1. {#1எலிப்பாஸின் வார்த்தைகள் } [PS]அப்பொழுது தேமானியனாகிய எலிப்பாஸ் மறுமொழியாக: [PE]
2. [QS]ஞானவான் காற்றைப்போன்ற நியாயங்களைச் சொல்லி, [QE][QS]தன் வயிற்றைக் கொண்டல்காற்றினால் நிரப்பி, [QE]
3. [QS]பயனில்லாத வார்த்தைகளாலும், உபயோகமில்லாத வசனங்களாலும் தர்க்கம் செய்யலாமோ? [QE]
4. [QS]நீர் பயபக்தியை வீணென்று சொல்லி, [QE][QS]தேவனுக்கு முன்பாக ஜெபத்தியானத்தைக் குறைத்துக்கொண்டீர். [QE]
5. [QS]உம்முடைய வாய் உம்முடைய அக்கிரமத்தைச் சொல்லிக்காட்டுகிறது; [QE][QS]நீர் தந்திரமுள்ளவர்களின் சொல்லைத் தெரிந்துகொண்டீர். [QE]
6. [QS]நான் அல்ல, உம்முடைய வாயே உம்மைக் குற்றவாளி என்று முடிவு செய்கிறது; [QE][QS]உம்முடைய உதடுகளே உமக்கு விரோதமாகச் சாட்சியிடுகிறது. [QE]
7. [QS]மனிதரில் முந்திப் பிறந்தவர் நீர் தானோ? [QE][QS]மலைகளுக்குமுன்னே உருவாக்கப்பட்டீரோ? [QE]
8. [QS]நீர் தேவனுடைய இரகசிய ஆலோசனையைக் கேட்டு, [QE][QS]ஞானத்தை உம்மிடமாகச் சேர்த்துக்கொண்டீரோ? [QE]
9. [QS]நாங்கள் அறியாத எந்தக் காரியத்தை நீர் அறிந்திருக்கிறீர்? [QE][QS]எங்களுக்கு விளங்காத எந்தக் காரியமாவது உமக்கு விளங்கியிருக்கிறதோ? [QE]
10. [QS]உம்முடைய தகப்பனைவிட அதிக வயதுள்ள நரைத்தோரும் மிகுந்த வயதானோரும் எங்களுக்குள் இருக்கிறார்களே. [QE]
11. [QS]தேவன் அருளிய ஆறுதல்களும், [QE][QS]உம்முடன் சொல்லப்படுகிற மென்மையான பேச்சும் உமக்கு இழிவான காரியமாயிருக்கிறதோ? [QE]
12. [QS]உம்முடைய இருதயம் உம்மை எங்கே கொண்டுபோகிறது? [QE][QS]உம்முடைய கண்கள் கோபத்துடன் பார்க்கிறது என்ன? [QE]
13. [QS]தேவனுக்கு விரோதமாக உம்முடைய ஆவியை எழுப்பி உம்முடைய வாயிலிருந்து வசனங்களைப் புறப்படச்செய்கிறீர். [QE]
14. [QS]மனிதனானவன் பரிசுத்தமாயிருக்கிறதற்கும், [QE][QS]பெண்ணிடத்தில் பிறந்தவன் நீதிமானாயிருக்கிறதற்கும், அவன் எம்மாத்திரம்? [QE]
15. [QS]இதோ, தம்முடைய பரிசுத்தவான்களையும் அவர் நம்புகிறதில்லை; [QE][QS]வானங்களும் அவர் பார்வைக்குச் சுத்தமானவைகள் அல்ல. [QE]
16. [QS]அநியாயத்தைத் தண்ணீரைப்போலக் குடிக்கிற மனிதன் எத்தனை அதிகமாக அருவருப்பும் அசுத்தமுமாயிருக்கிறான்? [QE]
17. [QS]உமக்குக் காரியத்தைத் தெரியவைப்பேன் என்னைக் கேளும்; [QE][QS]நான் கண்டதை உமக்கு விவரித்துச் சொல்லுவேன். [QE]
18. [QS]ஞானிகள் தங்கள் பிதாக்கள் சொல்லக் கேட்டு மறைக்காமல் அறிவித்ததையே நான் சொல்லுவேன். [QE]
