1. இஸ்ரவேலின் மேய்ப்பரே, என்னைக் கேளும். [QBR2] நீர் யோசேப்பின் ஆடுகளை (ஜனங்களை) வழி நடத்துகிறீர். [QBR] கேருபீன்கள் மேல் அரசராக நீர் வீற்றிருக்கிறீர். [QBR2] நாங்கள் உம்மைப் பார்க்கட்டும். [QBR]
2. இஸ்ரவேலின் மேய்ப்பரே, உமது பெருமையை எப்பிராயீமுக்கும் பென்யமீனுக்கும், மனாசேக்கும் காட்டும். [QBR2] வந்து எங்களைக் காப்பாற்றும். [QBR]
3. தேவனே, எங்களை மீண்டும் ஏற்றுக்கொள்ளும். [QBR2] எங்களை ஏற்றருளும், எங்களைக் காப்பாற்றும். [QBR]
4. சர்வ வல்லமையுள்ள தேவனாகிய கர்த்தாவே, எப்போது நீர் எங்கள் ஜெபங்களைக் கேட்பீர்? [QBR2] என்றென்றைக்கும் எங்களோடு கோபமாயிருப்பீரோ? [QBR]
5. உமது ஜனங்களுக்கு நீர் கண்ணீரையே உணவாகக் கொடுத்தீர். [QBR2] உமது ஜனங்களின் கண்ணீர் நிரம்பிய பாத்திரத்தையே உமது ஜனங்களுக்கு நீர் கொடுத்தீர். [QBR2] அதுவே அவர்கள் பருகும் தண்ணீராயிற்று. [QBR]
6. எங்கள் சுற்றத்தினர் சண்டையிடுவதற்கான பொருளாக எங்களை மாற்றினீர். [QBR2] எங்கள் பகைவர்கள் எங்களைப் பார்த்து நகைக்கிறார்கள். [QBR]
7. சர்வ வல்லமையுள்ள தேவனே, எங்களை மீண்டும் ஏற்றுக்கொள்ளும். [QBR2] எங்களை ஏற்றருளும், எங்களைக் காப்பாற்றும். [QBR]
8. கடந்த காலத்தில் எங்களை முக்கியமான ஒரு தாவரத்தைப்போன்று நடத்தி வந்தீர். [QBR2] நீர் உமது “திராட்சைக்கொடியை” எகிப்திலிருந்து கொண்டுவந்தீர். [QBR] இத்தேசத்திலிருந்து பிறர் விலகிப்போகுமாறு கட்டாயப்படுத்தினீர். [QBR2] உமது “திராட்சைக் கொடியை” நீர் இங்கு நட்டு வைத்தீர். [QBR]
9. “திராட்சைக்கொடிக்காக” நீர் நிலத்தைப் பண்படுத்தினீர். [QBR2] அதன் வேர்கள் வேரூன்றிச் செல்வதற்கு நீர் உதவினீர். [QBR2] உடனே அத் “திராட்சைக்கொடி” தேசமெங்கும் படர்ந்தது. [QBR]
10. அது பர்வதங்களை மூடிற்று. [QBR2] அதன் இலைகள் பெரும் கேதுரு மரங்களுக்கு நிழல் தந்தன. [QBR]
11. அதன் கொடிகள் மத்தியதரைக் கடல் வரைக்கும் படர்ந்தது. [QBR2] அதன் கிளைகள் ஐபிராத்து நதிவரைக்கும் சென்றது. [QBR]
12. தேவனே, உமது “திராட்சைக்கொடி”யைப் பாதுகாக்கும் சுவர்களை ஏன் இடித்துத் தள்ளினீர்? [QBR2] இப்போது வழிநடந்து செல்பவன் ஒவ்வொருவனும் திராட்சைக் கனிகளைப் பறித்துச் செல்கிறான். [QBR]
13. காட்டுப்பன்றிகள் வந்து உமது “திராட்சைக் கொடியின்” மீது நடந்து செல்கின்றன. [QBR2] காட்டு மிருகங்கள் வந்து அதன் இலைகளைத் தின்கின்றன. [QBR]
14. சர்வ வல்லமையுள்ள தேவனே, மீண்டும் வாரும். [QBR2] பரலோகத்திலிருந்து கீழே உமது “திராட்சைக்கொடி”யைப் பார்த்து அதனைப் பாதுகாத்துக்கொள்ளும். [QBR]
15. தேவனே, உமது கைகளால் நட்ட “திராட்சைக் கொடியைப்” பாரும். [QBR2] நீர் வளர்த்தெடுத்த இளமையான செடியை நீர் பாரும். [QBR]
16. உலர்ந்த சருகைப்போல் உமது “திராட்சைக் கொடி” நெருப்பில் எரிக்கப்பட்டது. [QBR2] நீர் அதனிடம் கோபங்கொண்டு, அதனை அழித்தீர்.
17. தேவனே, உமது வலது பக்கத்தில் நின்ற உமது மகனை நெருங்கும். [QBR2] நீர் வளர்த்தெடுத்த உமது மகனிடம் நெருங்கி வாரும். [QBR]
18. அவர் மீண்டும் உம்மை விட்டுச் செல்லமாட்டார். [QBR2] அவர் வாழட்டும், அவர் உமது நாமத்தைத் தொழுதுகொள்வார். [QBR]
19. சர்வ வல்லமையுள்ள தேவனாகிய கர்த்தரே, எங்களிடம் மீண்டும் வாரும். [QBR2] எங்களை ஏற்றுக்கொள்ளும், எங்களைக் காப்பாற்றும். [PE]