1. {யோபுவின் வார்த்தைகள்} [PS] அதற்குப் பின்பு யோபு தன் வாயைத்திறந்து, தான் பிறந்த நாளைச் சபித்து,
2. வசனித்துச் சொன்னது என்னவென்றால்: [QBR]
3. நான் பிறந்தநாளும் ஒரு ஆண்பிள்ளை உற்பத்தியானது என்று சொல்லப்பட்ட இரவும் அழிவதாக. [QBR]
4. அந்த நாள் இருளாக்கப்படுவதாக; [QBR] தேவன் உயரத்திலிருந்து அதை விசாரிக்காமலும், [QBR] வெளிச்சம் அதின்மேல் பிரகாசிக்காமலும், [QBR]
5. கடுமையான இருளும் [QBR] மரண இருளும் அதைக் கறைப்படுத்தி, கருமேகம் அதை மூடி, [QBR] மந்தாரநாளின் பயங்கரங்கள் அதை பயமுறுத்துவதாக. [QBR]
6. அந்த இரவை இருள் பிடிப்பதாக; [QBR] வருடத்தின் நாட்களில் அது சந்தோஷப்படுகிற நாளாக இராமலும் மாதக்கணக்கிலே அது வராமலும் போவதாக. [QBR]
7. அந்த இரவு தனிமையாயிருப்பதாக; அதிலே கெம்பீரசத்தம் இல்லாமற்போவதாக. [QBR]
8. நாளைச் சபிக்கிறவர்களும், லிவியாதானை எழும்பச் செய்கிறவர்களும், [QBR] அதைச் சபிப்பார்களாக. [QBR]
9. அதின் மறையும் காலத்தில் தோன்றிய நட்சத்திரங்கள் இருண்டு, [QBR] அது எதிர்பார்த்திருந்த வெளிச்சம் தோன்றாமலும், விடியற்காலத்து வெளுப்பை அது பார்க்காமலும் இருப்பதாக. [QBR]
10. நான் இருந்த கர்ப்பத்தின் வாசலை அது அடைக்காமலும், [QBR] என் கண்கள் காண்கிற வருத்தத்தை மறைத்துவிடாமலும் இருந்ததே. [QBR]
11. நான் கர்ப்பத்தில் அழியாமலும், [QBR] கர்ப்பத்திலிருந்து புறப்படுகிறபோதே இறக்காமலும் போனதென்ன? [QBR]
12. என்னை ஏந்திக்கொள்ள மடியும், [QBR] நான் பாலுண்ண மார்பகங்களும் இருந்ததென்ன? [QBR]
13. அப்படியில்லாதிருந்தால், [QBR] அசையாமல்கிடந்து அமர்ந்திருந்து, [QBR]
14. பாழ்நிலங்களில் தங்களுக்கு மாளிகையைக் கட்டின பூமியின் ராஜாக்களுடனும் மந்திரிமார்களுடனும், [QBR]
15. அல்லது, பொன்னை உடையவர்களும், [QBR] தங்கள் வீடுகளை வெள்ளியினால் நிரப்பினவர்களுமான பிரபுக்களுடன் நான் இப்பொழுது தூங்கி இளைப்பாறுவேனே. [QBR]
16. அல்லது, வெளிப்படாத வளர்ச்சியடையாத கருவைப்போலவும், [QBR] வெளிச்சத்தைப் பார்க்காத குழந்தைகளைப்போலவும் இருப்பேனே. [QBR]
17. துன்மார்க்கருடைய தொந்தரவு அங்கே ஓய்ந்திருக்கிறது; [QBR] பெலனற்று சோர்ந்து போனவர்கள் அங்கே இளைப்பாறுகிறார்கள். [QBR]
18. சிறைப்பட்டிருந்தவர்கள் அங்கே ஏகமாக அமர்ந்திருக்கிறார்கள்; [QBR] ஒடுக்குகிறவனுடைய சத்தம் அங்கே கேட்கப்படுகிறதில்லை. [QBR]
19. சிறியவனும் பெரியவனும் அங்கே சமமாக இருக்கிறார்கள்; [QBR] அடிமை தன் எஜமானுக்கு நீங்கலாயிருக்கிறான். [QBR]
20. மரணத்திற்கு ஆசையாகக் காத்திருந்து, [QBR] புதையலைத் தேடுகிறதுபோல அதைத் தேடியும் அடையாமற்போகிறவர்களும், [QBR]
21. கல்லறையைக் கண்டுபிடித்ததினால் மிகவும் மகிழ்ந்து, [QBR]
22. அதற்காகச் சந்தோஷப்படுகிற பாக்கியம் இல்லாதவராகிய இவர்களுக்கு வெளிச்சமும், [QBR] மனவருத்தமும் உள்ள இவர்களுக்கு உயிர் கொடுக்கப்படுகிறதினால் பலன் என்ன? [QBR]
23. தன் வழியைக் காணமுடியாதபடிக்கு, [QBR] தேவனால் வளைந்துகொள்ளப்பட்டவனுக்கு வெளிச்சத்தினால் பலன் என்ன? [QBR]
24. என் சாப்பாட்டுக்கு முன்னே எனக்குப் பெருமூச்சு உண்டாகிறது; [QBR] என் கதறுதல் வெள்ளம்போல் புரண்டுபோகிறது. [QBR]
25. நான் பயந்த காரியம் எனக்குச் சம்பவித்தது; [QBR] நான் பயப்பட்டது எனக்கு வந்தது. [QBR]
26. எனக்குச் சுகமுமில்லை, [QBR] நிம்மதியுமில்லை, அமைதலுமில்லை; [QBR] எனக்குத் துன்பமே வந்தது. [PE]