1. கர்த்தர் எனது ஜெபங்களைக் கேட்பதை [QBR2] நான் நேசிக்கிறேன். [QBR]
2. நான் உதவிக்காகக் கூப்பிடும்போது அவர் எனக்குச் செவிகொடுப்பதை [QBR2] நான் நேசிக்கிறேன். [QBR]
3. நான் மரித்தவன் போலானேன்! [QBR2] மரணக் கயிறுகள் என்னைச் சூழ்ந்துக்கொண்டன, கல்லறை என்னை மூடிற்று. [QBR2] நான் அஞ்சிக் கலங்கினேன். [QBR]
4. அப்போது நான் கர்த்தருடைய நாமத்தைக் கூப்பிட்டேன். [QBR2] நான்: “கர்த்தாவே, என்னைக் காப்பாற்றும்!” என்று கூறினேன். [QBR]
5. கர்த்தர் நல்லவரும், இரக்கம் நிறைந்தவருமாவார். [QBR2] தேவன் தயவுள்ளவர். [QBR]
6. கர்த்தர் திக்கற்ற ஜனங்களைக் கவனித்துக்கொள்கிறார். [QBR2] நான் உதவியற்றவனானேன், கர்த்தர் என்னைக் காப்பாற்றினார். [QBR]
7. என் ஆத்துமாவே, நீ இளைப்பாறு! [QBR2] கர்த்தர் உன்னைக் கவனித்துக்கொள்கிறார். [QBR]
8. தேவனே, நீர் என் ஆத்துமாவை மரணத்திலிருந்து காப்பாற்றினீர். [QBR2] நீர் என் கண்ணீரை நிறுத்தினீர். [QBR2] நான் விழாதபடி பார்த்துக்கொண்டீர். [QBR]
9. நான் உயிருள்ளோரின் தேசத்தில் [QBR2] தொடர்ந்து கர்த்தருக்குச் சேவைசெய்வேன். [QBR]
10. “நான் அழிந்துபோனேன்!” [QBR2] என்று கூறியபோதும் நான் தொடர்ந்து நம்பிக்கை வைத்தேன். [QBR]
11. நான் பயப்பட்டபோதும் [QBR2] “மனிதர்கள் எல்லோரும் பொய்யர்களே!” என்றேன். [QBR]
12. நான் கர்த்தருக்கு எதைக் கொடுக்க முடியும்? [QBR2] என்னிடம் இருக்கும் எல்லாவற்றையும் கர்த்தரே கொடுத்தார். [QBR]
13. அவர் என்னைக் காப்பாற்றினார். [QBR2] எனவே நான் அவருக்கு ஒரு பானங்களின் காணிக்கையை அளிப்பேன். [QBR2] நான் கர்த்தருடைய நாமத்தைக் கூப்பிடுவேன். [QBR]
14. நான் வாக்குறுதி அளித்தவற்றைக் கர்த்தருக்குக் கொடுப்பேன். [QBR2] இப்போது அவரது ஜனங்கள் எல்லோருக்கும் முன்பாக நான் போவேன். [QBR]
15. கர்த்தரைப் பின்பற்றுபவர்களில் ஒருவனின் மரணம் கர்த்தருக்கு மிக முக்கியமானது! [QBR2] கர்த்தாவே, நான் உமது ஊழியர்களில் ஒருவன்! [QBR]
16. நான் உமது பணியாள். [QBR2] உமது பணிப் பெண் ஒருத்தியின் பிள்ளைகளுள் ஒருவன் நான். [QBR2] கர்த்தாவே, நீரே என்னுடைய முதல் போதகர். [QBR]
17. நான் உமக்கு ஒரு நன்றியறிதலின் காணிக்கையைக் கொடுப்பேன். [QBR2] நான் கர்த்தருடைய நாமத்தைக் கூப்பிடுவேன். [QBR]
18. நான் வாக்குறுதி அளித்தவற்றைக் கர்த்தருக்குக் கொடுப்பேன். [QBR2] நான் இப்போது அவரது எல்லா ஜனங்களுக்கும் முன்பாகப் போவேன். [QBR]
19. நான் எருசலேமின் ஆலயத்திற்குப் போவேன். கர்த்தரைத் துதிப்போம்! [PE]