1. [QS]“லிவியாதானை[* பெரிய திமிங்கலம் அ. முதலையாக இருக்கலாம். ] தூண்டிலைக்கொண்டு பிடிக்கமுடியுமோ? [QE][QS]அதின் நாக்கை நீ விடுகிற கயிற்றினாலே பிடிக்கமுடியுமோ? [QE]
2. [QS]அதின் மூக்கை நார்க்கயிறு போட்டுக் கட்டமுடியுமோ? [QE][QS]குறட்டினால் அதின் தாடையை உருவக் குத்தமுடியுமோ? [QE]
3. [QS]அது உன்னைப் பார்த்து அநேக விண்ணப்பம் செய்யுமோ? [QE][QS]உன்னை நோக்கி ஆசைவார்த்தைகளைச் சொல்லுமோ? [QE]
4. [QS]அது உன்னுடன் உடன்படிக்கை செய்யுமோ? [QE][QS]அதை எல்லா நாட்களும் அடிமைப்படுத்துவாயோ? [QE]
5. [QS]ஒரு குருவியுடன் விளையாடுகிறதுபோல், [QE][QS]நீ அதனுடன் விளையாடி, [QE][QS]அதை நீ உன் பெண்களுக்கு அருகில் கட்டிவைப்பாயோ? [QE]
6. [QS]மீனவர்கள் அதைப் பிடிக்க முயற்சி செய்து, [QE][QS]அதை வியாபாரிகளுக்குப் பங்கிடுவார்களோ? [QE]
7. [QS]நீ அதின் தோலை அநேக அம்புகளினாலும், [QE][QS]அதின் தலையை எறிவல்லையங்களினாலும் எறிவாயோ? [QE]
8. [QS]அதின்மேல் உன் கையைப்போடு, யுத்தத்தை நினைத்துக்கொள்; [QE][QS]இனி அப்படிச் செய்யத் துணியமாட்டாய். [QE]
9. [QS]இதோ, அதைப் பிடிக்கலாம் என்று நம்பினவன் மோசம்போய், [QE][QS]அதைப் பார்த்தவுடனே விழுவான் அல்லவோ? [QE]
10. [QS]அதை எழுப்பக்கூடிய தைரியவான் இல்லாதிருக்க, [QE][QS]எனக்கு முன்பாக நிற்பவன் யார்? [QE]
11. [QS]தனக்குப் பதில்கொடுக்கப்படும்படி, முந்தி எனக்குக் கொடுத்தவன் யார்? [QE][QS]வானத்தின் கீழுள்ளவைகள் எல்லாம் என்னுடையவைகள். [QE]
12. [QS]அதின் உறுப்புகளும், அதின் வீரியமும், [QE][QS]அதின் உடல் இசைவின் அழகும் இன்னதென்று நான் சொல்லாமல் மறைக்கமாட்டேன். [QE]
13. [QS]அது மூடியிருக்கிற அதின் போர்வையைக் எடுக்கக்கூடியவன் யார்? [QE][QS]அதின் இரண்டு தாடைகளின் நடுவே கடிவாளம் போடத்தக்கவன் யார்? [QE]
14. [QS]அதின் முகத்தின் கதவைத் திறக்கக்கூடியவன் யார்? சுற்றிலுமிருக்கிற அதின் பற்கள் பயங்கரமானவைகள். [QE]
15. [QS]முத்திரைப் பதிப்புபோல அழுத்தங்கொண்டு அடர்த்தியாயிருக்கிற அதின் கேடகங்களின் அமைப்பு மகா சிறப்பாயிருக்கிறது. [QE]
16. [QS]அவைகள் நடுவே காற்றும் நுழையமுடியாமல் [QE][QS]நெருக்கமாக அவைகள் ஒன்றோடொன்று இணைக்கப்பட்டிருக்கிறது. [QE]
17. [QS]அவைகள் ஒன்றோடொன்று ஒட்டிக்கொண்டு [QE][QS]இணைபிரியாமல் பிடித்துக்கொண்டிருக்கிறது. [QE]
18. [QS]அது தும்மும்போது ஒளி வீசும், [QE][QS]அதின் கண்கள் சூரியஉதயத்தின் புருவங்களைப்போல இருக்கிறது. [QE]
19. [QS]அதின் வாயிலிருந்து எரிகிற பந்தங்கள் புறப்பட்டு, [QE][QS]நெருப்புப்பொறிகள் பறக்கும். [QE]
20. [QS]கொதிக்கிற சட்டியிலும் கொப்பரையிலும் இருந்து புறப்படுகிறதுபோல, [QE][QS]அதின் மூக்கிலிருந்து புகை புறப்படும். [QE]
21. [QS]அதின் சுவாசம் கரிகளைக் கொளுத்தும், [QE][QS]அதின் வாயிலிருந்து தணல் புறப்படும். [QE]
22. [QS]அதின் கழுத்திலே பெலன் குடிகொண்டிருக்கும்; [QE][QS]பயங்கரம் அதற்குமுன் நடனமாடும். [QE]
23. [QS]அதின் உடல் அடுக்குகள், [QE][QS]அசையாத கெட்டியாக ஒன்றோடொன்று ஒட்டிக்கொண்டிருக்கும். [QE]
24. [QS]அதின் நெஞ்சு கல்லைப்போலவும், [QE][QS]எந்திரத்தின் அடிக்கல்லைப்போலவும் கெட்டியாயிருக்கும். [QE]
25. [QS]அது எழும்பும்போது பலசாலிகள் பயத்தினால் மயங்கித் திகைப்பார்கள். [QE]
26. [QS]அதைத் தாக்குகிறவனுடைய பட்டயம், ஈட்டி, [QE][QS]வல்லையம், கவசம், ஒன்றும் அதற்குமுன் நிற்காது. [QE]
27. [QS]அது இரும்பை வைக்கோலாகவும், [QE][QS]வெண்கலத்தை உளுத்த மரமாகவும் நினைக்கும். [QE]
28. [QS]அம்பு அதைத் துரத்தாது; [QE][QS]கவண்கற்கள் அதற்குத் துரும்பாகும். [QE]
29. [QS]அது பெருந்தடிகளை வைக்கோல்களாக எண்ணி, [QE][QS]ஈட்டியின் அசைவை இகழும். [QE]
30. [QS]அதின் கீழாகக் கூர்மையான கற்கள் கிடந்தாலும், [QE][QS]அது சேற்றின்மேல் ஓடுகிறதுபோல கூர்மையான அவைகளின்மேலும் ஓடும். [QE]
31. [QS]அது ஆழத்தை உலைப்பானையைப்போல் பொங்கச்செய்து, [QE][QS]கடலைத் தைலம்போலக் கலக்கிவிடும். [QE]
32. [QS]அது தனக்குப் பின்னாகப் பாதையை மின்னச்செய்யும்; [QE][QS]ஆழமானது வெளுப்பான நரையைப்போல் தோன்றும். [QE]
33. [QS]பூமியின்மேல் அதற்கு ஒப்பானது ஒன்றுமில்லை; [QE][QS]அது பயப்படும்விதமாக உண்டாக்கப்பட்டது. [QE]
34. [QS]அது மேட்டிமையானதையெல்லாம் அற்பமாக நினைக்கிறது; [QE][QS]அது அகங்காரமுள்ள உயிரினங்களுக்கெல்லாம் ராஜாவாக இருக்கிறது” என்றார். [QE]