1. {கோராகின் குடும்பம் இராகத் தலைவனுக்கு அளித்த ஒரு துதிப் பாடல்} [PS] கர்த்தாவே, உமது தேசத்தின்மேல் தயவாயிரும். [QBR] யாக்கோபின் ஜனங்கள் ஒரு அந்நிய தேசத்தில் அடிமைகளாக இருக்கிறார்கள். [QBR2] அடிமைப்பட்டவர்களை மீண்டும் அவர்கள் தேசத்திற்கு அழைத்து வாரும். [QBR]
2. கர்த்தாவே, உமது ஜனங்களை மன்னியும்! [QBR2] அவர்கள் பாவங்களை போக்கிவிடும்!
3. கர்த்தாவே, சினமாயிருப்பதை நீர் நிறுத்தும். [QBR2] கடுங்கோபமாக இராதேயும். [QBR]
4. எங்கள் தேவனும் இரட்சகருமானவரே, [QBR2] எங்களிடம் கோபமாயிருப்பதை விட்டு விட்டு எங்களை மீண்டும் ஏற்றுக்கொள்ளும். [QBR]
5. நீர் என்றென்றும் கோபங்கொள்வீரோ? [QBR]
6. தயவுகூரும், எங்களை மீண்டும் வாழச் செய்யும். [QBR2] உமது ஜனங்களை சந்தோஷப்படுத்தும். [QBR]
7. கர்த்தாவே, எங்களைக் காப்பாற்றும். [QBR2] நீர் எங்களை நேசிப்பதை எங்களுக்குக் காட்டும்.
8. தேவனாகிய கர்த்தர் கூறியதை நான் கேட்டேன். [QBR2] அவரது ஜனங்களுக்கும், உண்மையான சீடர்களுக்கும் சமாதானம் உண்டாகுமென்று கர்த்தர் கூறினார். [QBR2] எனவே மூடத்தனமான வாழ்க்கை முறைக்கு அவர்கள் மீண்டும் திரும்பிச் செல்லக் கூடாது. [QBR]
9. தேவன் தம்மைப் பின்பற்றுவோரை விரைவில் மீட்பார். [QBR2] நமது தேசத்தில் நாம் பெருமையோடு விரைவில் வாழுவோம். [QBR]
10. தேவனுடைய உண்மையான அன்பு அவரை பின்பற்றுவோரை வந்தைடையும். [QBR2] நன்மையும் சமாதானமும் முத்தமிட்டு அவர்களை வாழ்த்தும். [QBR]
11. பூமியின் ஜனங்கள் தேவனிடம் நேர்மையானவர்களாயிருப்பார்கள். [QBR2] பரலோகத்தின் தேவனும் அவர்களுக்கு நல்லவராக இருப்பார். [QBR]
12. கர்த்தர் நமக்குப் பல நல்ல பொருள்களைத் தருவார். [QBR2] நிலம் பல நல்ல பயிர்களை விளைவிக்கும். [QBR]
13. நன்மை தேவனுக்கு முன்பாகச் செல்லும். [QBR2] அது அவருக்கு வழியை ஆயத்தப்படுத்தும். [PE]