1. [QS]என் ஆத்துமா உயிரை வெறுக்கிறது, [QE][QS]நான் என் துயரத்திற்கு எனக்குள்ளே இடங்கொடுத்து, [QE][QS]என் மனவேதனையினாலே பேசுவேன். [QE]
2. [QS]நான் தேவனை நோக்கி: [QE][QS]என்னைக் குற்றவாளியென்று முடிவுசெய்யாதிரும்; [QE][QS]நீர் எதற்காக என்னுடன் வழக்காடுகிறீர், அதை எனக்குத் தெரியப்படுத்தும் என்பேன். [QE]
3. [QS]நீர் என்னை ஒடுக்கி, உம்முடைய கைகளின் செயலை வெறுத்து, [QE][QS]துன்மார்க்கரின் யோசனையைக் கிருபையாகப் பார்க்கிறது உமக்கு நன்றாயிருக்குமோ? [QE]
4. [QS]சரீரக்கண்கள் உமக்கு உண்டோ? [QE][QS]மனிதன் பார்க்கிறவிதமாகப் பார்க்கிறீரோ? [QE]
5. [QS]நீர் என் அக்கிரமத்தைத் தேடிப்பார்த்து, [QE][QS]என் பாவத்தை ஆராய்ந்து விசாரிக்கிறதற்கு, [QE]
6. [QS]உம்முடைய நாட்கள் ஒரு மனிதனுடைய நாட்களைப்போலவும், [QE][QS]உம்முடைய வருடங்கள் ஒரு மனிதனுடைய வாழ்நாளைப்போலவும் இருக்கிறதோ? [QE]
7. [QS]நான் துன்மார்க்கன் அல்ல என்பது உமக்குத் தெரியும்; [QE][QS]உம்முடைய கைக்கு என்னை விடுவிக்கிறவன் இல்லை. [QE]
8. [QS]உம்முடைய கரங்கள் என்னையும் எனக்குரிய எல்லாவற்றையும் உருவாக்கிப் படைத்திருந்தும், [QE][QS]என்னை அழிக்கிறீர். [QE]
9. [QS]களிமண்போல என்னை உருவாக்கினீர் என்பதையும், [QE][QS]என்னைத் திரும்பத் தூளாகப்போகச் செய்வீர் என்பதையும் நினைத்தருளும். [QE]
10. [QS]நீர் என்னைப் பால்போல் ஊற்றி தயிர்போல் உறையச் செய்தீர் அல்லவோ? [QE]
11. [QS]தோலையும் சதையையும் எனக்கு அணிவித்து எலும்புகளாலும் நரம்புகளாலும் என்னை இணைத்தீர். [QE]
12. [QS]எனக்கு உயிரைத் தந்ததும் அல்லாமல், தயவையும் எனக்குப் பாராட்டினீர்; [QE][QS]உம்முடைய பராமரிப்பு என் ஆவியைக் காப்பாற்றியது. [QE]
13. [QS]இவைகள் உம்முடைய உள்ளத்தில் மறைந்திருந்தாலும், [QE][QS]இது உமக்குள் இருக்கிறது என்று அறிவேன். [QE]
14. [QS]நான் பாவம்செய்தால், அதை நீர் என்னிடத்தில் விசாரித்து, [QE][QS]என் அக்கிரமத்தை என்மேல் சுமத்தாமல் விடமாட்டீர். [QE]
15. [QS]நான் துன்மார்க்கனாயிருந்தால் எனக்கு ஐயோ, [QE][QS]நான் நீதிமானாயிருந்தாலும் என் தலையை நான் எடுக்கமாட்டேன்; [QE][QS]அவமானத்தால் நிரப்பப்பட்டேன்; [QE][QS]நீர் என் சிறுமையைப் பார்த்தருளும், அது அதிகரிக்கிறது. [QE]
16. [QS]சிங்கத்தைப்போல என்னை வேட்டையாடி, [QE][QS]எனக்கு விரோதமாக உமது அதிசய வல்லமையை விளங்கச் செய்கிறீர். [QE]
17. [QS]நீர் உம்முடைய சாட்சிகளை எனக்கு விரோதமாக இரட்டிப்பாக்குகிறீர்; [QE][QS]என்மேல் உம்முடைய கோபத்தை அதிகரிக்கச் செய்கிறீர்; [QE][QS]போராட்டத்தின்மேல் போராட்டம் அதிகரிக்கிறது. [QE]
18. [QS]நீர் என்னைக் கர்ப்பத்திலிருந்து பிறக்கவைத்தது என்ன? [QE][QS]ஒருவரும் என்னைப் பார்க்காமல், நான் அப்பொழுதே இறந்துபோனால் நலமாமே. [QE]
19. [QS]நான் ஒருபோதும் இருந்ததுபோல இல்லாமல், [QE][QS]கர்ப்பத்திலிருந்து கல்லறைக்குக் கொண்டு போகப்பட்டிருப்பேன். [QE]
20. [QS]என் நாட்கள் கொஞ்சமல்லவோ? [QE]
21. [QS]காரிருளும் மரண இருளுமான இருண்ட தேசமும், [QE][QS]இருள்சூழ்ந்த ஒழுங்கில்லாத மரண மறைவிடமுள்ள தேசமும், ஒளியும் இருளாகும் தேசமுமாகிய, போனால் திரும்பிவராத தேசத்திற்கு, நான் போகுமுன்னே, [QE]
22. [QS]நான் சற்று இளைப்பாறுவதற்கு நீர் என்னைவிட்டு ஓய்ந்திரும்” என்றான். [QE]