1. {ஆசாபின் பாடல்களில் ஒன்று} [PS] தெய்வங்களுக்கெல்லாம் தேவனாகிய கர்த்தர் பேசுகிறார். [QBR2] சூரியன் உதிக்குமிடத்திலிருந்து அது மறைகிற இடம் வரைக்குமுள்ள பூமியின் எல்லா ஜனங்களையும் அழைக்கிறார். [QBR]
2. சீயோனிலிருந்து பிரகாசிக்கும் தேவன் அழகானவர். [QBR]
3. நம் தேவன் வருகிறார், அவர் அமைதியாக இரார். [QBR2] அவருக்கு முன்னே நெருப்பு எரியும். அவரைச் சூழ்ந்து புயல் வீசும். [QBR]
4. தமது ஜனங்களை நியாயந்தீர்ப்பதற்கு [QBR2] நமது தேவன் பூமியையும் வானத்தையும் அழைக்கிறார். [QBR]
5. தேவன் கூறுகிறதாவது, “என்னைப் பின்பற்றுகிறவர்களே, [QBR2] என்னைச் சூழ்ந்து நில்லுங்கள். [QBR] என்னை வணங்குகிறவர்களே, வாருங்கள். [QBR2] நாம் ஒருவருக்கொருவர் ஒரு உடன்படிக்கை செய்துள்ளோம்.”
6. தேவனே நியாயாதிபதி, [QBR2] வானங்கள் அவரது நன்மைகளைக் கூறும். [QBR]
7. “எனது ஜனங்களே, நான் கூறுவதைக் கேளுங்கள்! [QBR2] இஸ்ரவேலின் ஜனங்களே, உங்களுக்கு எதிரான எனது சாட்சியைக் காட்டுவேன். [QBR2] நானே உங்கள் தேவன். [QBR]
8. உங்கள் பலிகளைக் குறித்து நான் குறை கூறமாட்டேன். [QBR2] எப்போதும் இஸ்ரவேலராகிய நீங்கள் உங்கள் தகனபலிகளை என்னிடம் ஒவ்வொரு நாளும் கொண்டுவந்தீர்கள். [QBR]
9. உங்கள் வீட்டின் எருதுகளையோ [QBR2] உங்கள் மந்தையின் ஆடுகளையோ நான் எடுத்துக்கொள்வதில்லை. [QBR]
10. எனக்கு அம்மிருகங்கள் தேவையில்லை. [QBR2] காட்டின் மிருகங்கள் எனக்குச் சொந்தமானவை. [QBR2] மலைகளிலுள்ள பல்லாயிரம் மிருகங்கள் எல்லாம் எனக்குச் சொந்தமானவை. [QBR]
11. உயர்ந்த மலையின் ஒவ்வொரு பறவையையும் நான் அறிவேன். [QBR2] மலையின்மேல் அசையும் பொருட்களெல்லாம் என்னுடையவை. [QBR]
12. எனக்குப் பசியில்லை! எனக்குப் பசித்தாலும் உணவுக்காக உன்னைக் கேட்கமாட்டேன். [QBR2] உலகமும் அதன் அனைத்துப் பொருள்களும் எனக்குச் சொந்தமானவை. [QBR]
13. எருதுகளின் மாமிசத்தை நான் புசிப்பதில்லை. [QBR2] ஆடுகளின் இரத்தத்தை நான் குடிக்கமாட்டேன்” என்று தேவன் கூறுகிறார்.
14. எனவே ஸ்தோத்திர பலிகளை தேவனுக்குக் கொண்டுவந்து அவரோடு இருக்கும்படி வாருங்கள். [QBR2] நீங்கள் மிக உன்னதமான தேவனுக்கு வாக்குறுதி பண்ணினீர்கள். [QBR2] எனவே வாக்களித்த பொருள்களை அவருக்குக் கொடுங்கள். [QBR]
15. தேவன், “இஸ்ரவேலரே, துன்பம் நேர்கையில் என்னிடம் விண்ணப்பம் செய்யுங்கள்! [QBR2] நான் உங்களுக்கு உதவுவேன். [QBR2] நீங்கள் அப்போது என்னை மகிமைப்படுத்த முடியும்” என்று கூறுகிறார்.
16. தேவன் தீயோரைப் பார்த்து, “நீங்கள் எனது சட்டங்களைக் குறித்துப் பேசுகிறீர்கள். [QBR2] எனது உடன்படிக்கையைக் குறித்துப் பேசுகிறீர்கள். [QBR]
17. ஆனால் நான் உங்களைத் திருத்தும்போது அதை ஏன் வெறுக்கிறீர்கள்? [QBR2] நான் கூறும் காரியங்களை ஏன் புறக்கணிக்கிறீர்கள்? [QBR]
18. நீங்கள் ஒரு திருடனைப் பார்க்கிறீர்கள், அவனோடு சேர்வதற்காக ஓடுகிறீர்கள். [QBR2] விபச்சாரமாகிய பாவத்தைச் செய்கிறவர்களோடு நீங்களும் படுக்கையில் குதிக்கிறீர்கள். [QBR]
19. நீங்கள் தீயவற்றைப் பேசிப் பொய்களைச் சொல்கிறீர்கள். [QBR]
20. உங்கள் சொந்த சகோதரரையும் பிறரையும் குறித்து எப்போதும் தீயவற்றையே சொல்கிறீர்கள். [QBR]
21. நீங்கள் இத்தீய செயல்களைச் செய்கிறீர்கள், நான் அமைதியாக இருப்பேன் என்று நினைக்கிறீர்கள். [QBR2] நீங்கள் எதையும் சொல்லாதிருக்கிறீர்கள், நானும் அமைதியாக இருப்பேன் என்று நினைக்கிறீர்கள். [QBR] ஆனால் நான் அமைதியாக இரேன்! [QBR2] நீங்கள் அதைத் தெளிவாக உணரும்படி நான் செய்வேன். [QBR2] உங்கள் முகத்திற்கெதிராக உங்களை விமர்சிப்பேன்! [QBR]
22. நீங்கள் தேவனை மறந்திருக்கிறீர்கள். [QBR2] உங்களைக் கிழித்தெறியும் முன்னர் [QBR] நீங்கள் அதை நன்கு புரிந்து கொள்ளுங்கள்! [QBR2] அது நிகழந்தால் உங்களை மீட்பவர் எவருமில்லை! [QBR]
23. எனவே ஒருவன் ஸ்தோத்திர காணிக்கை செலுத்தினால் அவன் என்னை உண்மையிலேயே மகிமைப்படுத்துகிறான். [QBR2] ஒருவன் அவனது வாழ்க்கையை மாற்றியமைத்தால் அப்போது நான் அவனுக்கு தேவனுடைய காக்கும் வல்லமையைக் காட்டுவேன்” என்கிறார். [PE]