1. {இராகத் தலைவனுக்கு தாவீது அளித்த துதிப் பாடல்களுள் ஒன்று} [PS] கர்த்தாவே, நீர் என்னை சோதித்தீர். [QBR2] என்னைப் பற்றிய எல்லாவற்றையும் நீர் அறிகிறீர். [QBR]
2. நான் உட்காரும்பொழுதும் எழும்பொழுதும் நீர் அறிகிறீர். [QBR2] வெகுதூரத்திலிருந்தே எனது எண்ணங்களை நீர் அறிகிறீர். [QBR]
3. கர்த்தாவே, நான் போகுமிடத்தையும் நான் படுக்கும் இடத்தையும் நீர் அறிகிறீர். [QBR2] நான் செய்யும் ஒவ்வொன்றையும் நீர் அறிகிறீர். [QBR]
4. கர்த்தாவே, நான் சொல்ல விரும்பும் வார்த்தைகள் [QBR2] என் வாயிலிருந்து வெளிவரும் முன்பே நீர் அறிகிறீர். [QBR]
5. கர்த்தாவே, என்னைச் சுற்றிலும், எனக்கு முன் புறமும் பின்புறமும் நீர் இருக்கிறீர். [QBR2] நீர் உமது கைகளை என் மீது மென்மையாக வைக்கிறீர். [QBR]
6. நீர் அறிகின்றவற்றைக் கண்டு நான் ஆச்சரியப்படுகிறேன். [QBR2] நான் புரிந்துக்கொள்வதற்கு மிகவும் அதிகமானதாக அது உள்ளது. [QBR]
7. நான் போகுமிடமெல்லாம் உமது ஆவி உள்ளது. [QBR2] கர்த்தாவே, நான் உம்மிடமிருந்து தப்பிச் செல்ல முடியாது. [QBR]
8. கர்த்தாவே, நான் பரலோகத்திற்கு ஏறிச் சென்றாலும் நீர் அங்கு இருக்கிறீர். [QBR2] மரணத்தின் இடத்திற்கு நான் கீழிறங்கிச் சென்றாலும் நீர் அங்கும் இருக்கிறீர். [QBR]
9. கர்த்தாவே, சூரியன் உதிக்கும் கிழக்கிற்கு நான் சென்றாலும் நீர் அங்கே இருக்கிறீர். [QBR2] நான் மேற்கே கடலுக்குச் சென்றாலும் நீர் அங்கேயும் இருக்கிறீர். [QBR]
10. அங்கும் உமது வலது கை என்னைத் தாங்கும், [QBR2] என் கைகளைப் பிடித்து நீர் வழிநடத்துகிறீர்.
11. கர்த்தாவே, நான் உம்மிடமிருந்து ஒளிந்துக்கொள்ள முயன்றாலும், [QBR2] பகல் இரவாக மாறிப்போயிற்று. [QBR2] “இருள் கண்டிப்பாக என்னை மறைத்துக்கொள்ளும்” என்பேன். [QBR]
12. ஆனால் கர்த்தாவே, [QBR2] இருளும் கூட உமக்கு இருளாக இருப்பதில்லை. [QBR2] இரவும் பகலைப்போல உமக்கு வெளிச்சமாயிருக்கும். [QBR]
13. கர்த்தாவே, நீரே என் முழு சரீரத்தையும் உண்டாக்கினீர். [QBR2] என் தாயின் கருவில் நான் இருக்கும்போதே நீர் என்னைப் பற்றிய எல்லாவற்றையும் அறிந்திருக்கிறீர். [QBR]
14. கர்த்தாவே, நான் உம்மைத் துதிக்கிறேன்! [QBR2] நீர் என்னை வியக்கத்தக்க, அற்புதமான வகையில் உண்டாக்கியிருக்கிறீர். [QBR2] நீர் செய்தவை அற்புதமானவை என்பதை நான் நன்கு அறிவேன்!
15. நீர் என்னைப்பற்றிய எல்லாவற்றையும் அறிகிறீர். [QBR2] என் தாயின் கருவில் மறைந்திருந்து என் சரீரம் உருவெடுக்கும்போது என் எலும்புகள் வளர்வதை நீர் கவனித்திருக்கிறீர். [QBR]
16. என் சரீரத்தின் அங்கங்கள் வளர்வதை நீர் கவனித்தீர். [QBR2] உமது புத்தகத்தில் நீர் அவைகள் எல்லாவற்றையும் பட்டியல் இட்டீர். [QBR2] நீர் என்னை ஒவ்வொரு நாளும் கவனித்தீர். அவற்றில் ஒன்றும் காணாமற்போகவில்லை. [QBR]
17. உமது எண்ணங்கள் எனக்கு [QBR2] முக்கியமானவை தேவனே, [QBR2] உமக்கு மிகுதியாகத் தெரியும். [QBR]
18. நான் அவற்றை எண்ண ஆரம்பித்தால் அவை மணலைக்காட்டிலும் அதிகமாயிருக்கும். [QBR2] நான் விழிக்கும்போது இன்னும் உம்மோடுகூட இருக்கிறேன்.
19. தேவனே, கெட்ட ஜனங்களைக் கொல்லும். [QBR2] அக்கொலைக்காரரை என்னிடமிருந்து அகற்றிவிடும். [QBR]
20. அத்தீயோர் உம்மைக் குறித்துத் தீயவற்றைக் கூறுகிறார்கள். [QBR2] அவர்கள் உம் நாமத்தை குறித்துத் தீயவற்றைக் கூறுகிறார்கள். [QBR]
21. கர்த்தாவே, உம்மை வெறுப்போரை நான் வெறுக்கிறேன். [QBR2] உமக்கெதிராகத் திரும்புவோரை நான் வெறுக்கிறேன். [QBR]
22. அவர்களை முற்றிலும் நான் வெறுக்கிறேன். [QBR2] உம்மைப் பகைப்பவர்கள் எனக்கும் பகைவர்களே. [QBR]
23. கர்த்தாவே, என்னைப் பார்த்து என் இருதயத்தை அறிந்துகொள்ளும். [QBR2] என்னைச் சோதித்து என் நினைவுகளை அறிந்துகொள்ளும். [QBR]
24. என்னிடம் கொடிய எண்ணங்கள் உள்ளனவா எனப்பாரும். [QBR2] நித்தியத்திற்குரிய பாதையில் என்னை வழிநடத்தும். [PE]