1. {தாவீதின் நன்றிப்பாடல்.} ராஜாவாகிய என் தேவனே, உம்மை உயர்த்தி, [QBR] உம்முடைய பெயரை எப்பொழுதும் என்றென்றைக்கும் நன்றிசொல்லுவேன். [QBR]
2. நாள்தோறும் உமக்கு நன்றிசெலுத்தி, [QBR] எப்பொழுதும் என்றென்றைக்கும் உம்முடைய பெயரைத் துதிப்பேன். [QBR]
3. யெகோவா பெரியவரும் மிகவும் புகழப்படத்தக்கவருமாக இருக்கிறார்; [QBR] அவருடைய மகத்துவம் ஆராய்ந்து முடியாது. [QBR]
4. தலைமுறை தலைமுறையாக உம்முடைய செயல்களின் புகழ்ச்சியைச் சொல்லி, [QBR] உம்முடைய வல்லமையுள்ள செய்கைகளை அறிவிப்பார்கள். [QBR]
5. உம்முடைய சிறந்த மகிமைப் பிரதாபத்தையும், [QBR] உம்முடைய அதிசயமான செயல்களையுங்குறித்துப் பேசுவேன். [QBR]
6. மக்கள் உம்முடைய பயங்கரமான செயல்களின் வல்லமையைச் சொல்லுவார்கள்; [QBR] உம்முடைய மகத்துவத்தை நான் விவரிப்பேன். [QBR]
7. அவர்கள் உமது மிகுந்த தயவை நினைத்து வெளிப்படுத்தி, [QBR] உமது நீதியைக் கெம்பீரித்துப் பாடுவார்கள். [QBR]
8. யெகோவா இரக்கமும் மன உருக்கமும், [QBR] நீடிய சாந்தமும் மிகுந்த கிருபையும் உள்ளவர். [QBR]
9. யெகோவா எல்லோர்மேலும் தயவுள்ளவர்; [QBR] அவர் இரக்கங்கள் அவருடைய எல்லாச் செயல்களின்மேலுமுள்ளது. [QBR]
10. யெகோவாவே, உம்முடைய செயல்களெல்லாம் உம்மைத் துதிக்கும்; [QBR] உம்முடைய பரிசுத்தவான்கள் உமக்கு நன்றி சொல்வார்கள். [QBR]
11. மனிதர்களுக்கு உமது வல்லமையுள்ள செய்கைகளையும், [QBR] உமது ராஜ்ஜியத்தின் சிறந்த மகிமைப்பிரதாபத்தையும் தெரிவிக்கும்படிக்கு; [QBR]
12. உமது ராஜ்ஜியத்தின் மகிமையை அறிவித்து, [QBR] உமது வல்லமையைக் குறித்துப் பேசுவார்கள். [QBR]
13. உம்முடைய ராஜ்ஜியம் எல்லாக் காலங்களிலுமுள்ள ராஜ்ஜியம், [QBR] உம்முடைய ஆளுகை தலைமுறை தலைமுறையாகவும் உள்ளது. [QBR]
14. யெகோவா விழுகிற அனைவரையும் தாங்கி, [QBR] மடங்கடிக்கப்பட்ட அனைவரையும் தூக்கிவிடுகிறார். [QBR]
15. எல்லா உயிர்களின் கண்களும் உம்மை நோக்கிக்கொண்டிருக்கிறது; [QBR] ஏற்ற வேளையிலே நீர் அவைகளுக்கு உணவுகொடுக்கிறீர். [QBR]
16. நீர் உமது கையைத் திறந்து, [QBR] எல்லா உயிர்களின் வாஞ்சையையும் திருப்தியாக்குகிறீர். [QBR]
17. யெகோவா தமது வழிகளிலெல்லாம் நீதியுள்ளவரும், [QBR] தமது செயல்களிலெல்லாம் கிருபையுள்ளவருமாக இருக்கிறார். [QBR]
18. தம்மை நோக்கிக் கூப்பிடுகிற அனைவருக்கும், [QBR] உண்மையாகத் தம்மை நோக்கிக் கூப்பிடுகிற அனைவருக்கும், [QBR] யெகோவா அருகில் இருக்கிறார். [QBR]
19. அவர் தமக்குப் பயந்தவர்களுடைய விருப்பத்தின்படி செய்து, [QBR] அவர்கள் கூப்பிடுதலைக் கேட்டு, [QBR] அவர்களைப் பாதுகாக்கிறார். [QBR]
20. யெகோவா தம்மில் அன்புகூருகிற அனைவரையும் காப்பாற்றி, [QBR] துன்மார்க்கர்கள் அனைவரையும் அழிப்பார். [QBR]
21. என்னுடைய வாய் யெகோவாவின் துதியைச் சொல்வதாக; [QBR] மாம்ச சரீரமுள்ள யாவும் அவருடைய பரிசுத்த பெயரை [QBR] எப்பொழுதும் என்றென்றைக்கும் போற்றட்டும். [PE]