1. {#1மோசே இஸ்ரவேல் கோத்திரங்களை ஆசீர்வதித்தல் } [PS]தேவனுடைய மனிதனாகிய மோசே தான் மரணமடைவதற்கு முன்னே இஸ்ரவேல் மக்களை ஆசீர்வதித்த ஆசீர்வாதமாவது: [PE]
2. [QS]“யெகோவா சீனாயிலிருந்து எழுந்தருளி, [QE][QS]சேயீரிலிருந்து அவர்களுக்கு உதயமானார்; [QE][QS]பாரான் மலையிலிருந்து பிரகாசித்து, [QE][QS]பத்தாயிரங்களான பரிசுத்தவான்களுடன் வெளிப்பட்டார்; [QE][QS]அவர்களுக்காக அக்கினிமயமான பிரமாணம் அவருடைய வலதுகரத்திலிருந்து புறப்பட்டது. [QE]
3. [QS]உண்மையாகவே அவர் மக்களை நேசிக்கிறார்; [QE][QS]அவருடைய பரிசுத்தவான்கள் எல்லோரும் உம்முடைய கையில் இருக்கிறார்கள்; [QE][QS]அவர்கள் உம்முடைய பாதத்தில் விழுந்து, [QE][QS]உம்முடைய வார்த்தைகளினால் போதிக்கப்படுவார்கள். [QE]
4. [QS]மோசே நமக்கு ஒரு நியாயப்பிரமாணத்தைக் கற்பித்தான்; [QE][QS]அது யாக்கோபின் சபைக்குச் சொந்தமானது. [QE]
5. [QS]மக்களின் தலைவர்களும் இஸ்ரவேலின் கோத்திரங்களும் ஒன்றாகக்கூடினபோது [QE][QS]அவர் யெஷூரனுக்கு ராஜாவாயிருந்தார். [QE]
6. [QS]“ரூபன் மரணமடையாமல் பிழைப்பானாக; [QE][QS]அவன் மக்கள் குறைவாக இருக்கமாட்டார்கள்” என்றான். [QE]
7. [QS]அவன் யூதாவைக்குறித்து: “யெகோவாவே, யூதாவின் சத்தத்தைக் கேட்டு, [QE][QS]அவன் தன்னுடைய மக்களிடத்திற்கு திரும்பிவரச் செய்யும்; [QE][QS]அவனுடைய கை பலப்படுவதாக; [QE][QS]அவனுடைய எதிரிகளுக்கு அவனைப் பாதுகாத்து விடுவிக்கிற உதவி செய்கிறவராக இருப்பீராக” என்றான். [QE]
8. [QS]லேவியர்களைக்குறித்து: “நீ மாசாவிலே பரீட்சைபார்த்து, [QE][QS]மேரிபாவின் தண்ணீரின் அருகில் வாக்குவாதம்செய்த உன் பரிசுத்த மனிதனிடம் [QE][QS]உன்னுடைய தும்மீம் ஊரீம் என்பவைகள் இருப்பதாக. [QE]
9. [QS]தன்னுடைய தகப்பனையும், [QE][QS]தாயையும் குறித்து நான் அவர்களுக்கு முக்கியத்துவம் கொடுக்கமாட்டேன் என்று சொல்லி, [QE][QS]தன் சகோதரர்களையும், பிள்ளைகளையும் [QE][QS]ஏற்றுக்கொள்ளாமல் இருக்கிறவனிடத்தில் அவைகள் இருப்பதாக; [QE][QS]அவர்கள் உம்முடைய வார்த்தைகளைக் கைக்கொண்டு, [QE][QS]உம்முடைய உடன்படிக்கையைக் காக்கிறவர்கள். [QE]
10. [QS]அவர்கள் யாக்கோபுக்கு உம்முடைய நியாயங்களையும், [QE][QS]இஸ்ரவேலுக்கு உம்முடைய பிரமாணத்தையும் கற்பித்து, [QE][QS]உமது சந்நிதானத்திலே தூபவர்க்கத்தையும், [QE][QS]உமது பலிபீடத்தின்மேல் சர்வாங்க தகனபலிகளையும் செலுத்துவார்கள். [QE]
