1. கர்த்தர் நல்லவர், எனவே அவருக்கு நன்றி கூறுங்கள்! [QBR2] அவரது அன்பு என்றென்றைக்கும் உள்ளது! [QBR]
2. கர்த்தரால் மீட்கப்பட்ட ஒவ்வொரு மனிதனும் இதைத்தான் சொல்லவேண்டும். [QBR2] கர்த்தர் பகைவரிமிருந்து அவர்களைக் காப்பாற்றினார். [QBR]
3. கர்த்தர் அவரது ஜனங்களைப் பல்வேறு வித்தியாசமான நாடுகளிலுமிருந்து ஒருமித்துக் கூடும்படிச் செய்தார். [QBR] அவர்களைக் கிழக்கிலும் மேற்கிலுமிருந்தும் வடக்கிலும் தெற்கிலுமிருந்தும் வரச்செய்தார். [QBR]
4. அவர்களுள் சிலர் பாலைவனத்தில் அலைந்து திரிந்தார்கள். [QBR2] அவர்கள் வாழ ஒரு இடம் தேடினார்கள். [QBR2] ஆனால் அவர்களால் ஒரு நகரத்தைக் கண்டுபிடிக்க முடியவில்லை. [QBR]
5. அவர்கள் பசியாலும் தாகத்தாலும் வருந்தி, [QBR2] சோர்வடைந்து போனார்கள். [QBR]
6. எனவே அவர்கள் உதவிக்காகக் கர்த்தரைக் கூப்பிட்டார்கள். [QBR2] அவர் அவர்களின் தொல்லைகளிலிருந்து அவர்களை மீட்டார். [QBR]
7. தேவன் அந்த ஜனங்களை அவர்கள் வாழவிருக்கும் நகரத்திற்கு நேராக நடத்தினார். [QBR]
8. அவர் ஜனங்களுக்காகச் செய்த வியக்கத்தகு காரியங்களுக்காகவும் [QBR2] அவரது அன்பிற்காகவும் கர்த்தருக்கு நன்றி கூறுங்கள். [QBR]
9. தேவன் தாகமடைந்த ஆத்துமாவைத் திருப்திப்படுத்துகிறார். [QBR2] பசியுள்ள ஆத்துமாவை நன்மைகளால் தேவன் நிரப்புகிறார்.
10. தேவனுடைய ஜனங்களில் சிலர் சிறை வாசிகளாக இருந்தார்கள். [QBR2] அவர்கள் இருண்ட சிறைகளுக்குள் கம்பிகளுக்குப்பின்னே அடைக்கப்பட்டார்கள். [QBR]
11. ஏனெனில் அவர்கள் தேவன் சொன்னவற்றிற்கு எதிராகப் போராடினார்கள். [QBR2] மிக உன்னதமான தேவனுடைய அறிவுரைக்குச் செவிசாய்க்க மறுத்தார்கள். [QBR]
12. அவர்கள் செய்த காரியங்களால் [QBR2] தேவன் அந்த ஜனங்களின் வாழ்க்கையைக் கடினமாக்கினார். [QBR] அவர்கள் இடறி வீழ்ந்தார்கள். [QBR2] அவர்களுக்கு உதவ ஒருவனும் இருக்கவில்லை. [QBR]
13. அந்த ஜனங்கள் துன்பத்தில் சிக்குண்டிருந்தார்கள். அவர்கள் கர்த்தரிடம் உதவி வேண்டினார்கள். [QBR2] தேவன் அவர்கள் துன்பங்களிலிருந்து அவர்களைக் காப்பாற்றினார். [QBR]
14. அவர்களை இருண்ட சிறைகளிலிருந்து தேவன் வெளியேற்றினார். [QBR2] அவர்களைக் கட்டியிருந்த கயிறுகளை தேவன் அறுத்தெறிந்தார். [QBR]
15. அவரது அன்பிற்காகவும் அவர் ஜனங்களுக்காகச் செய்கிற வியக்கத்தக்க காரியங்களுக்காகவும் [QBR2] கர்த்தருக்கு நன்றி கூறுங்கள். [QBR]
16. நாம் நமது பகைவரை முறியடிப்பதற்கு தேவன் உதவுகிறார். [QBR2] அவர்களின் வெண்கலக் கதவுகளை தேவனால் உடைக்க முடியும். [QBR2] அவர்களின் வாயிற் கதவுகளின் இரும்புக் கம்பிகளை தேவனால் சிதறடிக்க முடியும்
17. சிலர் தங்கள் பாவங்களின் காரணமாக அறிவற்றவர்களாக மாறினார்கள். [QBR2] தங்களுடைய குற்றங்களுக்காக அவர்கள் மிகவும் துன்பப்பட்டார்கள். [QBR]
18. அந்த ஜனங்கள் உண்ண மறுத்தார்கள். [QBR2] அவர்கள் மரிக்கும் நிலையை அடைந்தார்கள். [QBR]
19. அவர்கள் துன்பத்தில் சிக்குண்டிருந்தார்கள். [QBR2] கர்த்தரை நோக்கி உதவிக்கென வேண்டினார்கள். [QBR2] அவர் அவர்களைத் துன்பங்களினின்று விடுவித்தார். [QBR]
20. தேவன் தமது வார்த்தையினால் கட்டளையிட்டு, அவர்களைக் குணமாக்கினார். [QBR2] எனவே அந்த ஜனங்கள் கல்லறையிலிருந்து காப்பாற்றப்பட்டார்கள். [QBR]
21. அவரது அன்பிற்காகவும், [QBR2] அவர் ஜனங்களுக்காகச் செய்கிற வியக்கத்தக்க காரியங்களுக்காகவும் கர்த்தருக்கு நன்றி கூறுங்கள். [QBR]
22. அவர் செய்த எல்லாவற்றிற்காகவும் பலிகளைச் செலுத்தி கர்த்தருக்கு நன்றி கூறுங்கள். [QBR2] கர்த்தர் செய்தவற்றை மகிழ்ச்சியோடு கூறுங்கள்.
