1. {#1யோபுவின் வார்த்தைகள் } [PS]யோபு மறுமொழியாக: [PE]
2. [QS]“இன்றையதினமும் என் அங்கலாய்ப்பு முரட்டுத்தனமாக எண்ணப்படுகிறது; [QE][QS]என் தவிப்பைவிட என் வாதை கடினமானது. [QE]
3. [QS]நான் அவரை எங்கே கண்டு சந்திக்கலாம் என்பதை அறிந்தால் நலமாயிருக்கும்; [QE][QS]அப்பொழுது நான் அவர் இருக்கைக்கு முன்பாக வந்து சேர்ந்து, [QE]
4. [QS]என் நியாயத்தை அவருக்கு முன்பாக வரிசையாக வைத்து, [QE][QS]காரியத்தை நிரூபிக்கும் வார்த்தைகளால் என் வாயை நிரப்புவேன். [QE]
5. [QS]அவருடைய மறுமொழிகளை நான் அறிந்து, [QE][QS]அவர் எனக்குச் சொல்வதை உணர்ந்துகொள்ளுவேன். [QE]
6. [QS]அவர் தம்முடைய மகா வல்லமையினால் என்னுடன் வழக்காடுவாரோ? [QE][QS]அவர் அப்படிச் செய்யாமல் என்மேல் தயை வைப்பார். [QE]
7. [QS]அங்கே சன்மார்க்கன் அவருடன் வழக்காடலாம்; [QE][QS]அப்பொழுது என்னை நியாயந்தீர்க்கிறவரின் கைக்கு என்றைக்கும் விலக்கிக் காப்பாற்றிக்கொள்வேன். [QE]
8. [QS]இதோ, நான் முன்னேபோனாலும் அவர் இல்லை; [QE][QS]பின்னேபோனாலும் அவரைக் காணவில்லை. [QE]
9. [QS]இடதுபுறத்தில் அவர் செயல்பட்டும் அவரைப் பார்க்கவில்லை; [QE][QS]வலது புறத்திலும் நான் அவரைக் பார்க்காமலிருக்க மறைந்திருக்கிறார். [QE]
10. [QS]ஆனாலும் நான் போகும் வழியை அவர் அறிவார்; [QE][QS]அவர் என்னைச் சோதித்தபின் நான் பொன்னாக விளங்குவேன். [QE]
11. [QS]என் கால்கள் அவர் அடிகளைப் பற்றிப்பிடித்தது; [QE][QS]அவருடைய கட்டளையை விட்டு நான் விலகாமல் அதைக் கைக்கொண்டேன். [QE]
12. [QS]அவர் உதடுகளின் கற்பனைகளை விட்டு நான் பின்வாங்குவதில்லை; [QE][QS]அவருடைய வாயின் வார்த்தைகளை [QE][QS]எனக்கு வேண்டிய ஆகாரத்தைப் பார்க்கிலும் அதிகமாகக் காத்துக்கொண்டேன். [QE]
13. [QS]அவரோவென்றால் ஒரே மனமாயிருக்கிறார்; [QE][QS]அவரைத் திருப்பத்தக்கவர் யார்? [QE][QS]அவருடைய விருப்பத்தின்படியெல்லாம் செய்வார். [QE]
14. [QS]எனக்கு திட்டமிட்டிருக்கிறதை அவர் நிறைவேற்றுவார்; [QE][QS]இப்படிப்பட்டவைகள் இன்னும் அநேகம் அவரிடத்தில் உண்டு. [QE]
15. [QS]ஆகையால் அவருக்கு முன்பாகக் கலங்குகிறேன்; [QE][QS]நான் சிந்திக்கிறபோது, அவருக்குப் பயப்படுகிறேன். [QE]
16. [QS]தேவன் என் இருதயத்தை சோர்வடையச் செய்தார்; [QE][QS]சர்வவல்லமையுள்ள தேவன் என்னைக் கலங்கச் செய்தார். [QE]
17. [QS]இருள் வராததற்கு முன்னே நான் அழிக்கப்படாமலும், [QE][QS]இருளை அவர் எனக்கு மறைக்காமலும் போனதினால் இப்படியிருக்கிறேன். [QE]