1. வெள்ளிக்கு விளையும் இடம் உண்டு, [QBR] பொன்னுக்குப் புடமிடும் இடமுமுண்டு. [QBR]
2. இரும்பு மண்ணிலிருந்து எடுக்கப்படும்; [QBR] செம்பு கற்களில் உருக்கி எடுக்கப்படும். [QBR]
3. மனிதன் அந்தகாரத்திலும் மரண இருளிலும் இருக்கிற கற்களைக் [QBR] கடைசிவரை ஆராய்ந்து தேடி, [QBR] இருளுக்கும் அங்கே முடிவுண்டாக்குகிறான். [QBR]
4. கடக்கமுடியாததும் நிலையாததுமான ஆறு எழும்பினாலும், [QBR] உழைப்பாளியானவன் அதை மனிதரால் வற்றிப்போகவைத்துச் செல்லுகிறான். [QBR]
5. பூமியின்மேல் ஆகாரம் விளையும்; [QBR] அதின் கீழிடங்களிலிருக்கிறவைகளோ, [QBR] நெருப்பால் மாறினது போலிருக்கும். [QBR]
6. அதின் கற்களில் இந்திரநீலம் விளையும்; [QBR] அதின் பொடியில் பொன்பொடிகளும் உண்டாயிருக்கும். [QBR]
7. ஒரு வழியுண்டு, அது ஒரு பறவைக்கும் தெரியாது; [QBR] கழுகின் கண்ணும் அதைக் கண்டதில்லை; [QBR]
8. கொடிய மிருகங்களின் கால்கள் அதில் படவில்லை; [QBR] சிங்கம் அதைக் கடந்ததில்லை. [QBR]
9. அவன் தன் கைகளைக் கற்பாறையின்மேல் நீட்டி, [QBR] மலைகளை வேருடன் புரட்டுகிறான். [QBR]
10. கன்மலைகளுக்குள்ளும் நீர்க்கால்களை வெட்டுகிறான்; [QBR] அவனுடைய கண் விலையுயர்ந்த எல்லாவற்றையும் காணும். [QBR]
11. ஒரு துளியும் கசியாதபடி ஆறுகளை அடைக்கிறான்; [QBR] மறைவிடத்திலிருக்கிறதை வெளிச்சத்திலே கொண்டுவருகிறான். [QBR]
12. ஆனாலும் ஞானம் கண்டெடுக்கப்படுவது எங்கே? [QBR] புத்தி விளைகிற இடம் எது? [QBR]
13. அதின் விலை மனிதனுக்குத் தெரியாது; [QBR] அது மக்கள் வாழ்கிற தேசத்திலே கிடைக்கிறதில்லை. [QBR]
14. ஆழமானது: அது என்னிடத்தில் இல்லையென்கிறது; [QBR] சமுத்திரமானதும், அது என்னிடத்தில் இல்லையென்கிறது. [QBR]
15. அதற்கு ஈடாகத் தங்கத்தைக் கொடுக்கவும், [QBR] அதற்குக் கிரயமாக வெள்ளியை நிறுக்கவும் முடியாது. [QBR]
16. ஓப்பீரின் தங்கமும், விலையேறப்பெற்ற கோமேதகமும், [QBR] இந்திரநீலக்கல்லும் அதற்கு ஈடல்ல. [QBR]
17. பொன்னும் பளிங்கும் அதற்கு ஒப்பல்ல; [QBR] பசும்பொன் ஆபரணங்களுக்கு அதை மாற்றமுடியாது. [QBR]
18. பவளத்தையும் ஸ்படிகத்தையும் அத்துடன் ஒப்பிட்டுப் பேசக்கூடாது; [QBR] முத்துகளைவிட ஞானத்தின் விலை உயர்ந்தது. [QBR]
19. எத்தியோப்பியாவின் புஷ்பராகம் அதற்கு நிகரல்ல; [QBR] பசும்பொன்னும் அதற்குச் சரியல்ல. [QBR]
20. இப்படியிருக்க, ஞானம் எங்கேயிருந்து வரும்; [QBR] புத்தி தங்கும் இடம் எங்கே? [QBR]
21. அது உயிருள்ள அனைவருடைய கண்களுக்கும் ஒளித்தும், [QBR] ஆகாயத்துப் பறவைகளுக்கு மறைந்தும் இருக்கிறது. [QBR]
22. நாசமும் [* அப்பொல்லியோன் ] , மரணமும், நாங்கள் எங்கள் காதுகளினாலேமாத்திரம் அதின் கீர்த்தியைக் கேட்டோம் என்கிறது. [QBR]
23. தேவனோ அதின் வழியை அறிவார், [QBR] அது இருக்கும் இடம் அவருக்கே தெரியும். [QBR]
24. அவர் பூமியின் கடைசிமுனைகளைப் பார்த்து, [QBR] வானங்களின்கீழ் இருக்கிறதையெல்லாம் காண்கிறார். [QBR]
25. அவர் காற்றுக்கு அதின் எடையை நியமித்து, [QBR] தண்ணீருக்கு அதின் அளவைக் கணக்கிட்டு, [QBR]
26. மழைக்குத் திட்டத்தையும், இடிமுழக்கத்துடன் கூடிய மின்னலுக்கு வழியையும் ஏற்படுத்துகிறார். [QBR]
27. அவர் அதைப் பார்த்துக் கணக்கிட்டார்; [QBR] அதை ஆராய்ந்து ஆயத்தப்படுத்தி, [QBR]
28. மனிதனை நோக்கி: இதோ, ஆண்டவருக்குப் பயப்படுவதே ஞானம்; [QBR] பொல்லாப்பை விட்டு விலகுவதே புத்தி என்றார்” என்று சொன்னான். [PE]