1. {தீர்க்கதரிசியின் விண்ணப்பம்} [PS] ஆபகூக் தீர்க்கதரிசி சிகாயோனில் பாடின விண்ணப்பம். [QBR]
2. யெகோவாவே, நீர் வெளிப்படுத்தினதை நான் கேட்டேன், [QBR] எனக்குப் பயமுண்டானது; [QBR] யெகோவாவே, வருடங்களின் நடுவிலே உம்முடைய செயலை உயிர்ப்பியும், [QBR] வருடங்களின் நடுவிலே அதை விளங்கச்செய்யும்; [QBR] கோபித்தாலும் இரக்கத்தை நினைத்தருளும். [QBR]
3. தேவன் தேமானிலிருந்தும் [* ] , [QBR] பரிசுத்தர் பாரான் மலையிலிருந்தும் [† ] வந்தார்; (சேலா.) [QBR] அவருடைய மகிமை வானங்களை மூடிக்கொண்டது; [QBR] அவர் துதியினால் பூமி நிறைந்தது. [QBR]
4. அவருடைய பிரகாசம் சூரியனைப்போலிருந்தது; [QBR] அவருடைய கரத்திலிருந்து கிரணங்கள் வீசின; [QBR] அங்கே அவருடைய பராக்கிரமம் மறைந்திருந்தது. [QBR]
5. அவருக்கு முன்பாகக் கொள்ளைநோய் சென்றது; [QBR] அவர் அடிகளிலிருந்து எரிபந்தமான காய்ச்சல் புறப்பட்டது. [QBR]
6. அவர் நின்று பூமியை அளந்தார் [‡ அசைத்தார்] ; [QBR] அவர் பார்த்து அந்நிய மக்களைக் கரையச்செய்தார்; [QBR] முந்தின மலைகள் சிதறடிக்கப்பட்டது, [QBR] என்றுமுள்ள மலைகள் தாழ்ந்தது; [QBR] அவருடைய நடைகள் நித்திய நடைகளாயிருந்தது. [QBR]
7. கூஷானின் கூடாரங்கள் வருத்தத்தில் அகப்பட்டிருக்கக்கண்டேன்; [QBR] மீதியான் தேசத்தின் கூடாரங்கள் நடுங்கின. [QBR]
8. யெகோவா நதிகளின்மேல் கோபமாயிருந்தாரோ? [QBR] தேவரீர் உம்முடைய குதிரைகளின்மேலும் காப்பாற்றுகிற உம்முடைய இரதங்களின்மேலும் ஏறிவருகிறபோது, [QBR] உமது கோபம் நதிகளுக்கும் உமது சினம் சமுத்திரத்திற்கும் விரோதமாயிருந்ததோ? [QBR]
9. கோத்திரங்களுக்கு ஆணையிட்டுக்கொடுத்த வாக்கின்படியே உம்முடைய வில் நாணேற்றப்பட்டதாக விளங்கினது; (சேலா.) [QBR] நீரே பூமியைப் பிளந்து ஆறுகளை உண்டாக்கினீர். [QBR]
10. மலைகள் உம்மைக்கண்டு நடுங்கின; [QBR] தண்ணீர் திரண்டு கடந்துபோனது; [QBR] கடல் இரைந்தது, அதின் அலைகளை [§ கைகளை] உயர எழுந்தது. [QBR]
11. சந்திரனும் சூரியனும் தன்தன் மண்டலத்தில் நின்றன; [QBR] உமது அம்புகளின் வெளிச்சத்திலும், [QBR] உமது ஈட்டியினுடைய மின்னல் பிரகாசத்திலும் நடந்தன. [QBR]
12. நீர் கோபத்துடன் பூமியில் நடந்தீர், [QBR] உக்கிரத்துடன் மக்களைப் போரடித்தீர். [QBR]
13. உமது மக்களின் பாதுகாப்பிற்காகவும் [QBR] நீர் அபிஷேகம்செய்தவனின் பாதுகாப்பிற்காகவுமே நீர் புறப்பட்டீர்; [QBR] கழுத்தளவாக அஸ்திபாரத்தைத் திறப்பாக்கி, [QBR] தீயவனுடைய வீட்டிலிருந்த தலைவனை வெட்டினீர்; (சேலா) [QBR]
14. என்னைச் சிதறடிப்பதற்குப் பெருங்காற்றைப்போல் வந்தார்கள்; [QBR] சிறுமையானவனை மறைவிடத்திலே அழிப்பது அவர்களுக்குச் சந்தோஷமாயிருந்தது; [QBR] நீர் அவனுடைய ஈட்டிகளினாலேயே அவனுடைய சேனைகளின் அதிபதிகளை [* அவனுடைய தலையை] உருவக் குத்தினீர். [QBR]
15. திரளான தண்ணீர் குவியலாகிய சமுத்திரத்திற்குள் உமது குதிரைகளுடன் நடந்துபோனீர். [QBR]
16. நான் கேட்டபோது என் குடல் குழம்பியது; [QBR] அந்தச் சத்தத்திற்கு என் உதடுகள் துடித்தது; என் எலும்புகளில் பெலவீனம் உண்டானது; [QBR] என் நிலையிலே நடுங்கினேன்; [QBR] ஆனாலும் எங்களோடு எதிர்க்கும் மக்கள் வரும்போது, [QBR] இக்கட்டுநாளிலே நான் இளைப்பாறுதல் அடைவேன்.
17. {விசுவாசப் பாடல்} [PS] அத்திமரம் துளிர்விடாமற்போனாலும், [QBR] திராட்சைச்செடிகளில் பழம் உண்டாகாமற்போனாலும், [QBR] ஒலிவமரத்தின் பலன் இல்லாமல் போனாலும், [QBR] வயல்கள் தானியத்தை விளைவிக்காமற்போனாலும், [QBR] கிடையில் ஆட்டுமந்தைகள் முதலற்றுப்போனாலும், [QBR] தொழுவத்திலே மாடுகள் இல்லாமற்போனாலும், [QBR]
18. நான் யெகோவாவுக்குள் மகிழ்ச்சியாயிருப்பேன், [QBR] என் இரட்சிப்பின் தேவனுக்குள் களிகூருவேன். [QBR]
19. ஆண்டவராகிய யெகோவா என் பெலன்; [QBR] அவர் என் கால்களை மான்கால்களைப்போலாக்கி, [QBR] உயரமான இடங்களில் என்னை நடக்கச்செய்வார். இது நெகிநோத் என்னும் வாத்தியத்தில் வாசிக்க இராகத்தலைவனுக்கு ஒப்புவிக்கப்பட்டப் பாடல். [PE]