1. {#1ஞானம் அழைக்கிறது } [QS]ஞானம் கூப்பிடுகிறதில்லையோ? [QE][QS]புத்தி சத்தமிடுகிறதில்லையோ? [QE]
2. [QS]அது வழியருகே உள்ள மேடைகளிலும், [QE][QS]நான்கு சந்திப்புகளிலும் நிற்கிறது. [QE]
3. [QS]அது ஊர்வாசல்களின் ஓரத்திலும், பட்டணத்தின் வாசலிலும், நடை கூடங்களிலும் நின்று சத்தமிட்டு: [QE]
4. [QS]மனிதர்களே, உங்களை நோக்கிக் கூப்பிடுகிறேன்; [QE][QS]என்னுடைய சத்தம் மனுமக்களுக்குத் தொனிக்கும். [QE]
5. [QS]பேதைகளே, விவேகம் அடையுங்கள்; [QE][QS]மூடர்களே, புத்தியுள்ள சிந்தையாக இருங்கள். [QE]
6. [QS]கேளுங்கள், மேன்மையான காரியங்களைப் பேசுவேன்; [QE][QS]என்னுடைய உதடுகள் உத்தம காரியங்களை வசனிக்கும். [QE]
7. [QS]என்னுடைய வாய் சத்தியத்தைச் சொல்லும், [QE][QS]ஏளனம் என்னுடைய உதடுகளுக்கு அருவருப்பானது. [QE]
8. [QS]என்னுடைய வாயின் வாக்குகளெல்லாம் நீதியானவைகள்; [QE][QS]அவைகளில் புரட்டும் விபரீதமும் இல்லை. [QE]
9. [QS]அவைகளெல்லாம் புத்தியுள்ளவனுக்குத் தெளிவும், [QE][QS]ஞானத்தைப் பெற்றவர்களுக்கு எதார்த்தமாகவும் இருக்கும். [QE]
10. [QS]வெள்ளியைவிட என்னுடைய புத்திமதியையும், [QE][QS]சுத்தபொன்னைவிட ஞானத்தையும் அங்கீகரித்துக்கொள்ளுங்கள். [QE]
11. [QS]முத்துக்களைவிட ஞானமே நல்லது; [QE][QS]ஆசைப்படத்தக்கவைகள் எல்லாம் அதற்கு நிகரல்ல. [QE]
12. [QS]ஞானமாகிய நான் விவேகத்தோடு தங்கி, [QE][QS]நல்யுக்தியான அறிவுகளைக் கண்டடைகிறேன். [QE]
13. [QS]தீமையை வெறுப்பதே யெகோவாவுக்குப் பயப்படும் பயம்; [QE][QS]பெருமையையும், அகந்தையையும், தீய வழியையும், [QE][QS]மாறுபாடுள்ள வாயையும் நான் வெறுக்கிறேன். [QE]
14. [QS]ஆலோசனையும் மெய்ஞானமும் என்னுடையவைகள்; [QE][QS]நானே புத்தி, வல்லமை என்னுடையது. [QE]
15. [QS]என்னாலே ராஜாக்கள் அரசாளுகிறார்கள், [QE][QS]பிரபுக்கள் நீதிசெலுத்துகிறார்கள். [QE]
16. [QS]என்னாலே அதிகாரிகளும், பிரபுக்களும், [QE][QS]பூமியிலுள்ள எல்லா நியாயாதிபதிகளும் ஆளுகை செய்துவருகிறார்கள். [QE]
17. [QS]என்னை நேசிக்கிறவர்களை நான் நேசிக்கிறேன்; [QE][QS]அதிகாலையில் என்னைத் தேடுகிறவர்கள் என்னைக் கண்டடைவார்கள். [QE]
18. [QS]செல்வமும், கனமும், நிலையான பொருளும், [QE][QS]நீதியும் என்னிடத்தில் உண்டு. [QE]
19. [QS]பொன்னையும் தங்கத்தையும்விட என்னுடைய பலன் நல்லது; [QE][QS]சுத்த வெள்ளியைவிட என்னுடைய வருமானம் நல்லது. [QE]
