1. {தாவீதின் பாடல்} [PS] பூமியும் அதிலுள்ள எல்லாப் பொருள்களும் கர்த்தருடையவை. [QBR2] உலகமும் அதன் ஜனங்களும் அவருக்கே உரிமையாம். [QBR]
2. கர்த்தர் பூமியை தண்ணீரின் மேல் உண்டாக்கினார். [QBR2] ஆறுகளின் மீது அதை உண்டாக்கினார்.
3. கர்த்தருடைய மலைகளின் மேல் யார் ஏறக்கூடும்? [QBR2] கர்த்தருடைய பரிசுத்த ஆலயத்தில் யார் நிற்கக்கூடும்? [QBR2] யார் அங்கு வழிபட முடியும்? [QBR]
4. தீயவை செய்யாத ஜனங்களும், [QBR2] பரிசுத்த இருதயம் உடையோரும், [QBR] பொய்யை உண்மையெனக் கூறுவதற்கு என் பெயரைப் [*என் பெயர் எழுத்தின் பிரகாரமாக “என் ஆத்துமா” எனப் பொருள்படும்.] பயன்படுத்தாதோரும், பொய்யும், [QBR2] பொய்யான வாக்குறுதிகளும் அளிக்காதோரும், மட்டுமே அங்கு தொழுதுகொள்ள முடியும்.
5. நல்ல ஜனங்கள் கர்த்தரிடம் மற்ற ஜனங்களை ஆசீர்வதிக்கச் சொல்வார்கள். [QBR2] அந்த நல்ல ஜனங்கள் தங்கள் இரட்சகராகிய தேவனை நல்லக் காரியங்களைச் செய்யச் சொல்வார்கள். [QBR]
6. அந்த நல்லோர் தேவனைப் பின்பற்ற முயல்வார்கள். [QBR2] யாக்கோபின் தேவனிடம் உதவி வேண்டி அவர்கள் செல்வார்கள்.
7. வாசல்களே, உங்கள் தலைகளை உயர்த்துங்கள்! [QBR2] பழைமையான கதவுகளே! திறவுங்கள்! [QBR2] மகிமை வாய்ந்த அரசர் உள்ளே வருவார். [QBR]
8. யார் இந்த மகிமைமிக்க அரசர்? [QBR2] கர்த்தரே அந்த அரசர். அவரே வல்லமையுள்ள வீரர். [QBR2] கர்த்தரே அந்த அரசர். அவரே போரின் நாயகன்.
9. வாசல்களே, உங்கள் தலைகளை உயர்த்துங்கள்! [QBR2] பழைமையான கதவுகளே, திறவுங்கள்! [QBR2] மகிமை மிக்க அரசர் உள்ளே வருவார். [QBR]
10. யார் அந்த மகிமை மிக்க அரசர்? [QBR2] சர்வ வல்லமையுள்ள கர்த்தரே அந்த அரசர். [QBR2] அவரே மகிமை மிக்க அரசர். [PE]