1. {தீமையைத் தவிர்த்தல்} [PS] திராட்சைரசம் பரியாசம்செய்யும்; மதுபானம் கூச்சலிடும்; [QBR] அதினால் மயங்குகிற ஒருவனும் ஞானவானல்ல. [QBR]
2. ராஜாவின் கோபம் சிங்கத்தின் கெர்ச்சிப்புக்குச் சமம்; [QBR] அவனைக் கோபப்படுத்துகிறவன் தன்னுடைய உயிருக்கே துரோகம்செய்கிறான். [QBR]
3. வழக்குக்கு விலகுவது மனிதனுக்கு மேன்மை; [QBR] மூடனானவன் எவனும் அதிலே தலையிட்டுக்கொள்வான். [QBR]
4. சோம்பேறி குளிருகிறது என்று உழமாட்டான்; [QBR] அறுப்பிலே பிச்சைகேட்டாலும் அவனுக்கு ஒன்றும் கிடைக்காது. [QBR]
5. மனிதனுடைய இருதயத்திலுள்ள யோசனை ஆழமான தண்ணீர்போல இருக்கிறது; [QBR] புத்திமானோ அதை மொண்டெடுப்பான். [QBR]
6. மனிதர்கள் பெரும்பாலும் தங்களுடைய தாராள குணத்தை பிரபலப்படுத்துவார்கள்; [QBR] உண்மையான மனிதனைக் கண்டுபிடிப்பவன் யார்? [QBR]
7. நீதிமான் தன்னுடைய உத்தமத்திலே நடக்கிறான்; [QBR] அவனுக்குப்பிறகு அவனுடைய பிள்ளைகளும் பாக்கியவான்களாக இருப்பார்கள். [QBR]
8. நியாயாசனத்தில் வீற்றிருக்கும் ராஜா [QBR] தன்னுடைய கண்களினால் எல்லாத் தீங்கையும் சிதறச்செய்கிறான். [QBR]
9. என்னுடைய இருதயத்தைச் சுத்தமாக்கினேன், [QBR] என்னுடைய பாவம் நீங்க சுத்தமானேன் என்று சொல்லக்கூடியவன் யார்? [QBR]
10. வெவ்வேறான நிறைகல்லும், [QBR] வெவ்வேறான மரக்காலும் ஆகிய இவ்விரண்டும் யெகோவாவுக்கு அருவருப்பானவைகள். [QBR]
11. பிள்ளையானாலும், அதின் செயல்கள் சுத்தமோ செம்மையோ என்பது, [QBR] அதின் செயலினால் வெளிப்படும். [QBR]
12. கேட்கிற காதும், காண்கிற கண்ணும் [QBR] ஆகிய இந்த இரண்டையும் யெகோவா உண்டாக்கினார். [QBR]
13. தூக்கத்தை விரும்பாதே, விரும்பினால் தரித்திரனாவாய்; [QBR] கண்விழித்திரு, அப்பொழுது உணவினால் திருப்தியாவாய். [QBR]
14. வாங்குகிறவன்: நல்லதல்ல, நல்லதல்ல என்பான்; [QBR] போய்விட்டபின்போ மெச்சிக்கொள்வான். [QBR]
15. பொன்னும் மிகுதியான முத்துக்களும் உண்டு; [QBR] அறிவுள்ள உதடுகளோ விலை உயர்ந்த இரத்தினம். [QBR]
16. அந்நியனுக்காகப் பிணைப்பட்டவனுடைய ஆடையை எடுத்துக்கொள்; [QBR] அந்நிய பெண்ணுக்காக அவனுடைய கையில் ஈடுவாங்கிக்கொள். [QBR]
17. வஞ்சனையினால் வந்த உணவு மனிதனுக்கு இன்பமாக இருக்கும்; [QBR] பின்போ அவனுடைய வாய் உணவுப்பருக்கைக் கற்களால் நிரப்பப்படும். [QBR]
18. ஆலோசனையினால் எண்ணங்கள் உறுதிப்படும்; [QBR] நல்யோசனை செய்து யுத்தம்செய். [QBR]
19. தூற்றிக்கொண்டு திரிகிறவன் இரகசியங்களை வெளிப்படுத்துவான்; [QBR] ஆதலால் தன்னுடைய உதடுகளினால் அதிகம் பேசுகிறவனோடு சேராதே. [QBR]
20. தன்னுடைய தகப்பனையும் தன்னுடைய தாயையும் தூஷிக்கிறவனுடைய [QBR] தீபம் காரிருளில் அணைந்துபோகும். [QBR]
21. ஆரம்பத்திலே விரைவாகக் கிடைத்த சுதந்தரம் முடிவிலே ஆசீர்வாதம் பெறாது. [QBR]
22. தீமைக்குச் சரிக்கட்டுவேன் என்று சொல்லாதே; [QBR] யெகோவாவுக்குக் காத்திரு, அவர் உன்னை இரட்சிப்பார். [QBR]
23. வெவ்வேறான நிறைகற்கள் [QBR] யெகோவாவுக்கு அருவருப்பானவைகள்; [QBR] கள்ளத்தராசு நல்லதல்ல. [QBR]
24. யெகோவாவாலே மனிதர்களுடைய நடைகள் வாய்க்கும்; [QBR] ஆகையால் மனிதன் தன்னுடைய வழியை அறிந்துகொள்வது எப்படி? [QBR]
25. பரிசுத்தமானதை விழுங்குகிறதும், பொருத்தனை செய்தபின்பு யோசிக்கிறதும், [QBR] மனிதனுக்குக் கண்ணியாக இருக்கும். [QBR]
26. ஞானமுள்ள ராஜா துன்மார்க்கர்களை சிதறடித்து, [QBR] அவர்கள்மேல் உருளையை உருட்டுவான். [QBR]
27. மனிதனுடைய ஆவி யெகோவா தந்த தீபமாக இருக்கிறது; [QBR] அது உள்ளத்தில் உள்ளவைகளையெல்லாம் ஆராய்ந்துபார்க்கும். [QBR]
28. தயையும் சத்தியமும் ராஜாவைக் காக்கும்; [QBR] தயையினாலே தன்னுடைய சிங்காசனத்தை நிற்கச்செய்வான். [QBR]
29. வாலிபர்களின் அலங்காரம் அவர்களுடைய பலம்; [QBR] முதிர்வயதானவர்களின் மகிமை அவர்கள் நரை. [QBR]
30. காயத்தின் தழும்புகளும், [QBR] உள்ளத்தில் உறைக்கும் அடிகளும், [QBR] பொல்லாதவனை அழுக்கு நீங்கத் துடைக்கும். [PE]