11. [QS]யெகோவாவே, அவனுடைய ஆஸ்தியை ஆசீர்வதித்து, [QE][QS]அவன் கையின் செயல்களின்மேல் பிரியமாயிரும்; [QE][QS]அவனைப் பகைத்து அவனுக்கு விரோதமாக எழும்புகிறவர்கள் [QE][QS]திரும்ப எழுந்திருக்காதபடி அவர்களுடைய இடுப்புகளை நொறுக்கிவிடும்” என்றான். [QE]
12. [QS]பென்யமீனைக்குறித்து: [QE][QS]“யெகோவாவுக்குப் பிரியமானவன், [QE][QS]அவருடன் சுகமாகத் தங்கியிருப்பான்; [QE][QS]அவனை எந்நாளும் அவர் காப்பாற்றி, [QE][QS]அவனுடைய எல்லைக்குள்ளே தங்கியிருப்பார்” என்றான். [QE]
13. [QS]யோசேப்பைக்குறித்து: “யெகோவாவால் அவனுடைய தேசம் ஆசீர்வதிக்கப்படுவதாக; [QE][QS]அது வானத்தின் செல்வத்தினாலும், பனியினாலும், ஆழத்திலுள்ள நீரூற்றுகளினாலும், [QE]
14. [QS]சூரியன் பக்குவப்படுத்தும் அருமையான பழங்களினாலும்,[* மோந்த்லி ] [QE][QS]சந்திரன் பக்குவப்படுத்தும் அருமையான பலன்களினாலும், [QE]
15. [QS]பழமையான மலைகளில் உண்டாகும் விலையுயர்ந்த பொருட்களினாலும், [QE][QS]நித்திய மலைகளில் கிடைக்கும் அரிதான பொருட்களினாலும், [QE]
16. [QS]நாடும் அதின் நிறைவும் கொடுக்கும் அருமையான தானியங்களினாலும் ஆசீர்வதிக்கப்படுவதாக. [QE][QS]முட்செடியில் காட்சியளித்தவரின் தயவு யோசேப்புடைய தலையின்மேலும், [QE][QS]தன் சகோதரர்களில் விசேஷித்தவனுடைய உச்சந்தலையின்மேலும் வருவதாக. [QE]
17. [QS]அவனுடைய அலங்காரம் அவன் முதற்பிறந்த காளையினுடைய அலங்காரத்தைப்போலவும், [QE][QS]அவன் கொம்புகள் காண்டாமிருகத்தின் கொம்புகளைப்போலவும் இருக்கும்; [QE][QS]அவைகளாலே மக்கள் அனைவரையும் தேசத்தின் கடைசிவரை முட்டித் துரத்துவான்; [QE][QS]அவைகள் எப்பிராயீமின் பத்தாயிரங்களும் மனாசேயின் ஆயிரங்களுமானவைகள்” என்றான். [QE]
18. [QS]“செபுலோனைக்குறித்து: செபுலோனே, [QE][QS]நீ வெளியே புறப்பட்டுப்போகும்போதும், இசக்காரே, [QE][QS]நீ உன் கூடாரங்களில் தங்கும்போதும் சந்தோஷமாயிரு. [QE]
19. [QS]அவர்கள், மக்களை மலையின்மேல் வரவழைத்து, [QE][QS]அங்கே நீதியின் பலிகளைச் செலுத்துவார்கள்; [QE][QS]கடல்களிலுள்ள சம்பூரணத்தையும் மணலுக்குள்ளே மறைந்திருக்கும் பொருட்களையும் அநுபவிப்பார்கள்” என்றான். [QE]
