1. {இசைத் தலைவனுக்கு தாவீது தந்த பாடல்} [PS] வானங்கள் தேவனுடைய மகிமையைக் கூறுகின்றன. [QBR2] தேவனுடைய கரங்கள் செய்த நல்ல செயல்களை ஆகாயங்கள் அறிவிக்கின்றன. [QBR]
2. ஒவ்வொரு புதுநாளும் அந்தக் கதையை மேலும் கூறும். [QBR2] ஒவ்வொரு இரவும் தேவனுடைய வல்லமையை மேலும் மேலும் உணர்த்தும். [QBR]
3. உண்மையில் பேச்சையோ, வார்த்தையையோ கேட்கமுடியாது. [QBR2] நாம் கேட்கவல்ல சத்தத்தை அவை எழுப்புவதில்லை. [QBR]
4. ஆனால் அவற்றின் “குரல்” உலகமெங்கும் செல்கிறது. [QBR2] அவற்றின் “வார்த்தைகள்” பூமியின் இறுதியை எட்டுகின்றன. ஆகாயம் சூரியனின் வீட்டைப் போன்றிருக்கும். [QBR]
5. படுக்கையறையிலிருந்து வெளிவரும் மகிழ்ச்சியான மணமகனைப்போல் சூரியன் வெளிப்படும். [QBR2] பந்தயத்திற்கு ஆசையாய் காத்திருக்கும் ஓட்ட வீரனைப் போல் சூரியன் வானத்தின் குறுக்கே தன் வழியில் செல்லும். [QBR]
6. ஆகாயத்தின் ஒருமுனையில் தொடங்கி அதன் மறுமுனை வரைக்கும் சூரியன் எங்கும் ஓடும். [QBR2] அதன் வெப்பத்திற்கு எதுவும் தப்ப இயலாது. கர்த்தருடைய போதனைகளும் அப்படிப்பட்டவையே.
7. கர்த்தருடைய போதனைகள் குறையற்றவை. [QBR2] அவை தேவனுடைய ஜனங்களுக்குப் பெலனைக் (ஆற்றலை) கொடுக்கும். [QBR] கர்த்தருடைய உடன்படிக்கை நம்பத்தக்கது. [QBR2] அறிவற்றோர் ஞானமடைவதற்கு அது உதவும். [QBR]
8. கர்த்தருடைய சட்டங்கள் நியாயமானவை. [QBR2] அவை ஜனங்களை சந்தோஷப்படுத்தும். [QBR] கர்த்தருடைய கட்டளைகள் நல்லவை. [QBR2] வாழத்தக்க வழியை அவை ஜனங்களுக்குக் காட்டும்.
9. கர்த்தரைத் தொழுதுகொள்வது எப்போதும் வெளிச்சமாய் பிரகாசிக்கிற ஒளி போன்றது. [QBR2] கர்த்தருடைய நியாயத்தீர்ப்புகள் நல்லவை, செம்மையானவை. அவை முற்றிலும் சரியானவை. [QBR]
10. கர்த்தருடைய போதனைகள் சுத்தமான பொன்னைக்காட்டிலும் பெருமதிப்புடையவை. [QBR2] தேனடையிலிருந்து வரும் உயர்ந்த தேனைக் காட்டிலும் அவை இனிமையானவை. [QBR]
11. கர்த்தருடைய போதனைகள் அவர் வேலையாளை எச்சரிக்கின்றன. [QBR2] அவருக்குக் கீழ்ப்படிவதால் நல்லவை நிகழும்.
12. கர்த்தாவே, ஒருவனும் தன் எல்லா பிழைகளையும் காணமுடியாது. [QBR2] எனவே மறைவான பாவங்கள் நான் செய்யாதிருக்க உதவும். [QBR]
13. கர்த்தாவே, நான் செய்ய விரும்பும் பாவங்களிலிருந்து என்னை விலக்கும். [QBR2] அப்பாவங்கள் என்னை ஆள அனுமதியாதிரும். [QBR] நீர் உதவினால் [QBR2] நான் பாவங்களிலிருந்து விலகி தூயவனாய் இருக்க முடியும். [QBR]
14. என் வார்த்தைகளும் எண்ணங்களும் உமக்கு ஏற்றதாய் இருக்கட்டும். [QBR2] கர்த்தாவே, நீர் என் பாறை. நீரே என்னை விடுவிப்பவர். [PE]