1. {சோப்பாரின் வார்த்தைகள்} [PS] அப்பொழுது நாகமாத்தியனான சோப்பார் மறுமொழியாக: [QBR]
2. “இதற்காக பதில் கொடுக்க என் சிந்தனைகள் என்னை ஏவுகிறதினால் [QBR] நான் விரைவாகச் சொல்லுகிறேன். [QBR]
3. நிந்தித்தேன் என்று நான் கடிந்து கொள்ளப்பட்டதைக் கேட்டேன்; [QBR] ஆனாலும் உணர்வினால் என் ஆவி மறுமொழி சொல்ல என்னை ஏவுகிறது. [QBR]
4. துன்மார்க்கனின் கெம்பீரம் குறுகினது என்பதையும், [QBR] மாயக்காரனின் சந்தோஷம் ஒரு நிமிடம்மாத்திரம் நிற்கும் என்பதையும், [QBR]
5. அவர் மனிதனைப் பூமியில் வைத்த ஆதிகாலமுதல் [QBR] இப்படியிருக்கிறது என்பதையும் நீர் அறியீரோ? [QBR]
6. அவனுடைய மேன்மை வானபரியந்தம் உயர்ந்தாலும், [QBR] அவனுடைய தலை மேகங்கள்வரை எட்டினாலும், [QBR]
7. அவன் தன் மலத்தைப்போல என்றைக்கும் அழிந்துபோவான்; [QBR] அவனைக் கண்டவர்கள், [QBR] அவன் எங்கே? என்பார்கள். [QBR]
8. அவன் ஒரு கனவைப்போல் பறந்துபோய்க் காணப்படாதவனாவான்; [QBR] இரவில் தோன்றும் தரிசனத்தைப்போல் பறக்கடிக்கப்படுவான். [QBR]
9. அவனைப் பார்த்த கண் இனி அவனைப் பார்ப்பதில்லை; [QBR] அவன் இருந்த இடம் இனி அவனைக் காண்பதில்லை. [QBR]
10. அவனுடைய பிள்ளைகள் எளிமையானவர்களின் சகாயத்தைத் தேடுவார்கள்; [QBR] அவன் பறித்ததை அவன் [* அவனுடைய பலத்த கை ] கைகள் திரும்பக் கொடுக்கவேண்டியதாகும். [QBR]
11. அவனுடைய எலும்புகள் அவனுடைய இளவயதின் பாவங்களினால் நிறைந்திருந்து, [QBR] அவனுடன் மண்ணிலே படுத்துக்கொள்ளும். [QBR]
12. பொல்லாப்பு அவனுடைய வாயிலே இனிமையாயிருப்பதால், [QBR] அவன் அதைத் தன் நாவின்கீழ் அடக்கி, [QBR]
13. அதை விடாமல் அடக்கி, [QBR] தன் வாய்க்குள்ளே வைத்துக்கொண்டிருந்தாலும், [QBR]
14. அவனுடைய ஆகாரம் அவன் குடல்களில் மாறி, [QBR] அவனுக்குள் விரியன்பாம்புகளின் விஷமாகப்போகும். [QBR]
15. அவன் விழுங்கின செல்வத்தைக் கக்குவான்; [QBR] தேவன் அதை அவனுடைய வயிற்றிலிருந்து வெளியே தள்ளிவிடுவார். [QBR]
16. அவன் விரியன்பாம்புகளின் விஷத்தை உறிஞ்சுவான்; [QBR] விரியனின் நாக்கு அவனைக் கொல்லும். [QBR]
17. தேனும் நெய்யும் ஓடும் வாய்க்கால்களையும் ஆறுகளையும் அவன் காண்பதில்லை. [QBR]
18. தான் பிரயாசப்பட்டுத் தேடினதை அவன் விழுங்காமல் திரும்பக் கொடுப்பான்; [QBR] அவன் திரும்பக் கொடுக்கிறது அவன் செல்வத்திற்குச் சரியாயிருக்கும்; [QBR] அவன் மகிழ்ச்சியில்லாதிருப்பான். [QBR]
19. அவன் ஒடுக்கி, ஏழைகளைக் கைவிட்டு, [QBR] தான் கட்டாத வீட்டை அபகரித்தபடியினாலும், [QBR]
20. தன் வயிறு திருப்தி அடையாமல் இருந்ததினாலும், [QBR] அவன் விரும்பின காரியங்களில் அவனுக்கு ஒன்றும் இருப்பதில்லை. [QBR]
21. அவனுடைய ஆகாரத்தில் ஒன்றும் மீதியாவதில்லை; [QBR] ஆகையால் அவனுடைய செல்வம் நிலைநிற்பதில்லை. [QBR]
22. அவன் வேண்டுமென்கிற பரிபூரணம் அவனுக்கு வந்தபின், [QBR] அவனுக்கு வேதனை உண்டாகும்; [QBR] சிறுமைப்படுகிற ஒவ்வொருவருடைய கையும் அவன்மேல் வரும். [QBR]
23. தன் வயிற்றை நிரப்பத்தக்கது இன்னும் அவனுக்கு இருந்தாலும், [QBR] அவர் அவன்மேல் தமது கோபத்தின் கடுமையை வரவழைத்து, அவன் சாப்பிடும்போது, [QBR] அதை அவன்மேல் வரச்செய்வார். [QBR]
24. இரும்பு ஆயுதத்திற்கு அவன் தப்பியோடினாலும் வெண்கல அம்பு அவனை உருவ எய்யும். [QBR]
25. உருவின பட்டயம் அவன் சரீரத்தையும், [QBR] மின்னுகிற அம்பு அவன் ஈரலையும் உருவிப்போகும்; [QBR] பயங்கரங்கள் அவன்மேல் வரும். [QBR]
26. அவன் ஒளிக்கும் இடங்களில் காரிருள் அடங்கியிருக்கும்; [QBR] அணையாத நெருப்பு அவனை எரிக்கும்; [QBR] அவன் கூடாரத்தில் மீதியாயிருக்கிறவன் பாடு அநுபவிப்பான். [QBR]
27. வானங்கள் அவனுடைய குற்றத்தை வெளிப்படுத்தி, பூமி அவனுக்கு விரோதமாக எழும்பும். [QBR]
28. வெள்ளத்தினால் அவனுடைய வீட்டின் சம்பத்துப் கரைந்து போய்விடும்; [QBR] தேவனுடைய கோபம் வெள்ளம் போல் அவைகள் மேல் ஊற்றப்படும் கரைந்து போகும். [QBR]
29. இதுவே தேவனால் துன்மார்க்கனுக்குக் கிடைக்கும் பங்கும், [QBR] அவனுடைய செய்கைக்கு தேவனால் அவனுக்கு வரும் பங்காகும்” என்றான். [PE]