1. {யோபுவின் வார்த்தைகள்} [PS] அதற்கு யோபு மறுமொழியாக: [QBR]
2. “ஆம், காரியம் இப்படியிருக்கிறது என்று அறிவேன்; [QBR] தேவனுக்கு முன்பாக மனிதன் நீதிமானாயிருப்பதெப்படி? [QBR]
3. அவர் அவனுடன் வழக்காட விருப்பமாயிருந்தால், [QBR] ஆயிரத்தில் ஒன்றுக்காகிலும் அவருக்கு பதில் சொல்லமாட்டானே. [QBR]
4. அவர் இருதயத்தில் ஞானமுள்ளவர், பெலத்தில் பராக்கிரமமுள்ளவர்; [QBR] அவருக்கு விரோதமாகத் தன்னைக் கடினப்படுத்தி வாழ்ந்தவன் யார்? [QBR]
5. அவர் மலைகளை திடீரென்று பெயர்க்கிறார்; [QBR] தம்முடைய கோபத்தில் அவைகளைப் புரட்டிப்போடுகிறார். [QBR]
6. பூமியின் தூண்கள் அதிரத்தக்கதாய் அதை அதின் இடத்திலிருந்து அசையவைக்கிறார். [QBR]
7. அவர் சூரியனுக்குக் கட்டளையிட அது உதிக்காதிருக்கும்; [QBR] அவர் நட்சத்திரங்களை மறைத்துப்போடுகிறார். [QBR]
8. அவர் ஒருவரே வானங்களை விரித்து, [QBR] சமுத்திர அலைகளின்மேல் நடக்கிறவர். [QBR]
9. அவர் துருவச்சக்கர நட்சத்திரங்களையும், மிருகசீரிஷத்தையும், [QBR] அறுமீனையும், தெற்கு மண்டலங்களையும் உண்டாக்கினவர். [QBR]
10. ஆராய்ந்து முடியாத பெரிய காரியங்களையும், [QBR] எண்ணமுடியாத அதிசயங்களையும் அவர் செய்கிறார். [QBR]
11. இதோ, அவர் என் அருகில் போகிறார், [QBR] நான் அவரைப் பார்க்கமுடியவில்லை; அவர் கடந்துபோகிறார், [QBR] நான் அவரை அறியவில்லை. [QBR]
12. இதோ, அவர் பறித்துக்கொண்டுபோகிறார், அவரை தடுப்பவன் யார்? [QBR] நீர் என்ன செய்கிறீர் என்று அவரைக் கேட்பவன் யார்? [QBR]
13. தேவன் தம்முடைய கோபத்தை நிறுத்தமாட்டார்; [QBR] ஒருவருக்கொருவர் துணைநிற்கிற அகங்காரிகள் அவருக்கு அடங்கவேண்டும். [QBR]
14. இப்படியிருக்க, அவருக்கு மறுமொழி கொடுக்கவும், [QBR] அவருடன் வழக்காடும் வார்த்தைகளைத் தெரிந்து கொள்ளவும் நான் எம்மாத்திரம்? [QBR]
15. நான் நீதிமானாயிருந்தாலும் அவருடன் வழக்காடாமல், [QBR] என் நியாயாதிபதியினிடத்தில் இரக்கத்துக்காகக் கெஞ்சுவேன். [QBR]
16. நான் கெஞ்சுவதினாலும், அவர் எனக்கு பதில் கொடுத்தாலும், [QBR] அவர் என் விண்ணப்பத்தைக் கேட்டார் என்று நம்பமாட்டேன். [QBR]
17. அவர் புயலினால் என்னை முறிக்கிறார்; [QBR] காரணமில்லாமல் அநேக காயங்களை எனக்கு உண்டாக்குகிறார். [QBR]
18. நான் மூச்சுவிட எனக்கு இடங்கொடாமல், [QBR] கசப்பினால் என்னை நிரப்புகிறார். [QBR]
19. பெலத்தைப் பார்த்தால், அவரே பெலத்தவர்; [QBR] நியாயத்தைப் பார்த்தால் என் பக்கத்தில் சாட்சி சொல்லுகிறவன் யார்? [QBR]
20. நான் என்னை நீதிமானாக்கினாலும் என் வாயே என்னைக் குற்றவாளியாக்கும்; [QBR] நான் உத்தமன் என்று சொன்னாலும், நான் மாறுபாடானவன் என்று அது சாட்சிகொடுக்கும். [QBR]
21. நான் உத்தமனென்றாலும் என் உள்ளத்தை நான் அறியேன்; [QBR] என் வாழ்க்கையை வெறுப்பேன். [QBR]
22. ஒரு காரியம் உண்டு, அதைச் சொல்லுகிறேன்; [QBR] சன்மார்க்கனையும் துன்மார்க்கனையும் அவர் அழிக்கிறார். [QBR]
23. வாதையானது உடனே வாதித்துக் கொல்லும்போது, [QBR] அவர் குற்றமில்லாதவர்களின் சோதனையைப் பார்த்து சிரிக்கிறார். [QBR]
24. உலகம் துன்மார்க்கர் கையில் விடப்பட்டிருக்கிறது; [QBR] அதிலிருக்கிற நியாயாதிபதிகளின் முகத்தை மூடிப்போடுகிறார்; [QBR] அவர் இதைச் செய்கிறதில்லையென்றால், வேறு யார் இதைச் செய்கிறார். [QBR]
25. என் நாட்கள் தபால்காரர் ஓட்டத்திலும் வேகமாயிருக்கிறது; [QBR] அவைகள் நன்மையைப் பார்க்காமல் பறந்துபோகும். [QBR]
26. அவைகள் வேகமாக ஓடுகிற கப்பல்களைப்போலவும், [QBR] இரையின்மேல் பாய்கிற கழுகைப்போலவும் கடந்துபோகிறது. [QBR]
27. என் அங்கலாய்ப்பை நான் மறந்து, என் முகத்தின் துக்கத்தை மாற்றி, [QBR] திடன்கொள்வேன் என்று சொன்னால், [QBR]
28. என் வருத்தங்களைப்பற்றிப் பயமாயிருக்கிறேன்; [QBR] என்னைக் குற்றமில்லாதவனாக நினைக்கமாட்டீர் என்று அறிவேன். [QBR]
29. நான் பொல்லாதவனாயிருந்தால், [QBR] வீணாகப் போராடவேண்டியது என்ன? [QBR]
30. நான் உறைந்த மழைத் தண்ணீரில் முழுகி, [QBR] என் கைகளை சோப்பினால் சுத்தம்செய்தாலும், [QBR]
31. நீர் என்னைச் சேற்றுப்பள்ளத்திலே அமிழ்த்துவீர். [QBR] அப்பொழுது என் உடையே என்னை அருவருக்கும். [QBR]
32. நான் அவருக்கு மறுமொழி சொல்லுகிறதற்கும், [QBR] நாங்கள் ஒன்றுகூடி நியாயத்திற்கு வருகிறதற்கும், [QBR] அவர் என்னைப்போல மனிதன் அல்லவே. [QBR]
33. எங்கள் இருவர்மேலும் தன் கையை வைக்கத்தக்க நடுவர் எங்களுக்குள் இல்லையே. [QBR]
34. அவர் தமது கோலை என்னைவிட்டு அகற்றுவாராக; [QBR] அவருடைய பயங்கரம் என்னைக் கலங்கவைக்காதிருப்பதாக. [QBR]
35. அப்பொழுது நான் அவருக்குப் பயப்படாமல் பேசுவேன்; [QBR] இப்பொழுதோ அப்படிச் செய்ய இடமில்லை. [PE]