1. {ஆலயத்திற்குப் போகும்போது பாடும் சங்கீதம்} [PS] கர்த்தாவே, தாவீது துன்புற்ற வகையை நினைத்துப்பாரும். [QBR]
2. தாவீது கர்த்தருக்கு ஒரு வாக்குறுதி அளித்தான். [QBR2] யாக்கோபின் வல்லமையுள்ள தேவனுக்கு தாவீது ஒரு விசேஷ வாக்குறுதி அளித்தான். [QBR]
3. தாவீது, “நான் என் வீட்டிற்குள் போகமாட்டேன், [QBR2] நான் என் படுக்கையில் படுக்கமாட்டேன், [QBR]
4. நான் தூங்கமாட்டேன், [QBR2] என் கண்கள் ஓய்வெடுக்க விடமாட்டேன், [QBR]
5. கர்த்தருக்கு ஒரு வீட்டை நான் கண்டுபிடிக்கும் மட்டும், [QBR2] யாக்கோபின் வல்லமையுள்ள தேவனுக்குரிய வீட்டை நான் காணும்மட்டும், இக்காரியங்களில் ஒன்றையும் நான் செய்யமாட்டேன்!” என்றான்.
6. எப்பிராத்தாவில் நாங்கள் இதைப்பற்றிக் கேள்விப்பட்டோம். [QBR2] கீரியாத் யாரீமில் உடன்படிக்கைப் பெட்டியை நாங்கள் கண்டோம். [QBR]
7. நாம் பரிசுத்தக் கூடாரத்திற்குச் செல்வோம். [QBR2] தேவன் பாதங்களை ஓய்வாக வைக்கும் பாதப்படியில் நாம் தொழுதுகொள்வோம். [QBR]
8. கர்த்தாவே நீர் ஓய்வுக்கொள்ளும் இடத்திலிருந்து எழும்பும். [QBR2] கர்த்தாவே, உமது வல்லமையுள்ள பெட்டியோடு எழும்பும். [QBR]
9. கர்த்தாவே, உமது ஆசாரியர்கள் நன்மையை அணிந்திருக்கிறார்கள். [QBR2] உம்மைப் பின்பற்றுவோர் மிகவும் மகிழ்ச்சியாயிருக்கிறார்கள். [QBR]
10. உமது பணியாளகிய தாவீதின் நன்மைக்காக, [QBR2] நீர் தேர்ந்தெடுத்த அரசனைத் தள்ளிவிடாதேயும். [QBR]
11. கர்த்தர் தாவீதுக்கு ஒரு வாக்குறுதியை அருளினார். [QBR2] தாவீதிடம் நேர்மையோடிருப்பதாகக் கர்த்தர் வாக்களித்தார். தாவீதின் குடும்பத்திலிருந்து அரசர்கள் வருவார்கள் என்று கர்த்தர் வாக்குறுதி அளித்தார். [QBR]
12. கர்த்தர், “தாவீதே, உனது பிள்ளைகள் என் உடன்படிக்கைக்கும் நான் கற்பிக்கும் சட்டங்களுக்கும் கீழ்ப்படிந்தால், [QBR2] உன் குடும்பத்தில் யாரேனும் ஒருவர் என்றென்றும் அரசராக இருப்பார்கள்” என்றார்.
13. அவரது ஆலயத்திற்குரிய இடமாக விரும்பி கர்த்தர் சீயோனைத் தேர்ந்தெடுத்தார். [QBR2] அந்த இடத்தையே தம்முடைய ஆலயத்திற்காக விரும்பினார். [QBR]
14. கர்த்தர், “என்றென்றைக்கும் எப்போதும் இதுவே என் இடமாக இருக்கும். [QBR2] நான் இருக்கப்போகும் இடமாக இதனைத் தேர்ந்தெடுக்கிறேன். [QBR]
15. நான் இந்நகரை மிகுதியான உணவினால் நிரப்பி ஆசீர்வதிப்பேன். [QBR2] ஏழைகளுக்கும் உண்ணும் உணவு மிகுதியாகக் கிடைக்கும். [QBR]
16. மீட்பினால் ஆசாரியர்களை நான் உடுத்துவிப்பேன். [QBR2] என்னைப் பின்பற்றுவோர் இங்கு மிகுந்த மகிழ்ச்சியடைவார்கள். [QBR]
17. இங்கு நான் தாவீதைப் பலப்படுத்துவேன். [QBR2] நான் தேர்ந்தெடுத்த அரசனுக்கு ஒரு விளக்கை அளிப்பேன். [QBR]
18. தாவீதின் பகைவர்களை வெட்கத்தால் மூடுவேன். [QBR2] ஆனால் நான் தாவீதின் அரசைப் பெருகும்படி செய்வேன்” என்றார். [PE]