23. சில ஜனங்கள் கடலைக் கடந்து படகுகளில் சென்றார்கள். [QBR2] பெருங்கடலின் குறுக்கே வேலைகளின் பொருட்டு அவர்கள் சென்றார்கள். [QBR]
24. கர்த்தர் செய்யக்கூடியதை அந்த ஜனங்கள் கண்டார்கள். [QBR2] கடலில் அவர் செய்த வியக்கத்தக்க காரியங்களை அவர்கள் கண்டார்கள். [QBR]
25. தேவன் கட்டளையிட்டார், ஒரு பெருங்காற்று வீச ஆரம்பித்தது. [QBR2] அலைகள் உயரமாக, மேலும் உயரமாக எழும்பின. [QBR]
26. அலைகள் அவர்களை வானத்திற்கு நேராகத் தூக்கி, மீண்டும் கீழே விழச் செய்தது. [QBR2] மனிதர்கள் தங்கள் தைரியத்தை இழக்கும்படி ஆபத்தாக புயல் வீசிற்று. [QBR]
27. அவர்கள் நிலைதளர்ந்து குடிவெறியர்களைப் போல வீழ்ந்தார்கள். [QBR2] மாலுமிகளாகிய இவர்களுடைய திறமை வீணாய்போயிற்று. [QBR]
28. அவர்கள் துன்பத்தில் இருந்தார்கள். [QBR2] எனவே உதவிக்காகக் கர்த்தரைக் கூப்பிட்டார்கள். [QBR2] அவர்கள் துன்பங்களிலிருந்து அவர் அவர்களைக் காப்பாற்றினார். [QBR]
29. தேவன் புயலை நிறுத்தினார். [QBR2] அவர் அலைகளை அமைதிப்படுத்தினார். [QBR]
30. கடல் அமைதியுற்றதைக் கண்டு மாலுமிகள் மகிழ்ந்தார்கள். [QBR2] அவர்கள் போக வேண்டிய இடத்திற்கு தேவன் அவர்களைப் பாதுகாப்பாகக் கொண்டு சேர்த்தார். [QBR]
31. அவரது அன்பிற்காகவும், [QBR2] அவரது ஜனங்களுக்காகச் செய்கிற வியக்கத்தக்க காரியங்ளுக்காகவும் கர்த்தருக்கு நன்றிகூறுங்கள். [QBR]
32. பெரிய கூட்டத்தில் தேவனை வாழ்த்துங்கள். [QBR2] முதிய தலைவர்கள் ஒன்றுகூடும்பேது அவரை வாழ்த்துங்கள்.
33. தேவன் நதிகளைப் பாலைவனமாக்கினார். [QBR2] நீரூற்றுக்கள் பெருக்கெடுப்பதை தேவன் நிறுத்தினார். [QBR]
34. தேவன் வளமிக்க தேசத்தை மாற்றினார். [QBR2] அது பயனற்ற உப்பு நிலமாக மாறிற்று. ஏனெனில் அங்குத் தீயோர் வாழ்ந்தனர். [QBR]
35. தேவன் பாலைவனத்தை மாற்றினார். [QBR2] அது குளங்களுள்ள நிலம் ஆயிற்று. [QBR2] தேவன் உலர்ந்த நிலத்திலிருந்து நீரூற்றுக்களில் தண்ணீர் புறப்படச் செய்தார். [QBR]
36. தேவன் பசியுள்ள ஜனங்களை அந்த நல்ல தேசத்திற்கு வழிநடத்தினார். [QBR2] அவர்கள் அங்கு வாழ ஒரு நகரத்தை அமைத்தார்கள். [QBR]
37. அவர்கள் வயல்களில் விதைகளை நட்டார்கள். [QBR2] அவர்கள் வயல்களில் திராட்சைகளை நட்டார்கள். [QBR2] அவர்கள் நல்ல அறுவடை செய்தார்கள். [QBR]
38. தேவன் அந்த ஜனங்களை ஆசீர்வதித்தார். [QBR2] அவர்கள் குடும்பங்கள் பெருகின. அவர்களுக்குப் பற்பல மிருகங்கள் இருந்தன. [QBR]
39. திடீரென ஏற்பட்ட பேரிழப்பினாலும், துன்பங்களினாலும், [QBR2] அவர்கள் குடும்பங்கள் குறுகி பெலவீனமாயின. [QBR]
40. தேவன் அவர்கள் தலைவர்களை அவமானப்படுத்தி, வெட்கப்படச் செய்தார். [QBR2] பாதைகளற்ற பாலைவனத்தின் வழியாக அவர்கள் அலையும்படி தேவன் செய்தார். [QBR]
41. பின்பு தேவன் அந்த ஏழை ஜனங்களை அவர்களது துயரங்களிலிருந்து மீட்டார். [QBR2] இப்போது அவர்கள் குடும்பங்கள் ஆட்டு மந்தைகளைப் போல் பெருகியுள்ளன. [QBR]
42. நல்ல ஜனங்கள் இதைக்கண்டு மகிழ்ச்சியடைவார்கள். [QBR2] ஆனால் தீய ஜனங்களோ இதைக் காணும்போது, என்ன சொல்வதென்று அறியார்கள். [QBR]
43. ஒருவன் ஞானமுள்ளவனாக இருந்தால் இக்காரியங்களை நினைவுகூருவான். [QBR2] அப்போது தேவனுடைய அன்பு உண்மையாகவே இத்தகையதென்று புரிந்துகொள்ளத் தொடங்குவான். [PE]