1. [QS]மிக உன்னதமான தேவனிடம் மறைந்துகொள்ள நீ போகமுடியும். [QE][QS2]சர்வ வல்லமையுள்ள தேவனிடம் பாதுகாப்பிற்காக நீ போக முடியும். [QE]
2. [QS]நான் கர்த்தரை நோக்கி, “நீரே என் பாதுகாப்பிடம், என் கோட்டை, [QE][QS2]என் தேவனே, நான் உம்மை நம்புகிறேன்” என்று கூறுகிறேன். [QE]
3. [QS]மறைவான ஆபத்துக்களிலிருந்தும் [QE][QS2]ஆபத்தான நோய்களிலிருந்தும் தேவன் உன்னைக் காப்பாற்றுகிறார். [QE]
4. [QS]நீ தேவனைப் பாதுகாப்பிற்காக அணுகமுடியும். [QE][QS2]அவர் உன்னை ஒரு பறவை சிறகை விரித்துத் தன் குஞ்சுகளைக் காப்பதைப்போன்று காப்பார். [QE][QS2]தேவன் ஒரு கேடகத்தைப் போன்றும் சுவரைப் போன்றும் உன்னைப் பாதுகாக்கிறார். [QE]
5. [QS]இரவில் நீ அஞ்சத்தக்கது எதுவுமில்லை. [QE][QS2]நீ பகலில் பகைவரின் அம்புக்கும் பயப்படமாட்டாய். [QE]
6. [QS]இருளில் வரும் கொடிய நோய்களுக்கும், [QE][QS2]நடுப் பகலில் வரும் கொடிய நோய்களுக்கும் நீ அஞ்சமாட்டாய். [QE]
7. [QS]நீ ஆயிரம் பகைவர்களைத் தோற்கடிப்பாய். [QE][QS2]உன் சொந்த வலதுகை பதினாயிரம் பகைவீரர்களைத் தோற்கடிக்கும். [QE][QS2]உன் பகைவர்கள் உன்னைத் தொடக்கூடமாட்டார்கள். [QE]
8. [QS]சற்றுப்பார், [QE][QS2]அத்தீயோர் தண்டிக்கப்பட்டதை நீ காண்பாய்! [QE]
9. [QS]ஏனெனில் நீ கர்த்தரை நம்புகிறாய். [QE][QS2]மிக உன்னதமான தேவனை நீ உன் பாதுகாப்பிடமாகக்கொண்டாய். [QE]
10. [QS]தீயவை உனக்கு நிகழாது, [QE][QS2]உன் வீட்டில் எந்தவிதமான நோய்களும் இருப்பதில்லை. [QE]
11. [QS]தேவன் அவரது தூதர்களை உனக்காகக் கட்டளையிடுவார். [QE][QS2]நீ போகுமிடங்களிலெல்லாம் அவர்கள் உன்னைப் பாதுகாப்பார்கள். [QE]
12. [QS]உன் கால் பாறையில் மோதாதபடிக்கு [QE][QS2]அவர்கள் கைகள் உன்னைப் பிடித்துக்கொள்ளும். [QE]
13. [QS]சிங்கங்களின் மேலும் [QE][QS2]விஷம் நிரம்பிய பாம்புகளின் மேலும் நடக்கும் வல்லமை உனக்கு வாய்க்கும். [QE]
14. [QS]கர்த்தர்: “ஒருவன் என்னை நம்பினால், நான் அவனை மீட்பேன். [QE][QS2]என் நாமத்தை தொழுது கொண்டு என்னைப் பின்பற்றுவோரை நான் கப்பாற்றுவேன்” என்கிறார். [QE]
15. [QS]என்னைப் பின்பற்றுவோர் உதவிக்காக என்னை அழைப்பார்கள். [QE][QS2]நான் அவர்களுக்குப் பதில் கொடுப்பேன். [QE][QS]அவர்களுக்குத் தொல்லை நேரும்போது நான் அவர்களோடு இருப்பேன். [QE][QS2]நான் அவர்களைக் காப்பாற்றிப் பெருமைப்படுத்துவேன். [QE]
16. [QS]என்னைப் பின்பற்றுவோருக்கு நான் நீண்ட ஆயுளைக் கொடுப்பேன். [QE][QS2]நான் அவர்களைக் காப்பாற்றுவேன். [QE]