19. [QS]அவர்களுக்குமாத்திரம் பூமி அளிக்கப்பட்டது; [QE][QS]அந்நியர் அவர்கள் நடுவே கடந்துபோக இடமில்லை. [QE]
20. [QS]துன்மார்க்கன் உயிரோடிருக்கிற நாளெல்லாம் துன்பத்தால் வாதிக்கப்படுகிறான்; [QE][QS]பலவந்தம் செய்கிறவனுக்கு அவனுடைய வருடங்களின் எண்ணிக்கை மறைக்கப்பட்டிருக்கிறது. [QE]
21. [QS]பயங்கரமான சத்தம் அவனுடைய காதுகளில் தொனிக்கிறது; [QE][QS]அவன் சமாதானமாயிருக்கும்போது பாழாக்குகிறவன் அவன்மேல் வருவான். [QE]
22. [QS]இருளிலிருந்து திரும்பிவர அவனுக்கு நம்பிக்கையில்லாமல், [QE][QS]ஒளிந்திருக்கிறவர்களின் பட்டயத்திற்கு அவன் பயப்படுகிறான். [QE]
23. [QS]அப்பம் எங்கே கிடைக்கும் என்று அவன் அலைந்து திரிகிறான்; [QE][QS]இருளானநாள் தனக்குச் சமீபித்திருக்கிறதை அறிவான். [QE]
24. [QS]இக்கட்டும் நெருக்கமும் அவனைக் கலங்கச்செய்து, [QE][QS]போர்வீரனான ராஜாவைப்போல அவனை மேற்கொள்ளும். [QE]
25. [QS]அவன் தேவனுக்கு விரோதமாகக் கைநீட்டி, [QE][QS]சர்வவல்லவருக்கு விரோதமாகப் பராக்கிரமம் பாராட்டுகிறான். [QE]
26. [QS]கடினக்கழுத்துடனும், பருத்த குமிழுள்ள தன் கேடயங்களுடனும் அவருக்கு எதிராக ஓடுகிறான். [QE]
27. [QS]அவனுடைய முகத்தைக் கொழுப்பு மூடியிருக்கிறது; [QE][QS]அடிவயிறு தொந்திவிட்டிருக்கிறது. [QE]
28. [QS]ஆனாலும் பாழான பட்டணங்களிலும், [QE][QS]குடிபோன கற்குவியலான வீடுகளிலும் குடியிருப்பான். [QE]
29. [QS]அவன் செல்வந்தனாவதுமில்லை, [QE][QS]அவனுடைய செல்வம் நிலைப்பதுமில்லை; [QE][QS]அப்படிப்பட்டவர்களின் செல்வம் பூமியில் நீடித்திருப்பதில்லை. [QE]
30. [QS]இருளுக்கு அவன் தப்புவதில்லை; [QE][QS]நெருப்புத்தணல் அவனுடைய கிளையைக் காய்ந்துபோகச் செய்யும்; [QE][QS]அவருடைய வாயின் சுவாசத்தால் அற்றுப்போவான்; [QE]
31. [QS]வழிதப்பினவன் மாயையை நம்பக்கூடாது; [QE][QS]நம்பினால் மாயையே அவனுடைய பலனாயிருக்கும். [QE]
32. [QS]அது அவனுடைய நாள் வருமுன்னே அவனுக்குப் பூரணமாகப் பலிக்கும்; [QE][QS]அவனுடைய செடிகள் பச்சையாக இருப்பதில்லை. [QE]
33. [QS]பிஞ்சுகள் உதிர்ந்துபோகிற திராட்சைச்செடியைப்போலவும், பூக்கள் உதிர்ந்து போகிற ஒலிவமரத்தைப் போலவும் அவன் இருப்பான். [QE]
34. [QS]மாயக்காரரின் கூட்டம் வெறுமையாகப்போகும்; [QE][QS]லஞ்சம் வாங்கினவர்களின் கூடாரங்களை நெருப்பு எரிக்கும். [QE]
35. [QS]அப்படிப்பட்டவன் அநியாயத்தைக் கர்ப்பந்தரித்து அக்கிரமத்தைப் பெறுகிறான்; [QE][QS]அவர்கள் கர்ப்பம் மாயையைப் பிறப்பிக்கும்” என்றான். [QE]