1. {#2தாவீதின் பாடல் } [QS]தேவனுடைய புத்திரரே, கர்த்தரைத் துதியுங்கள்! [QE][QS2]அவரது மகிமையையும் வல்லமையையும் துதியுங்கள். [QE]
2. [QS]கர்த்தரைத் துதித்து அவர் நாமத்தை கனப்படுத்துங்கள்! [QE][QS2]உங்கள் விசேஷ ஆடைகளை அணிந்து அவரைத் தொழுதுகொள்ளுங்கள். [QE]
3. [QS]கடலின்மேல் கர்த்தர் தமது குரலை எழுப்புகிறார். [QE][QS2]மகிமைபொருந்திய தேவனுடைய குரல் பெரும் சமுத்திரத்தின்மேல் இடியாய் முழங்கும். [QE]
4. [QS]கர்த்தருடைய குரல் அவர் வல்லமையைக் காட்டும். [QE][QS2]அவரது குரல் அவர் மகிமையைக் காட்டும். [QE]
5. [QS]கர்த்தருடைய குரல் பெரிய கேதுரு மரங்களையும் சின்னஞ்சிறு துண்டுகளாக்கும். [QE][QS2]லீபனோனின் பெரிய கேதுரு மரங்களை கர்த்தர் உடைத்தெறிகிறார். [QE]
6. [QS]கர்த்தர் லீபனோனைக் குலுக்குகிறார். [QE][QS2]இளங்கன்று நடனமாடினாற்போன்று அது தோன்றுகிறது. [QE][QS]எர்மோன் மலை நடுங்குகிறது. [QE][QS2]இளமையான வெள்ளாடு குதிப்பதைப்போன்று அது தோன்றுகிறது. [QE]
7. [QS]கர்த்தருடைய குரல் மின்னலைப்போல் ஒளிவிட்டுத் தாக்குகிறது. [QE]
8. [QS]கர்த்தருடைய குரல் பாலைவனத்தைக் குலுக்குகிறது. [QE][QS2]கர்த்தருடைய குரலால் காதேஸ் பாலைவனம் நடுங்குகிறது. [QE]
9. [QS]கர்த்தருடைய குரல் மானை அஞ்சச்செய்யும். [QE][QS2]கர்த்தர் காடுகளை அழிக்கிறார். [QE][QS]அவரது அரண்மனையில், ஜனங்கள் அவரது மகிமையைப் பாடுகிறார்கள். [QE][PBR]
10. [QS]வெள்ளப்பெருக்கின்போது கர்த்தர் அரசராயிருந்தார். [QE][QS2]என்றென்றும் கர்த்தரே அரசர். [QE]
11. [QS]கர்த்தர்தாமே அவரது ஜனங்களைப் பாதுகாப்பாராக. [QE][QS2]கர்த்தர் அவரது ஜனங்களை சமாதானத்தோடு வாழும்படி ஆசீர்வதிப்பாராக. [QE]