1. [QS]இதோ, இவைகள் எல்லாவற்றையும் என் கண் கண்டு, [QE][QS]என் காது கேட்டு அறிந்திருக்கிறது. [QE]
2. [QS]நீங்கள் அறிந்திருக்கிறதை நானும் அறிந்திருக்கிறேன்; [QE][QS]நான் உங்களுக்குத் தாழ்ந்தவன் அல்ல. [QE]
3. [QS]சர்வவல்லமையுள்ள தேவனுடன் நான் பேசினால் நல்லது; [QE][QS]தேவனுடன் நியாயத்திற்காக வழக்காட விரும்புவேன். [QE]
4. [QS]நீங்கள் உண்மையில் பொய்யை இணைக்கிறவர்கள்; [QE][QS]நீங்கள் எல்லோரும் காரியத்திற்கு உதவாத வைத்தியர்கள். [QE]
5. [QS]நீங்கள் பேசாமலிருந்தால் நலமாகும்; [QE][QS]அது உங்களுக்கு ஞானமாயிருக்கும். [QE]
6. [QS]நீங்கள் என் நியாயத்தைக் கேட்டு, [QE][QS]என் உதடுகள் சொல்லும் விசேஷங்களைக் கவனியுங்கள். [QE]
7. [QS]நீங்கள் தேவனுக்காக நியாயமில்லாமல் பேசி, [QE][QS]அவருக்காக வஞ்சகமாகப் பேசவேண்டுமோ? [QE]
8. [QS]அவருக்கு முகதாட்சிணியம் செய்வீர்களோ? [QE][QS]தேவனுக்காக வழக்காடுவீர்களோ? [QE]
9. [QS]அவர் உங்களை ஆராய்ந்துபார்த்தால் அது உங்களுக்கு நலமாயிருக்குமோ? [QE][QS]மனிதனைக் கேலி செய்கிறதுபோல அவரைக் கேலி செய்வீர்களோ? [QE]
10. [QS]நீங்கள் மறைமுகமாக முகதாட்சிணியம் செய்தால், [QE][QS]அவர் உங்களை எவ்விதத்திலும் கண்டிப்பார். [QE]
11. [QS]அவருடைய மகத்துவம் உங்களை அதிர்ச்சியடையச் செய்யாதோ? [QE][QS]அவருடைய பயங்கரம் உங்களைப் பிடிக்கமாட்டாதோ? [QE]
12. [QS]உங்கள் பெயரை நினைக்கச்செய்யும் அடையாளங்கள் சாம்பலுக்கு இணையானது; [QE][QS]உங்கள் மேட்டிமைகள் சேற்றுக்குவியல்களுக்குச் சமானம். [QE]
13. [QS]நீங்கள் மவுனமாயிருங்கள், [QE][QS]நான் பேசுகிறேன், [QE][QS]எனக்கு வருகிறது வரட்டும். [QE]
14. [QS]நான் என் பற்களினால் என் சதையைப் பிடுங்கி, [QE][QS]என் உயிரை என் கையிலே ஏன் வைக்கவேண்டும்? [QE]
15. [QS]அவர் என்னைக் கொன்றுபோட்டாலும், [QE][QS]அவர்மேல் நம்பிக்கையாயிருப்பேன்; ஆனாலும் என் வழிகளை அவருக்கு முன்பாக நிரூபிப்பேன். [QE]
16. [QS]அவரே என் பாதுகாப்பு; [QE][QS]மாயக்காரனோ அவர் முன்னிலையில் சேரமாட்டான். [QE]
17. [QS]என் வசனத்தையும், நான் சொல்லிக் காண்பிக்கிறதையும், [QE][QS]உங்கள் காதுகளால் கவனமாகக் கேளுங்கள். [QE]
18. [QS]இதோ, என் நியாயங்களை வரிசையாக வைத்தேன்; [QE][QS]என் நீதி விளங்கும் என்று அறிவேன். [QE]
19. [QS]என்னுடன் வழக்காடவேண்டுமென்று இருக்கிறவன் யார்? [QE][QS]நான் மவுனமாயிருந்தால் இறந்துபோவேனே. [QE]
20. [QS]இரண்டு காரியங்களை மாத்திரம் எனக்குச் செய்யாதிருப்பீராக; [QE][QS]அப்பொழுது உமது முகத்திற்கு முன்பாக ஒளித்துக்கொள்ளாதிருப்பேன். [QE]
21. [QS]உம்முடைய கையை என்னைவிட்டுத் தூரப்படுத்தும்; [QE][QS]உம்முடைய பயங்கரம் என்னை பயமுறுத்தாதிருப்பதாக. [QE]
22. [QS]நீர் கூப்பிடும், நான் பதில் கொடுப்பேன்; [QE][QS]அல்லது நான் பேசுவேன்; [QE][QS]நீர் எனக்கு மறுமொழி சொல்லும். [QE]
23. [QS]என் அக்கிரமங்களும் பாவங்களும் எத்தனை? [QE][QS]என் மீறுதலையும் என் பாவத்தையும் எனக்கு உணர்த்தும். [QE]
24. [QS]நீர் உமது முகத்தை மறைத்து, [QE][QS]என்னை உமக்குப் பகைவனாக நினைப்பானேன்? [QE]
25. [QS]காற்றடித்த சருகை நொறுக்குவீரோ? [QE][QS]காய்ந்துபோன துரும்பைப் பின்தொடருவீரோ? [QE]
26. [QS]மகா கசப்பான முடிவுகளை என்பேரில் எழுதுகிறீர்; [QE][QS]என் சிறுவயதின் அக்கிரமங்களை எனக்குப் பலிக்கச்செய்கிறீர். [QE]
27. [QS]என் கால்களைத் தொழுவத்தில் கட்டிப்போட்டு, [QE][QS]என் வழிகளையெல்லாம் காவல்செய்கிறீர்; [QE][QS]என் கால் தடங்களில் அடையாளத்தைப் போடுகிறீர். [QE]
28. [QS]இப்படிப்பட்டவன் அழுகிப்போகிற பொருளைப் போலவும், [QE][QS]பூச்சி அரித்த ஆடையைப் போலவும் அழிந்து போவான். [QE]