1. {குடும்ப வாழ்வு} [PS] நாளையத்தினத்தைக்குறித்துப் பெருமைபேசாதே; [QBR] ஒரு நாள் பிறப்பிப்பதை அறியமாட்டாயே. [QBR]
2. உன்னுடைய வாய் அல்ல, மற்றவனே உன்னைப் புகழட்டும்; [QBR] உன்னுடைய உதடு அல்ல, அந்நியனே உன்னைப் புகழட்டும். [QBR]
3. கல் கனமும், மணல் பாரமுமாக இருக்கும்; [QBR] மூடனுடைய கோபமோ இந்த இரண்டைவிட பாரமாம். [QBR]
4. கடுங்கோபம் கொடுமையுள்ளது, கோபம் பயங்கரமானது; [QBR] பொறாமையோவென்றால், அதற்கு முன்னே நிற்கக்கூடியவன் யார்? [QBR]
5. மறைவான நேசத்தைவிட வெளிப்படையான கடிந்துகொள்ளுதல் நல்லது. [QBR]
6. நண்பன் அடிக்கும் அடிகள் உண்மையானவைகள்; [QBR] சத்துரு இடும் முத்தங்களோ வஞ்சனையுள்ளவைகள். [QBR]
7. திருப்தியடைந்தவன் தேன்கூட்டையும் மிதிப்பான்; [QBR] பசியுள்ளவனுக்கோ கசப்பான ஆகாரங்களும் தித்திப்பாக இருக்கும். [QBR]
8. தன்னுடைய கூட்டைவிட்டு அலைகிற குருவி எப்படியிருக்கிறதோ, [QBR] அப்படியே தன்னுடைய இடத்தைவிட்டு அலைகிற மனிதனும் இருக்கிறான். [QBR]
9. வாசனைத் தைலமும் சுகந்ததூபமும் இருதயத்தைக் களிப்பாக்குவதுபோல, [QBR] ஒருவனுடைய நண்பன் உட்கருத்தான ஆலோசனையினால் பாராட்டும் இன்பமானது களிப்பாக்கும். [QBR]
10. உன்னுடைய நண்பனையும், உன்னுடைய தகப்பனுடைய நண்பனையும் விட்டுவிடாதே; [QBR] உன்னுடைய ஆபத்துக்காலத்தில் உன்னுடைய சகோதரனுடைய வீட்டிற்குப் போகாதே; [QBR] தூரத்திலுள்ள சகோதரனைவிட சமீபத்திலுள்ள அயலானே சிறப்பானவன். [QBR]
11. என் மகனே, என்னை சபிக்கிறவனுக்கு நான் உத்திரவு கொடுக்கும்படியாக, [QBR] நீ ஞானவானாகி, என்னுடைய இருதயத்தைச் சந்தோஷப்படுத்து. [QBR]
12. விவேகி ஆபத்தைக் கண்டு மறைந்துகொள்ளுகிறான்; [QBR] பேதைகளோ நேராகப்போய் தண்டிக்கப்படுகிறார்கள். [QBR]
13. அந்நியனுக்காகப் பிணைப்படுகிறவனுடைய ஆடையை எடுத்துக்கொள், [QBR] அந்நிய பெண்ணுக்காக ஈடுவாங்கிக்கொள். [QBR]
14. ஒருவன் அதிகாலையிலே எழுந்து உரத்த சத்தத்தோடு [QBR] தன்னுடைய நண்பனுக்குச் சொல்லும் ஆசீர்வாதம் சாபமாக எண்ணப்படும். [QBR]
15. அடைமழைநாளில் ஓயாத ஒழுக்கும் [QBR] சண்டைக்காரியான பெண்ணும் சரி. [QBR]
16. அவளை அடக்கப்பார்க்கிறவன் [QBR] காற்றை அடக்கித் தன்னுடைய வலதுகையினால் எண்ணெயைப் பிடிக்கப்பார்க்கிறான். [QBR]
17. இரும்பை இரும்பு கூர்மையாக்கிடும்; [QBR] அப்படியே மனிதனும் தன்னுடைய நண்பனைக் கூர்மையாக்குகிறான். [QBR]
18. அத்திமரத்தைக் காக்கிறவன் அதின் கனியை சாப்பிடுவான்; [QBR] தன்னுடைய எஜமானைக் காக்கிறவன் கனமடைவான். [QBR]
19. தண்ணீரில் முகத்திற்கு முகம் ஒத்திருப்பதைப்போல, [QBR] மனிதர்களில் இருதயத்திற்கு இருதயம் ஒத்திருக்கும். [QBR]
20. பாதாளமும் அழிவும் திருப்தியாகிறதில்லை; [QBR] அதுபோல மனிதனுடைய ஆசைகளும் திருப்தியாகிறதில்லை. [QBR]
21. வெள்ளிக்குக் குகையும், பொன்னுக்குப் புடமும் சோதனை; [QBR] மனிதனுக்கு அவனுக்கு உண்டாகும் புகழ்ச்சியே சோதனை. [QBR]
22. மூடனை உரலில் போட்டு உலக்கையினால் நொய்யோடு நொய்யாகக் குத்தினாலும், [QBR] அவனுடைய மூடத்தனம் அவனை விட்டு நீங்காது. [QBR]
23. உன்னுடைய ஆடுகளின் நிலைமையை நன்றாக அறிந்துகொள்; [QBR] உன்னுடைய மந்தைகளின்மேல் கவனமாக இரு. [QBR]
24. செல்வம் என்றைக்கும் நிலைக்காது; [QBR] கிரீடம் தலைமுறை தலைமுறைதோறும் நிலைநிற்குமோ? [QBR]
25. புல் முளைக்கும், பச்சிலைகள் தோன்றும், [QBR] மலைப்பூண்டுகள் சேர்க்கப்படும். [QBR]
26. ஆட்டுக்குட்டிகள் உனக்கு ஆடையையும், [QBR] கடாக்கள் வயல் வாங்கத்தக்க கிரயத்தையும் கொடுக்கும். [QBR]
27. வெள்ளாட்டுப்பால் உன்னுடைய உணவுக்கும், [QBR] உன் வீட்டாரின் உணவுக்கும் [QBR] உன் வேலைக்காரிகளின் பிழைப்புக்கும் போதுமானதாக இருக்கும். [PE]