1. என் ஆத்துமாவே, யெகோவாவைப் போற்று; [QBR] என் தேவனாகிய யெகோவாவே, நீர் மிகவும் பெரியவராக இருக்கிறீர்; [QBR] மகிமையையும் மகத்துவத்தையும் அணிந்துகொண்டிருக்கிறீர். [QBR]
2. ஒளியை ஆடையாக அணிந்து, வானங்களைத் திரையைப்போல் விரித்திருக்கிறீர். [QBR]
3. தமது மேல்வீடுகளைத் தண்ணீர்களால் மேல்தளமாக்கி, [QBR] மேகங்களைத் தமது இரதமாக்கி, காற்றினுடைய இறக்கைகளின்மேல் செல்லுகிறார். [QBR]
4. தம்முடைய தூதர்களைக் காற்றுகளாகவும், [QBR] தம்முடைய ஊழியக்காரர்களை நெருப்பு ஜூவாலைகளாகவும் செய்கிறார். [QBR]
5. பூமி ஒருபோதும் நகர்த்த முடியாதபடி அதின் அஸ்திபாரங்கள்மேல் அதை நிறுவினார். [QBR]
6. அதை ஆடையினால் மூடுவதுபோல ஆழத்தினால் மூடினீர்; [QBR] மலைகளின்மேல் தண்ணீர்கள் நின்றது. [QBR]
7. அவைகள் உமது கண்டிதத்தால் விலகியோடி, [QBR] உமது குமுறலின் சத்தத்தால் விரைந்துசென்றது. [QBR]
8. அவைகள் மலைகளில் ஏறி, பள்ளத்தாக்குகளில் இறங்கி, [QBR] நீர் அவைகளுக்கு ஏற்படுத்தின இடத்தில் சென்றது. [QBR]
9. அவைகள் திரும்பவும் வந்து பூமியை மூடிக்கொள்ளாதபடி [QBR] கடக்காமல் இருக்கும் எல்லையை அவைகளுக்கு ஏற்படுத்தினீர். [QBR]
10. அவர் பள்ளத்தாக்குகளில் நீரூற்றுகளை வரவிடுகிறார்; [QBR] அவைகள் மலைகள் நடுவே ஓடுகிறது. [QBR]
11. அவைகள் வெளியின் உயிர்களுக்கெல்லாம் தண்ணீர் கொடுக்கும்; [QBR] அங்கே காட்டுக்கழுதைகள் தங்களுடைய தாகத்தைத் தீர்த்துக்கொள்ளும். [QBR]
12. அவைகளின் ஓரமாக வானத்துப் பறவைகள் குடியிருந்து, [QBR] கிளைகள் மேலிருந்து பாடும். [QBR]
13. தம்முடைய மேல்வீடுகளிலிருந்து மலைகளுக்குத் தண்ணீர் இறைக்கிறார்; [QBR] உமது செயல்களின் பயனால் பூமி திருப்தியாக இருக்கிறது. [QBR]
14. பூமியிலிருந்து ஆகாரம் உண்டாகும்படி, அவர் மிருகங்களுக்குப் புல்லையும், [QBR] மனிதருக்கு உபயோகமான பயிர்வகைகளையும் முளைப்பிக்கிறார். [QBR]
15. மனிதனுடைய இருதயத்தை மகிழ்ச்சியாக்கும் திராட்சைரசத்தையும், [QBR] அவனுக்கு முகக்களையை உண்டாக்கும் எண்ணெயையும், [QBR] மனிதனுடைய இருதயத்தை ஆதரிக்கும் உணவையும் விளைவிக்கிறார். [QBR]
16. யெகோவாவுடைய மரங்களும், [QBR] அவரால் நடப்பட்ட லீபனோனின் கேதுருக்களும் செழித்து நிறைந்திருக்கும். [QBR]
17. அங்கே குருவிகள் கூடுகட்டும்; தேவதாருமரங்கள் கொக்குகளின் குடியிருப்பு. [QBR]
