1. யெகோவாவே, ஏன் தூரத்தில் நிற்கிறீர்? [QBR] துன்பம் நேரிடுகிற நேரங்களில் நீர் ஏன் மறைந்திருக்கிறீர்? [QBR]
2. துன்மார்க்கன் தன்னுடைய பெருமையினால் [QBR] ஏழ்மையானவனை கொடூரமாகத் துன்பப்படுத்துகிறான்; [QBR] அவர்கள் நினைத்த சதிமோசங்களில் அவர்களே அகப்படுவார்கள். [QBR]
3. துன்மார்க்கன் தன்னுடைய உள்ளத்தின் ஆசையில் பெருமை பாராட்டுகிறான், [QBR] பொருளை அபகரிக்கிறவன் யெகோவாவைச் சபித்து அசட்டைசெய்கிறான். [QBR]
4. துன்மார்க்கன் தன்னுடைய கர்வத்தினால் தேவனைத் தேடமாட்டான்; [QBR] அவனுடைய நினைவுகளெல்லாம் தேவன் இல்லை என்பதே. [QBR]
5. அவன் வழிகள் எப்போதும் கேடுள்ளவைகள்; [QBR] உம்முடைய நியாயத்தீர்ப்புகள் அவன் பார்வைக்கு எட்டாமல் மிகவும் உயரமாக இருக்கின்றன; [QBR] தன்னுடைய எதிராளிகள் எல்லோர்மேலும் சீறுகிறான். [QBR]
6. நான் அசைக்கப்படுவதில்லை, தலைமுறை தலைமுறைதோறும் தீங்கு என்னை அணுகுவதில்லை [QBR] என்று தன்னுடைய இருதயத்தில் சொல்லிக்கொள்ளுகிறான். [QBR]
7. அவன் வாய் சபிப்பினாலும், கபடத்தினாலும், [QBR] கொடுமையினாலும், நிறைந்திருக்கிறது; [QBR] அவன் நாவின்கீழ் தீவினையும் அக்கிரமமும் உண்டு. [QBR]
8. கிராமங்களின் மறைவான இடங்களிலே மறைந்திருந்து, [QBR] மறைவான இடங்களிலே குற்றமற்றவனைக் கொல்லுகிறான்; [QBR] திக்கற்றவர்களைப் பிடிக்க அவனுடைய கண்கள் நோக்கிக்கொண்டிருக்கின்றன. [QBR]
9. தன்னுடைய கெபியிலிருக்கிற சிங்கத்தைப்போல மறைவில் மறைந்திருக்கிறான்; [QBR] ஏழையைப் பிடிக்கப் மறைந்திருந்து, அவனைத் தன்னுடைய வலைக்குள் இழுத்துப் பிடித்துக்கொள்ளுகிறான். [QBR]
10. திக்கற்றவர்கள் தன்னுடைய பலவான்கள் கையில் விழும்படி அவன் பதுங்கிக் கிடக்கிறான். [QBR]
11. தேவன் அதை மறந்தார் என்று அவர் தம்முடைய முகத்தை மறைத்து, [QBR] எப்போதும் அதைக் காணமாட்டார் என்றும்; [QBR] தன்னுடைய இருதயத்திலே சொல்லிகொள்ளுகிறான். [QBR]
12. யெகோவாவே, எழுந்தருளும்; [QBR] தேவனே, உம்முடைய கையை உயர்த்தும்; [QBR] ஏழைகளை மறக்காமலிரும். [QBR]
13. துன்மார்க்கன் தேவனை அசட்டைசெய்து, [QBR] நீர் கேட்டு விசாரிப்பதில்லை; [QBR] என்று தன்னுடைய இருதயத்தில் ஏன் சொல்லிக்கொள்ளவேண்டும்? [QBR]
14. அதைப் பார்த்திருக்கிறீரே! உபத்திரவத்தையும், [QBR] துக்கத்தையும் கவனித்திருக்கிறீரே; [QBR] நீர் பதிலளிப்பீர்; [QBR] ஏழையானவன் தன்னை உமக்கு ஒப்புவிக்கிறான்; [QBR] திக்கற்ற பிள்ளைகளுக்குச் சகாயர் நீரே. [QBR]
15. துன்மார்க்கனும் பொல்லாதவனுமாக இருக்கிறவனுடைய கையை முறித்துவிடும்; [QBR] அவனுடைய துன்மார்க்கம் காணாமற்போகும்வரை அதைத் தேடி விசாரியும். [QBR]
16. யெகோவா எல்லாக் காலங்களுக்கும் இராஜாவாக இருக்கிறார்; [QBR] அந்நியமக்கள் அவருடைய தேசத்திலிருந்து அழிந்து போவார்கள். [QBR]
17. யெகோவாவே, ஏழைகளுடைய வேண்டுதலைக் கேட்டிருக்கிறீர்; [QBR] அவர்கள் இருதயத்தை உறுதிப்படுத்துவீர். [QBR]
18. மண்ணான மனிதன் இனிப் பலவந்தம்செய்யத் தொடராமல், [QBR] தேவனே நீர் திக்கற்ற பிள்ளைகளுக்கும் [QBR] ஒடுக்கப்பட்டவர்களுக்கும் நீதிசெய்ய [QBR] உம்முடைய செவியைச் சாய்த்துக் கேட்டருளுவீர். [PE]