1. {இராகத்தலைவனுக்கு ஒப்புவிக்கப்பட்ட தாவீதின் பாடல்.} நான் துதிக்கும் தேவனே, [PE][PS] மவுனமாக இருக்கவேண்டாம். [PE][PS]
2. துன்மார்க்கனுடைய வாயும், வஞ்சகவாயும், [PE][PS] எனக்கு விரோதமாகத் திறந்திருக்கிறது; [PE][PS] பொய் நாவினால் என்னோடு பேசுகிறார்கள். [PE][PS]
3. பகையுண்டாக்கும் வார்த்தைகளால் என்னைச் சூழ்ந்துகொண்டு, [PE][PS] காரணமில்லாமல் என்னோடு போர்செய்கிறார்கள். [PE][PS]
4. என்னுடைய அன்புக்கு பதிலாக என்னை விரோதிக்கிறார்கள், [PE][PS] நானோ ஜெபம் செய்து கொண்டிருக்கிறேன். [PE][PS]
5. நன்மைக்குப் பதிலாக எனக்குத் தீமைசெய்கிறார்கள், [PE][PS] என்னுடைய அன்புக்குப் பதிலாக என்னைப் பகைக்கிறார்கள். [PE][PS]
6. அவனுக்கு மேலாகத் தீயவனை ஏற்படுத்தி வையும், [PE][PS] சாத்தான் அவனுடைய வலதுபக்கத்தில் நிற்கட்டும். [PE][PS]
7. அவனுடைய நியாயம் விசாரிக்கப்படும்போது குற்றவாளியாகட்டும்; [PE][PS] அவனுடைய ஜெபம் பாவமாகட்டும். [PE][PS]
8. அவனுடைய நாட்கள் கொஞ்சமாகட்டும்; [PE][PS] அவனுடைய வேலையை வேறொருவன் பெறட்டும். [PE][PS]
9. அவனுடைய பிள்ளைகள் திக்கற்றவர்களும், [PE][PS] அவனுடைய மனைவி விதவையுமாகட்டும். [PE][PS]
10. அவனுடைய பிள்ளைகள் அலைந்து திரிந்து பிச்சையெடுத்து, [PE][PS] தங்களுடைய பாழான வீடுகளிலிருந்து பிச்சை எடுக்கட்டும். [PE][PS]
11. கடன் கொடுத்தவன் அவனுக்கு உள்ளதெல்லாவற்றையும் அபகரித்துக்கொள்ளட்டும்; [PE][PS] அவனுடைய உழைப்பின் பலனை அந்நியர்கள் பறித்துக்கொள்ளட்டும். [PE][PS]
12. அவனுக்கு ஒருவரும் இரக்கங்காட்டாமலும், [PE][PS] அவனுடைய திக்கற்ற பிள்ளைகளுக்குத் தயவு செய்யாமல் போகட்டும். [PE][PS]
13. அவனுடைய சந்ததியார் அழிக்கப்படட்டும்; [PE][PS] இரண்டாம் தலைமுறையில் அவர்களுடைய பெயர் இல்லாமல் போகட்டும். [PE][PS]
14. அவனுடைய முன்னோர்களின் அக்கிரமம் யெகோவாவுக்கு முன்பாக நினைக்கப்படட்டும், [PE][PS] அவனுடைய தாயின் பாவம் நீங்காமலிருக்கட்டும். [PE][PS]
15. அவைகள் எப்பொழுதும் யெகோவாவுக்கு முன்பாக இருக்கட்டும்; [PE][PS] அவர்களுடைய பெயர் பூமியில் இல்லாமல் அழிக்கப்படட்டும். [PE][PS]
16. அவன் தயவுசெய்ய நினைக்காமல், [PE][PS] ஏழையும், தேவையுள்ளவனுமாகிய மனிதனைத் துன்பப்படுத்தி, [PE][PS] மனமுறிவுள்ளவனைக் கொலைசெய்யும்படி தேடினானே. [PE][PS]