20. [QS]“காத்தைக்குறித்து: [QE][QS]காத்திற்கு விசாலமான இடத்தைக் கொடுக்கிறவர் ஸ்தோத்திரிக்கப்பட்டவர்; [QE][QS]அவன் சிங்கத்தைப்போல் தங்கியிருந்து, [QE][QS]புயத்தையும் உச்சந்தலையையும் பீறிப்போடுவான். [QE]
21. [QS]அவன் தனக்காக முதல் இடத்தைப் பார்த்துக்கொண்டான்; [QE][QS]அங்கே தனக்கு நியாயப்பிரமாணிகன் கொடுத்த பங்கு பத்திரமாயிருக்கிறது; [QE][QS]ஆனாலும் அவன் மக்களுக்கு முன்பாக வந்து, [QE][QS]மற்ற இஸ்ரவேலுடனே யெகோவாவின் நீதியையும் அவருடைய நியாயங்களையும் செய்வான்” என்றான். [QE]
22. [QS]“தாணைக்குறித்து: தாண் ஒரு பாலசிங்கம், [QE][QS]அவன் பாசானிலிருந்து பாய்வான்” என்றான். [QE]
23. [QS]“நப்தலியைக்குறித்து: நப்தலி யெகோவாவுடைய தயவினாலே திருப்தியடைந்து, [QE][QS]அவருடைய ஆசீர்வாதத்தினாலே நிறைந்திருப்பான். [QE][QS]நீ மேற்குத் திசையையும் தெற்குத் திசையையும் சொந்தமாக்கிக்கொள்” என்றான். [QE]
24. [QS]ஆசேரைக்குறித்து: “ஆசேர் குழந்தை பாக்கியமுடையவனாக, தன் சகோதரர்களுக்குப் பிரியமாயிருந்து, [QE][QS]தன் காலை எண்ணெயிலே தோய்ப்பான். [QE]
25. [QS]இரும்பும் வெண்கலமும் உன் காலணியின் கீழிருக்கும்; [QE][QS]உன் நாட்களுக்குத்தக்கதாக உன் பெலனும் இருக்கும் என்றான். [QE]
26. [QS]“யெஷூரனுடைய தேவனைப்போல் ஒருவரும் இல்லை; [QE][QS]அவர் உனக்கு உதவியாக வானங்களின்மேலும் [QE][QS]தமது மாட்சிமையோடு ஆகாய மண்டலங்களின் மேலும் ஏறிவருகிறார். [QE]
27. [QS]அநாதி தேவனே உனக்கு அடைக்கலம்; [QE][QS]அவருடைய நித்திய புயங்கள் உனக்கு ஆதாரம்; [QE][QS]அவர் உனக்கு முன்னின்று எதிரிகளைத் துரத்தி, [QE][QS]அவர்களை அழித்துப்போடு என்று கட்டளையிடுவார். [QE]
28. [QS]இஸ்ரவேல் சுகமாகத் தனித்து குடியிருப்பான்; [QE][QS]யாக்கோபின் ஊற்றானது[† வாசஸ்தலம் ] தானியமும் திராட்சைரசமும் உள்ள தேசத்திலே இருக்கும்; [QE][QS]அவருடைய வானமும் பனியைப் பெய்யும். [QE]
29. [QS]இஸ்ரவேலே, நீ பாக்கியவான்; யெகோவாவால் இரட்சிக்கப்பட்ட மக்களே, [QE][QS]உனக்கு ஒப்பானவன் யார்? [QE][QS]உனக்கு உதவிசெய்யும் கேடகமும் உனக்கு மகிமை பொருந்திய பட்டயமும் அவரே; [QE][QS]உன் எதிரிகள் உன்னை நிந்தித்துப் பேசி அடங்குவார்கள்; [QE][QS]அவர்களுடைய மேடுகளை[‡ முதுகுகளை. ] மிதிப்பாய்” என்று சொன்னான். [QE]