1. {#1ஞானியின் நடவடிக்கை } [QS]ஞானமுள்ள மகன் தகப்பனுடைய போதகத்தைக் கேட்கிறான்; [QE][QS]பரியாசக்காரனோ கடிந்துகொள்ளுதலை கேட்கமாட்டான். [QE]
2. [QS]மனிதன் தன்னுடைய வாயின் பலனால் நன்மையைச் சாப்பிடுவான்; [QE][QS]துரோகிகளின் ஆத்துமாவோ கொடுமையை சாப்பிடும். [QE]
3. [QS]தன்னுடைய வாயைக் காக்கிறவன் தன்னுடைய உயிரைக் காக்கிறான்; [QE][QS]தன்னுடைய உதடுகளை விரிவாகத் திறக்கிறவனோ கலக்கமடைவான். [QE]
4. [QS]சோம்பேறியுடைய ஆத்துமா விரும்பியும் ஒன்றும் பெற்றுக்கொள்ளாது; [QE][QS]ஜாக்கிரதையுள்ளவர்களுடைய ஆத்துமாவோ செழிக்கும்; [QE]
5. [QS]நீதிமான் பொய்ப்பேச்சை வெறுக்கிறான்; [QE][QS]துன்மார்க்கனோ வெட்கமும் அவமானமும் உண்டாக்குகிறான். [QE]
6. [QS]நீதி உத்தமவழியில் உள்ளவனைத் தற்காக்கும்; [QE][QS]துன்மார்க்கமோ பாவியைக் கவிழ்த்துப்போடும். [QE]
7. [QS]ஒன்றுமில்லாமல் இருக்கத் தன்னைச் செல்வந்தனாக நினைக்கிறவனும் உண்டு; [QE][QS]மிகுந்த செல்வம் இருக்கத் தன்னைத் தரித்திரனாக நினைக்கிறவனும் உண்டு. [QE]
8. [QS]மனிதனுடைய செல்வம் அவனுடைய உயிரை மீட்கும்; [QE][QS]தரித்திரனோ மிரட்டுதலைக் கேட்காமல் இருக்கிறான். [QE]
9. [QS]நீதிமான்களின் வெளிச்சம் சந்தோஷப்படுத்தும்; [QE][QS]துன்மார்க்கர்களின் தீபமோ அணைந்துபோகும். [QE]
10. [QS]அகந்தையினால் மட்டும் விவாதம் பிறக்கும்; [QE][QS]ஆலோசனையைக் கேட்கிறவர்களிடத்திலோ ஞானம் உண்டு. [QE]
11. [QS]வஞ்சனையால் தேடின பொருள் குறைந்துபோகும்; [QE][QS]கஷ்டப்பட்டு சேர்க்கிறவனோ விருத்தியடைவான். [QE]
12. [QS]நெடுங்காலமாகக் காத்திருக்குதல் இருதயத்தை இளைக்கச்செய்யும்; [QE][QS]விரும்பினது வரும்போதோ ஜீவமரம்போல இருக்கும். [QE]
13. [QS]திருவசனத்தை அவமதிக்கிறவன் நாசமடைவான்; [QE][QS]கற்பனைக்குப் பயப்படுகிறவனோ பலனடைவான். [QE]
14. [QS]ஞானவான்களுடைய போதகம் வாழ்வுதரும் ஊற்று; [QE][QS]அதினால் மரணக்கண்ணிகளுக்குத் தப்பலாம். [QE]
15. [QS]நற்புத்தி தயவை உண்டாக்கும்; [QE][QS]துரோகிகளுடைய வழியோ கரடுமுரடானது. [QE]
16. [QS]விவேகியானவன் அறிவோடு நடந்துகொள்ளுகிறான்; [QE][QS]மூடனோ தன்னுடைய மூடத்தனத்தை வெளிப்படுத்துகிறான். [QE]
17. [QS]துரோகமுள்ள தூதன் தீமையிலே விழுவான்; [QE][QS]உண்மையுள்ள தூதுவர்களோ நல்மருந்து. [QE]
18. [QS]புத்திமதிகளைத் தள்ளுகிறவன் தரித்திரத்தையும் அவமானத்தையும் அடைவான்; [QE][QS]கடிந்து கொள்ளுதலைக் கவனித்து நடக்கிறவனோ மேன்மையடைவான். [QE]
19. [QS]வாஞ்சை நிறைவேறுவது ஆத்துமாவுக்கு இனிது; [QE][QS]தீமையைவிட்டு விலகுவது மூடர்களுக்கு அருவருப்பு. [QE]
20. [QS]ஞானிகளோடு வாழ்கிறவன் ஞானமடைவான்; [QE][QS]மூடர்களுக்குத் தோழனோ நாசமடைவான். [QE]
21. [QS]பாவிகளைத் தீவினை தொடரும்; [QE][QS]நீதிமான்களுக்கோ நன்மை பலனாக வரும். [QE]
22. [QS]நல்லவன் தன்னுடைய பிள்ளைகளின் பிள்ளைகளுக்கு சொத்தை வைத்துப்போகிறான்; [QE][QS]பாவியின் செல்வமோ நீதிமானுக்காகச் சேர்த்துவைக்கப்படும். [QE]
23. [QS]ஏழைகளின் வயல் மிகுதியான உணவை விளைவிக்கும்; [QE][QS]நியாயம் கிடைக்காமல் கெட்டுப்போகிறவர்களும் உண்டு. [QE]
24. [QS]பிரம்பைப் பயன்படுத்தாதவன் தன்னுடைய மகனைப் பகைக்கிறான்; [QE][QS]அவன்மேல் அன்பாக இருக்கிறவனோ அவனை ஏற்கனவே தண்டிக்கிறான். [QE]
25. [QS]நீதிமான் தனக்குத் திருப்தியாகச் சாப்பிடுகிறான்; [QE][QS]துன்மார்க்கர்களுடைய வயிறோ பசியாக இருக்கும். [QE]