1. கர்த்தர் நல்லவர், எனவே அவரைத் துதியுங்கள். [QBR2] எங்கள் தேவனுக்கு துதிகளைப் பாடுங்கள். [QBR2] அவரைத் துதிப்பது நல்லதும் களிப்புமானது. [QBR]
2. கர்த்தர் எருசலேமைக் கட்டினார். [QBR2] சிறைப் பிடித்துச் செல்லப்பட்ட இஸ்ரவேலரை தேவன் மீண்டும் அழைத்து வந்தார். [QBR]
3. தேவன் அவர்களின் உடைந்த இருதயங்களைக் குணமாக்கி, [QBR2] அவர்கள் காயங்களைக் கட்டுகிறார். [QBR]
4. தேவன் நட்சத்திரங்களின் எண்ணிக்கையை அறிகிறார். [QBR2] ஒவ்வொன்றின் பெயரையும் தெரிந்திருக்கிறார். [QBR]
5. நம் ஆண்டவர் மிகவும் மேன்மையானவர். [QBR2] அவர் மிகவும் வல்லமையுள்ளவர். [QBR2] அவர் அறிகிற காரியங்களுக்கு எல்லையில்லை. [QBR]
6. கர்த்தர் எளியோரைத் தாங்கி உதவுகிறார். [QBR2] ஆனால் அவர் தீயோரை அவமானப்படுத்துகிறார். [QBR]
7. கர்த்தருக்கு நன்றி சொல்லுங்கள். [QBR2] கின்னரங்களால் நமது தேவனைத் துதியுங்கள். [QBR]
8. தேவன் வானத்தை மேகங்களால் நிரப்புகிறார். [QBR2] தேவன் பூமிக்காக மழையைப் பெய்யப்பண்ணுகிறார். [QBR2] தேவன் மலைகளின் மேல் புல் வளரும்படி செய்கிறார். [QBR]
9. தேவன் மிருகங்களுக்கு உணவளிக்கிறார். [QBR2] தேவன் பறவைக் குஞ்சுகளுக்கு உணவூட்டுகிறார். [QBR]
10. போர்க் குதிரைகளும் [QBR2] வல்லமையுள்ள வீரர்களும் அவரை மகிழ்ச்சிப்படுத்தமாட்டார்கள். [QBR]
11. கர்த்தரைத் தொழுதுகொள்கிற ஜனங்கள் அவரை மகிழ்ச்சியாக்குகிறார்கள். [QBR2] அவரது உண்மை அன்பை நம்புகிற ஜனங்களைக் கண்டு அவர் சந்தோஷமடைகிறார். [QBR]
12. எருசலேமே, கர்த்தரைத் துதி! [QBR2] சீயோனே, உன் தேவனைத் துதி! [QBR]
13. எருசலேமே, தேவன் உன் கதவுகளை உறுதி யாக்குகிறார். [QBR2] தேவன் உன் நகரத்தின் ஜனங்களை ஆசீர்வதிக்கிறார். [QBR]
14. உன் நாட்டிற்கு தேவன் சமாதானத்தைக் கொண்டுவந்தார். [QBR2] எனவே பகைவர்கள் போரில் உன் நாட்டுத் தானியத்தைக் கவர்ந்து செல்லவில்லை. [QBR2] உனக்கு உணவிற்குத் தேவையான தானியம் மிகுதியாக இருக்கிறது. [QBR]
15. பூமிக்கு தேவன் கட்டளையிடுகிறார். [QBR2] அது உடனே கீழ்ப்படிகிறது. [QBR]
16. நிலம் கம்பளியைப்போன்று வெண்மையாகும்வரை தேவன் பனியை விழப்பண்ணுகிறார். [QBR2] உறைந்த பனி காற்றினூடே தூசியைப்போல வீசும்படி தேவன் செய்கிறார். [QBR]
17. தேவன் வானத்திலிருந்து கற்களைப்போல கல்மழையை பெய்யப் பண்ணுகிறார். [QBR2] அவர் அனுப்பும் குளிரைத் தாங்கிக்கொள்ள ஒருவனாலும் ஆகாது. [QBR]
18. அப்போது, தேவன் மற்றொரு கட்டளையைத் தருகிறார், உடனே வெப்பமான காற்று மீண்டும் வீசுகிறது. [QBR2] பனி உருகுகிறது, தண்ணீர் பாய்ந்தோடத் தொடங்குகிறது.
19. தேவன் யாக்கோபிற்குத் தமது கட்டளைகளைக் கொடுத்தார். [QBR2] தேவன் இஸ்ரவேலுக்கு அவரது சட்டங்களைக் கொடுத்தார். [QBR]
20. தேவன் வேறெந்த தேசத்திற்கும் இதைச் செய்யவில்லை. [QBR2] தேவன் வேறெந்த ஜனங்களுக்கும் தனது சட்டங்களைப் போதிக்கவில்லை. கர்த்தரைத் துதியுங்கள்! [PE]