20. [QS]என்னை நேசிக்கிறவர்கள் மெய்ப்பொருளை பெற்றுக்கொள்ளும்படிக்கும், [QE][QS]அவர்களுடைய களஞ்சியங்களை நான் நிரப்பும்படிக்கும், [QE]
21. [QS]அவர்களை நீதியின் வழியிலும், [QE][QS]நியாயபாதைகளுக்குள்ளும் நடத்துகிறேன். [QE]
22. [QS]யெகோவா தமது செயல்களுக்குமுன் [QE][QS]ஆரம்பமுதல் என்னைத் தமது வழியின் துவக்கமாகக்கொண்டிருந்தார். [QE]
23. [QS]பூமி உண்டாவதற்குமுன்னும், [QE][QS]ஆரம்பம்முதற்கொண்டும் அநாதியாய் நான் அபிஷேகம்செய்யப்பட்டேன். [QE]
24. [QS]ஆழங்களும், தண்ணீர் புரண்டுவரும் ஊற்றுகளும் உண்டாகுமுன்பே நான் உருவாக்கப்பட்டேன். [QE]
25. [QS]மலைகள் நிலைபெறுவதற்கு முன்னும், [QE][QS]குன்றுகள் உண்டாவதற்கு முன்னும், [QE]
26. [QS]அவர் பூமியையும் அதின் வெளிகளையும், பூமியிலுள்ள மண்ணின் திரள்களையும் உண்டாக்குமுன்னும் [QE][QS]நான் உருவாக்கப்பட்டேன். [QE]
27. [QS]அவர் வானங்களைப் படைக்கும்போது நான் அங்கே இருந்தேன்; [QE][QS]அவர் சமுத்திர விலாசத்தை குறிக்கும்போதும், [QE]
28. [QS]உயரத்தில் மேகங்களை அமைத்து, [QE][QS]சமுத்திரத்தின் ஊற்றுகளை அடைத்துவைக்கும்போதும், [QE]
29. [QS]சமுத்திரத் தண்ணீர் தன்னுடைய கரையைவிட்டு மீறாதபடி [QE][QS]அதற்கு எல்லையைக் கட்டளையிட்டு, பூமியின் அஸ்திபாரங்களை நிலைப்படுத்தும்போதும், [QE]
30. [QS]நான் அவர் அருகே செல்லப்பிள்ளையாக இருந்தேன்; [QE][QS]எப்பொழுதும் அவருடைய மனமகிழ்ச்சியாக இருந்து, [QE][QS]எப்பொழுதும் அவருடைய சமுகத்தில் களிகூர்ந்தேன். [QE]
31. [QS]அவருடைய பூவுலகத்தில் சந்தோஷப்பட்டு, [QE][QS]மனுமக்களுடனே மகிழ்ந்து கொண்டிருந்தேன். [QE]
32. [QS]ஆதலால் பிள்ளைகளே, எனக்குச் செவிகொடுங்கள்; [QE][QS]என்னுடைய வழிகளைக் காத்து நடக்கிறவர்கள் பாக்கியவான்கள். [QE]
33. [QS]நீங்கள் புத்தியைக் கேட்டு, ஞானமடையுங்கள்; [QE][QS]அதைவிட்டு விலகாமல் இருங்கள். [QE]
34. [QS]என்னுடைய வாசற்படியில் எப்பொழுதும் விழித்திருந்து, [QE][QS]என்னுடைய கதவு நிலை அருகே காத்திருந்து, [QE][QS]எனக்குச் செவிகொடுக்கிற மனிதன் பாக்கியவான். [QE]
35. [QS]என்னைக் கண்டடைகிறவன் வாழ்வைக் கண்டடைகிறான்; [QE][QS]யெகோவாவிடத்தில் தயவையும் பெறுவான். [QE]
36. [QS]எனக்கு விரோதமாகப் பாவம் செய்கிறவனோ, [QE][QS]தன்னுடைய ஆத்துமாவைச் சேதப்படுத்துகிறான்; [QE][QS]என்னை வெறுக்கிறவர்கள் எல்லோரும் மரணத்தை விரும்புகிறவர்கள் என்று சொல்லுகிறது. [QE]