1. தேவன் நம் வல்லமையின் ஊற்றாயிருக்கிறார். [QBR2] தொல்லைகள் சூழ்கையில் நாம் அவரிடமிருந்து எப்பொழுதும் உதவி பெறலாம். [QBR]
2. எனவே பூமி நடுங்கினாலும், [QBR2] மலைகள் கடலில் வீழ்ந்தாலும் நாம் அஞ்சோம். [QBR]
3. கடல் கொந்தளித்து இருள் சூழ்ந்தாலும் [QBR2] பர்வ தங்கள் நடுங்கி அதிர்ந்தாலும் நாம் அஞ்சோம்.
4. உன்னத தேவனுடைய பரிசுத்த நகரத்திற்கு, [QBR2] மகிழ்ச்சி அளிக்கிற ஓடைகளையுடைய நதி ஒன்று இருக்கிறது. [QBR]
5. அந்நகரம் அழியாதபடி தேவன் அங்கிருக்கிறார். [QBR2] சூரிய உதயத்திற்குமுன் தேவன் அதற்கு உதவுவார். [QBR]
6. தேசங்கள் பயத்தால் நடுங்கும். [QBR2] கர்த்தர் சத்தமிடுகையில் அந்த இராஜ்யங்கள் விழும், பூமி சீர்குலையும். [QBR]
7. சர்வ வல்லமையுள்ள கர்த்தர் நம்மோடிருக்கிறார். [QBR2] யாக்கோபின் தேவன் நமது பாதுகாப்பிடம்.
8. கர்த்தர் செய்யும் வல்லமை மிக்க காரியங்களைப் பாருங்கள். [QBR2] அவர் பூமியின்மேல் செய்துள்ள பயத்திற்குரிய காரியங்களைப் பாருங்கள். [QBR]
9. பூமியில் எவ்விடத்தில் போர் நிகழ்ந்தாலும் கர்த்தர் அதை நிறுத்த வல்லவர். [QBR2] வீரர்களின் வில்லுகளை அவர் முறித்து அவர்கள் ஈட்டிகளைச் சிதறடிக்கிறார். [QBR2] இரதங்களை நெருப்பினால் அழிக்க தேவன் வல்லவர்.
10. தேவன், “நீங்கள் சண்டையிடுவதை நிறுத்தி அமைதியாயிருந்து நானே தேவன் என உணருங்கள்! [QBR2] நான் பூமியில் பெருமையுற்று தேசங்களில் வாழ்த்தப்படுவேன்” என்று கூறினார்.
11. சர்வ வல்லமையுள்ள கர்த்தர் நம்மோடிருக்கிறார். [QBR2] யாக்கோபின் தேவன் நமது பாதுகாப்பிடம். [PE]