17. சாபத்தை விரும்பினான், அது அவனுக்கு வரும்; [PE][PS] அவன் ஆசீர்வாதத்தை விரும்பாமற்போனான், [PE][PS] அது அவனுக்குத் தூரமாக விலகிப்போகும். [PE][PS]
18. சாபத்தை அவன் தனக்கு ஆடையாக உடுத்திக்கொண்டான்; [PE][PS] அது அவனுடைய உள்ளத்தில் தண்ணீரைப்போலவும், [PE][PS] அவனுடைய எலும்புகளில் எண்ணெயைப்போலவும் பாயும். [PE][PS]
19. அது அவன் போர்த்துக்கொள்ளுகிற ஆடையாகவும், [PE][PS] எப்பொழுதும் கட்டிக்கொள்ளுகிற வார்க்கச்சையாகவும் இருக்கட்டும். [PE][PS]
20. இதுதான் என்னை விரோதிக்கிறவர்களுக்கும், [PE][PS] என்னுடைய ஆத்துமாவுக்கு விரோதமாகத் தீங்கு பேசுகிறவர்களுக்கும் யெகோவாவால் வரும் பிரதிபலன். [PE][PS]
21. ஆண்டவராகிய யெகோவாவே, [PE][PS] நீர் உமது பெயரினிமித்தம் என்னை ஆதரித்து, [PE][PS] உமது கிருபை நலமானதினால், [PE][PS] என்னை விடுவித்தருளும். [PE][PS]
22. நான் ஏழையும் தேவையுள்ளவனுமாக இருக்கிறேன், [PE][PS] என்னுடைய இருதயம் எனக்குள் புண்பட்டிருக்கிறது. [PE][PS]
23. சாயும் நிழலைப்போல் அகன்றுபோனேன்; [PE][PS] வெட்டுக்கிளியைப்போல் பறக்கடிக்கப்படுகிறேன். [PE][PS]
24. உபவாசத்தினால் என்னுடைய முழங்கால்கள் பலவீனமடைகிறது; [PE][PS] என்னுடைய சரீரமும் பலமற்று உலர்ந்து போகிறது. [PE][PS]
25. நான் அவர்களுக்கு நிந்தையானேன்; அவர்கள் என்னைப் பார்த்து, [PE][PS] தங்களுடைய தலையை அசைக்கிறார்கள். [PE][PS]
26. என் தேவனாகிய யெகோவாவே எனக்கு உதவிசெய்யும்; [PE][PS] உமது கிருபையின்படி என்னைக் காப்பாற்றும். [PE][PS]
27. இது உமது கரம் என்றும், யெகோவாவே, [PE][PS] தேவனே நீர் இதைச் செய்தீர் என்றும், அவர்கள் அறிவார்களாக. [PE][PS]
28. அவர்கள் சபித்தாலும், நீர் ஆசீர்வதியும்; [PE][PS] அவர்கள் எழும்பினாலும் வெட்கப்பட்டுப்போகட்டும்; [PE][PS] உமது அடியானோ மகிழ்சியாக இருப்பேன். [PE][PS]
29. என்னுடைய விரோதிகள் அவமானத்தால் மூடப்பட்டு, [PE][PS] தங்களுடைய வெட்கத்தைச் சால்வையைப்போல் அணிந்துக்கொள்வார்களாக. [PE][PS]
30. யெகோவாவை நான் என்னுடைய வாயினால் மிகவும் துதித்து, [PE][PS] அநேகர் நடுவிலே அவரைப் புகழுவேன். [PE][PS]
31. தண்டனைக்குள்ளாகத் தீர்க்கிறவர்களிடம் ஒடுக்கப்பட்டவனுடைய ஆத்துமாவை காப்பாற்றும்படி [PE][PS] அவர் அவனுடைய வலதுபக்கத்தில் நிற்பார். [PE]