1. யெகோவா என்னுடைய சத்தத்தையும் என்னுடைய விண்ணப்பத்தையும் கேட்டதினால், [QBR] அவரில் அன்புகூருகிறேன். [QBR]
2. அவர் தமது செவியை எனக்குச் சாய்த்தபடியால், [QBR] நான் உயிரோடிருக்கும்வரை அவரைத் தொழுதுகொள்ளுவேன். [QBR]
3. மரணக்கட்டுகள் என்னைச் சுற்றிக்கொண்டது, [QBR] பாதாளக் கண்ணிகள் என்னைப் பிடித்தது; கவலையும் துன்பமும் அடைந்தேன். [QBR]
4. அப்பொழுது நான் யெகோவாவுடைய பெயரைத் தொழுதுகொண்டு: [QBR] யெகோவாவே, என்னுடைய ஆத்துமாவை விடுவியும் என்று கெஞ்சினேன். [QBR]
5. யெகோவா கிருபையும் நீதியுமுள்ளவர், [QBR] நம்முடைய தேவன் மனவுருக்கம் உள்ளவர். [QBR]
6. யெகோவா கபடற்றவர்களைக் காக்கிறார்; [QBR] நான் மெலிந்துபோனேன், [QBR] அவர் என்னைப் பாதுகாத்தார். [QBR]
7. என் ஆத்துமாவே, யெகோவா உனக்கு நன்மை செய்தபடியால், [QBR] நீ உன்னுடைய இளைப்பாறுதலுக்குத் திரும்பு. [QBR]
8. என் ஆத்துமாவை மரணத்திற்கும், என் கண்ணைக் கண்ணீருக்கும், [QBR] என் காலை இடறுதலுக்கும் தப்புவித்தீர். [QBR]
9. நான் யெகோவாவுக்கு முன்பாக உயிருள்ளவர்கள் தேசத்திலே நடப்பேன். [QBR]
10. விசுவாசித்தேன், ஆகையால் பேசுகிறேன்; [QBR] நான் மிகவும் வருத்தப்பட்டேன். [QBR]
11. எந்த மனிதனும் பொய்யன் என்று என்னுடைய மனக்கலக்கத்திலே சொன்னேன். [QBR]
12. யெகோவா எனக்குச் செய்த எல்லா உதவிகளுக்காகவும், அவருக்கு என்னத்தைச் செலுத்துவேன். [QBR]
13. இரட்சிப்பின் பாத்திரத்தை எடுத்துக்கொண்டு, [QBR] யெகோவாவுடைய பெயரைத் தொழுதுகொள்ளுவேன். [QBR]
14. நான் யெகோவாவுக்குச் செய்த பொருத்தனைகளை [QBR] அவருடைய மக்களெல்லோருக்கும் முன்பாகவும் செலுத்துவேன். [QBR]
15. யெகோவாவுடைய பரிசுத்தவான்களின் மரணம் அவருடைய பார்வைக்கு அருமையானது. [QBR]
16. யெகோவாவே, நான் உமது அடியேன்; [QBR] நான் உமது அடியாளின் மகனும், உமது ஊழியக்காரனுமாக இருக்கிறேன்; [QBR] என்னுடைய கட்டுகளை அவிழ்த்துவிட்டீர். [QBR]
17. நான் உமக்கு நன்றிபலியைச் செலுத்தி, [QBR] யெகோவாவுடைய பெயரைத் தொழுதுகொள்ளுவேன். [QBR]
18. நான் யெகோவாவுக்குச் செய்த பொருத்தனைகளை [QBR] அவருடைய மக்களெல்லோருக்கும் முன்பாகவும், [QBR]
19. யெகோவாவுடைய ஆலயத்தின் முற்றங்களிலும், [QBR] எருசலேமே உன்னுடைய நடுவிலும் நிறைவேற்றுவேன். [QBR] அல்லேலூயா. [PE]