1. [PS]பின்னும் யோபு தன் பிரசங்க வாக்கியத்தைத் தொடர்ந்து சொன்னது: [PE]
2. [QS]“கடந்துபோன வருடங்களிலும், தேவன் என்னைக் காப்பாற்றிவந்த நாட்களிலும் [QE][QS]எனக்கு உண்டாயிருந்த ஒழுங்கு இப்பொழுது இருந்தால் நலமாயிருக்கும். [QE]
3. [QS]அப்பொழுது அவர் தீபம் என் தலையின்மேல் பிரகாசித்தது; [QE][QS]அவர் அருளின வெளிச்சத்தினால் இருளைக் கடந்துபோனேன். [QE]
4. [QS]தேவனுடைய இரகசியச்செயல் என் வீட்டின்மேல் இருந்தது. [QE]
5. [QS]அப்பொழுது சர்வவல்லமையுள்ள தேவன் என்னுடன் இருந்தார்; [QE][QS]என் பிள்ளைகள் என்னைச் சூழ்ந்திருந்தார்கள். [QE]
6. [QS]என் பாதங்களை நான் நெய்யினால் கழுவினேன்; [QE][QS]கன்மலைகளிலிருந்து எனக்காக எண்ணெய் நதிபோல ஓடிவந்தது; [QE][QS]அந்தச் செல்வநாட்களின் ஒழுங்கு இப்போதிருந்தால் நலமாயிருக்கும். [QE]
7. [QS]நான் பட்டணவீதியின் வாசலுக்குள் புறப்பட்டுப்போய், [QE][QS]வீதியில் என் இருக்கையைப் போடும்போது, [QE]
8. [QS]வாலிபர் என்னைக் கண்டு ஒளித்துக்கொள்வார்கள்; [QE][QS]முதியோர் எழுந்து நிற்பார்கள். [QE]
9. [QS]பிரபுக்கள் பேசுகிறதை நிறுத்தி, [QE][QS]கையால் தங்கள் வாயைப் பொத்திக்கொள்வார்கள். [QE]
10. [QS]பெரியோரின் சத்தம் அடங்கி, [QE][QS]அவர்கள் நாக்கு அவர்கள் மேல்வாயோடு ஒட்டிக்கொள்ளும். [QE]
11. [QS]என்னைக் கேட்ட காது என்னைப் பாக்கியவான் என்றது; [QE][QS]என்னைக் கண்ட கண் எனக்குச் சாட்சியிட்டது. [QE]
12. [QS]முறையிடுகிற ஏழையையும், திக்கற்ற பிள்ளையையும், [QE][QS]உதவியற்றவனையும் காப்பாற்றினேன். [QE]
13. [QS]அழிந்துபோக இருந்தவனுடைய ஆசீர்வாதம் என்மேல் வந்தது; விதவையின் இருதயத்தைக் கெம்பீரிக்கச் செய்தேன். [QE]
14. [QS]நீதியை அணிந்துகொண்டேன்; [QE][QS]அது என் ஆடையாயிருந்தது; [QE][QS]என் நியாயம் எனக்குச் சால்வையும் தலைப்பாகையுமாக இருந்தது. [QE]
15. [QS]நான் குருடனுக்குக் கண்ணும், [QE][QS]சப்பாணிக்குக் காலாகவும் இருந்தேன். [QE]
16. [QS]நான் எளியவர்களுக்குத் தகப்பனாக இருந்து, [QE][QS]நான் அறியாத வழக்கை ஆராய்ந்துபார்த்தேன். [QE]
17. [QS]நான் அநியாயக்காரருடைய கடைவாய்ப் பற்களை உடைத்து, [QE][QS]அவர்கள் பறித்ததை அவர்கள் பற்களிலிருந்து பிடுங்கினேன். [QE]
18. [QS]என் கூட்டிலே நான் வாழ்ந்திருப்பேன்; [QE][QS]என் நாட்களை மணலைப்போலப் பெருகச் செய்வேன் என்றேன். [QE]
19. [QS]என் வேர் தண்ணீர்களின் ஓரமாகப் படர்ந்தது; [QE][QS]என் கிளையின்மேல் பனி இரவுமுழுவதும் தங்கியிருந்தது. [QE]
20. [QS]என் மகிமை என்னில் செழித்தோங்கி, [QE][QS]என் கையிலுள்ள என் வில் புதுப்பெலன் கொண்டது. [QE]
21. [QS]எனக்குச் செவிகொடுத்துக் காத்திருந்தார்கள்; [QE][QS]என் ஆலோசனையைக் கேட்டு மவுனமாயிருந்தார்கள். [QE]
22. [QS]என் பேச்சுக்குப் பேசாமலிருந்தார்கள்; [QE][QS]என் வசனம் அவர்கள்மேல் மழைத்துளியாக விழுந்தது. [QE]
23. [QS]மழைக்குக் காத்திருக்கிறதுபோல் எனக்குக் காத்திருந்து, [QE][QS]பின் மாரிக்கு ஆசையுள்ளவர்கள்போல தங்கள் வாயை ஆவென்று திறந்திருந்தார்கள். [QE]
24. [QS]நான் அவர்களைப் பார்த்து சிரிக்கும்போது, [QE][QS]அவர்கள் துணிகரங்கொள்ளவில்லை; என் முகக்களையை மாறவைக்கவும் இல்லை. [QE]
25. [QS]அவர்கள் வழியில்போக எனக்கு விருப்பமாகும்போது, [QE][QS]நான் தலைவனாய் அமர்ந்து, [QE][QS]படைக்குள் ராஜாவைப்போலவும், [QE][QS]துக்கித்தவர்களைத் தேற்றுகிறவனாகவும் இருந்தேன். [QE]