18. உயர்ந்த மலைகள் வரையாடுகளுக்கும், கன்மலைகள் குழிமுயல்களுக்கும் அடைக்கலம். [QBR]
19. சந்திரனைக் காலக்குறிப்புகளுக்காகப் படைத்தார்; [QBR] சூரியன் தன்னுடைய மறையும் நேரத்தை அறியும். [QBR]
20. நீர் இருளைக் கட்டளையிடுகிறீர், இரவுநேரமாகும்; [QBR] அதிலே எல்லா காட்டு உயிர்களும் நடமாடும். [QBR]
21. இளசிங்கங்கள் இரைக்காக கெர்ச்சித்து, தேவனால் தங்களுக்கு உணவு கிடைக்கும்படித்தேடும். [QBR]
22. சூரியன் உதிக்கும்போது அவைகள் ஒதுங்கி, [QBR] தங்களுடைய மறைவிடங்களில் படுத்துக்கொள்ளும். [QBR]
23. அப்பொழுது மனிதன் மாலைவரை தன்னுடைய வேலைக்கும், [QBR] தன்னுடைய உழைப்புக்கும் புறப்படுகிறான். [QBR]
24. யெகோவாவே, உமது செயல்கள் எவ்வளவு திரளாக இருக்கிறது! [QBR] அவைகளையெல்லாம் ஞானமாகப் படைத்தீர்; [QBR] பூமி உம்முடைய பொருட்களினால் நிறைந்திருக்கிறது. [QBR]
25. பெரிதும் அகலமுமான இந்த கடலும் அப்படியே நிறைந்திருக்கிறது; [QBR] அதிலே வாழும் சிறியவைகளும் பெரியவைகளுமான கணக்கில்லாத உயிர்கள் உண்டு. [QBR]
26. அதிலே கப்பல்கள் ஓடும்; [QBR] அதிலே விளையாடும்படி நீர் உண்டாக்கின திமிங்கிலங்களும் உண்டு. [QBR]
27. ஏற்றவேளையில் உணவைத் தருவீர் என்று அவைகளெல்லாம் [QBR] உம்மை நோக்கிக் காத்திருக்கும். [QBR]
28. நீர்கொடுக்க, அவைகள் வாங்கிக்கொள்ளும்; [QBR] நீர் உம்முடைய கையைத் திறக்க, அவைகள் நன்மையால் திருப்தியாகும். [QBR]
29. நீர் உமது முகத்தை மறைக்க, திகைக்கும்; [QBR] நீர் அவைகளின் சுவாசத்தை வாங்கிக்கொள்ள, அவைகள் இறந்து, [QBR] தங்களுடைய மண்ணுக்குத் திரும்பும். [QBR]
30. நீர் உம்முடைய ஆவியை அனுப்பும்போது, அவைகள் உருவாக்கப்படும்; [QBR] நீர் பூமி அனைத்தையும் புதிதாக்குகிறீர். [QBR]
31. யெகோவாவுடைய மகிமை என்றென்றைக்கும் விளங்கும்; [QBR] யெகோவா தம்முடைய செயல்களிலே மகிழுவார். [QBR]
32. அவர் பூமியை நோக்கிப்பார்க்க, அது அதிரும்; [QBR] அவர் மலைகளைத் தொட, அவைகள் புகையும். [QBR]
33. நான் உயிரோடிருக்கும்வரை என்னுடைய யெகோவாவைப் பாடுவேன்; [QBR] நான் உயிரோடிருக்கும்வரையும் என் தேவனைப் புகழ்ந்து பாடுவேன். [QBR]
34. நான் அவரைத் தியானிக்கும் தியானம் இனிதாக இருக்கும்; [QBR] நான் யெகோவாவுக்குள் மகிழுவேன். [QBR]
35. பாவிகள் பூமியிலிருந்து மறைந்து, [QBR] துன்மார்க்கர்கள் இனி இல்லாமற்போவார்கள். [QBR] என் ஆத்துமாவே, யெகோவாவைப் போற்று, [QBR] அல்லேலூயா. [PE]