1. கர்த்தரே தேவன் என்பதால் அவரை மகிமைப்படுத்துங்கள். [QBR2] அவரது உண்மை அன்பு என்றென்றைக்கும் தொடரும்! [QBR]
2. இஸ்ரவேலே, இதைக்கூறு, [QBR2] “அவரது உண்மை அன்பு என்றென்றும் தொடரும்!” [QBR]
3. ஆசாரியர்களே, இதைக் கூறுங்கள்: [QBR2] “அவரது உண்மை அன்பு என்றென்றும் தொடரும்!” [QBR]
4. கர்த்தரைத் தொழுதுகொள்கிற ஜனங்களே, இதைக் கூறுங்கள்: [QBR2] “அவரது உண்மை அன்பு என்றென்றும் தொடரும்!”
5. நான் தொல்லையில் உழன்றேன். [QBR] எனவே உதவிக்காகக் கர்த்தரைக் கூப்பிட்டேன். [QBR2] கர்த்தர் எனக்குப் பதிலளித்து என்னை விடுவித்தார். [QBR]
6. கர்த்தர் என்னோடிருப்பதால் நான் பயப்படமாட்டேன். [QBR2] என்னைத் துன்புறுத்த ஜனங்கள் எதையும் செய்யமுடியாது. [QBR]
7. கர்த்தர் எனக்கு உதவி செய்கிறவர். [QBR2] என் பகைவர்கள் தோல்வியுறுவதை நான் காண்பேன். [QBR]
8. ஜனங்களை நம்புவதைக் காட்டிலும் [QBR2] கர்த்தரை நம்புவது நல்லது. [QBR]
9. உங்கள் தலைவர்களை நம்புவதைக் காட்டிலும் [QBR2] கர்த்தரை நம்புவது நல்லது.
10. பல பகைவர்கள் என்னைச் சூழ்ந்திருக்கிறார்கள், [QBR2] ஆனால் கர்த்தருடைய வல்லமையால் நான் அவர்களைத் தோற்கடிப்பேன். [QBR]
11. பகைவர்கள் பலர் என்னை மீண்டும் மீண்டும் சூழ்ந்துகொண்டார்கள். [QBR2] கர்த்தருடைய வல்லமையால் நான் அவர்களைத் தோற்கடித்தேன். [QBR]
12. தேனீக்களின் கூட்டத்தைப்போல பகைவர்கள் என்னைச் சூழ்ந்துகொண்டார்கள். [QBR2] ஆனால் வேகமாக எரியும் பதரைப்போல் அவர்கள் சீக்கிரமாக அழிந்துபோனார்கள். [QBR2] கர்த்தருடைய வல்லமையால் நான் அவர்களைத் தோற்கடித்தேன். [QBR]
13. என் பகைவர்கள் என்னைத் தாக்கி அழிக்க முயன்றனர். [QBR2] ஆனால் கர்த்தர் எனக்கு உதவினார். [QBR]
14. கர்த்தர் எனக்குப் பெலனும் வெற்றியின் பாடலுமாயிருக்கிறார். [QBR2] கர்த்தர் என்னைக் காப்பாற்றுகிறார்! [QBR]
15. நல்லோரின் வீடுகளில் வெற்றியின் கொண்டாட்டத்தை நீங்கள் கேட்கமுடியும். [QBR2] கர்த்தர் தமது மிகுந்த வல்லமையை மீண்டும் காட்டினார். [QBR]
16. கர்த்தருடைய கரங்கள் வெற்றியால் உயர்த்தப்பட்டன. [QBR2] கர்த்தர் தமது மிகுந்த வல்லமையை மீண்டும் காட்டினார்.
17. நான் வாழ்வேன், மரிக்கமாட்டேன். [QBR2] கர்த்தர் செய்தவற்றை நான் கூறுவேன். [QBR]
18. கர்த்தர் என்னைத் தண்டித்தார், [QBR2] ஆனால் அவர் என்னை மரிக்கவிடமாட்டார். [QBR]
19. நல்ல வாயிற்கதவுகளே, எனக்காகத் திறவுங்கள், [QBR2] நான் உள்ளே வந்து கர்த்தரைத் தொழுதுகொள்வேன். [QBR]
20. அவை கர்த்தருடைய கதவுகள், [QBR2] நல்லோர் மட்டுமே அவற்றின் வழியாகச் செல்ல முடியும். [QBR]
21. கர்த்தாவே, என் ஜெபத்திற்குப் பதிலளித்ததற்காக நான் உமக்கு நன்றிக் கூறுவேன். [QBR2] நீர் என்னைக் காப்பாற்றியதற்காக நான் உமக்கு நன்றிக் கூறுவேன்.
22. கட்டிடம் கட்டுவோர் வேண்டாமெனத் தள்ளிய [QBR2] கல்லே மூலைக்கு தலைக்கல்லாயிற்று. [QBR]
23. கர்த்தரே இதைச் செய்தார், [QBR2] அது அற்புதமானதென நாங்கள் நினைக்கிறோம். [QBR]
24. இந்நாள் கர்த்தர் செய்த நாள். [QBR2] இன்று நாம் களிப்போடு மகிழ்ச்சியாயிருப்போம்!
25. ஜனங்கள், “கர்த்தரைத் துதிப்போம்! [QBR2] கர்த்தர் நம்மைக் காப்பாற்றினார்! [QBR]
26. கர்த்தருடைய நாமத்தால் வருகிற மனிதனை வரவேற்றுக்கொள்ளுங்கள்” என்றார்கள். [QBR2] ஆசாரியர்கள், “நாங்கள் உங்களைக் [QBR2] கர்த்தருடைய வீட்டிற்கு வரவேற்கிறோம்! [QBR]
27. கர்த்தரே தேவன், அவர் எங்களை ஏற்றுக்கொள்கிறார். [QBR2] பலிக்காக ஆட்டுக்குட்டியைக் கட்டி, பலிபீடத்தின் கொம்புகளுக்கு சுமந்து செல்லுங்கள்” என்றார்கள்.
28. கர்த்தாவே, நீரே என் தேவன், நான் உமக்கு நன்றிக் கூறுகிறேன். [QBR2] நான் உம்மைத் துதிக்கிறேன். [QBR]
29. கர்த்தர் நல்லவர், எனவே அவரைத் துதியுங்கள். [QBR2] அவரது உண்மை அன்பு என்றென்றைக்கும் நிலைக்கும். [PE]