ணாமலிருக்கிறாரோ, [QBR] எவனுடைய ஆவியில் கபடமில்லாதிருக்கிறதோ, அவன் பாக்கியவான். [QBR]
3. நான் அடக்கிவைத்தவரையில், [QBR] எப்பொழுதும் என் கதறுதலினாலே என் எலும்புகள் உலர்ந்துபோயிற்று. [QBR]
4. இரவும் பகலும் என்மேல் உம்முடைய கை பாரமாக இருந்ததினால், [QBR] என் பெலன் கோடைக்கால வறட்சிபோல வறண்டுபோயிற்று. (சேலா) [QBR]
5. நான் என் அக்கிரமத்தை மறைக்காமல், என் பாவத்தை உமக்கு அறிவித்தேன்; [QBR] என் மீறுதல்களைக் யெகோவாவுக்கு அறிக்கையிடுவேன் என்றேன்; [QBR] தேவனே நீர் என் பாவத்தின் தோஷத்தை மன்னித்தீர். (சேலா) [QBR]
6. இதற்காக [* ] உம்மைக் காணும் காலத்தில் பக்தியுள்ளவனெவனும் உம்மை நோக்கி விண்ணப்பம் செய்வான்; [QBR] அப்பொழுது மிகுந்த வெள்ளம் வந்தாலும் அது அவனை அணுகாது. [QBR]
7. நீர் எனக்கு மறைவிடமாயிருக்கிறீர்; [QBR] என்னை நீர் இக்கட்டுக்கு விலக்கிக்காத்து, [QBR] இரட்சிப்பின் பாடல்கள் என்னைச் சூழ்ந்துகொள்ளும்படி செய்வீர். (சேலா) [QBR]
8. நான் உனக்குப் போதித்து, நீ நடக்கவேண்டிய வழியை உனக்குக் காட்டுவேன்; [QBR] உன்மேல் என் கண்ணை வைத்து, உனக்கு ஆலோசனை சொல்லுவேன். [QBR]
9. வாரினாலும் கடிவாளத்தினாலும் வாய் கட்டப்பட்டாலொழிய, [QBR] உன் அருகில் சேராத புத்தியில்லாத குதிரையைப்போலவும் [QBR] கோவேறு கழுதையைப்போலவும் இருக்கவேண்டாம். [QBR]
10. துன்மார்க்கனுக்கு அநேக வேதனைகளுண்டு; [QBR] யெகோவாவை நம்பியிருக்கிறவனையோ கிருபை சூழ்ந்து கொள்ளும். [QBR]
11. நீதிமான்களே, யெகோவாவுக்குள் மகிழ்ந்து களிகூருங்கள்; [QBR] செம்மையான இருதயமுள்ளவர்களே, [QBR] நீங்கள் எல்லாரும் ஆனந்தமுழக்கமிடுங்கள். [PE]