1. என் ஆத்துமாவே, கர்த்தரைத் துதி! [QBR2] என் தேவனாகிய கர்த்தாவே, நீர் மிக மேன்மையானவர்! [QBR] நீர் மகிமையையும், கனத்தையும் அணிந்திருக்கிறீர். [QBR2]
2. ஒருவன் அங்கியைத் தரித்திருப்பதைப் போல நீர் ஒளியை அணிந்துகொண்டிருக்கிறீர். [QBR] நீர் வானங்களைத் திரைச் சீலையைப்போல விரிக்கிறீர். [QBR2]
3. தேவனே நீர் அவற்றிற்கு மேலாக உமது வீட்டைக் கட்டியிருக்கிறீர். [QBR] அடர்த்தியான மேகங்களை இரதமாக நீர் பயன்படுத்திக் [QBR2] காற்றின் சிறகுகளின் மீது அமர்ந்து வானத்தின் குறுக்காகச் செல்கிறீர். [QBR]
4. தேவனே, உமது தூதர்களைக் காற்றைப் போல் உண்டாக்கினீர். [*தேவனே...உண்டாக்கினீர் அல்லது “உமது தூதர்களை ஆவியாக உருவாக்கினீர்” எனப்படும்.] [QBR2] உமது ஊழியக்காரரை அக்கினிப்போல் உருவாக்கினீர். [QBR]
5. தேவனே, நீர் பூமியை அதன் அஸ்திபாரங்களின் மீது ஸ்தாபித்தீர். [QBR2] எனவே அது ஒருபோதும் அழிக்கப்படுவதில்லை. [QBR]
6. நீர் அதனைத் தண்ணீரால் போர்வையைப் போன்று மூடினீர். [QBR2] தண்ணீர் மலைகளை மூடிற்று. [QBR]
7. நீர் கட்டளையிட்டபோது, தண்ணீர் விலகியோடிற்று. [QBR2] தேவனே, நீர் தண்ணீரைப் பார்த்துச் சத்தமிட்டீர், அது விலகியோடிற்று. [QBR]
8. தண்ணீர் பர்வதங்களிலிருந்து கீழே பாய்ந்து பள்ளத்தாக்குகளில் சென்று, [QBR2] பின்பு நீர் அவற்றிற்கென வைத்த இடங்களுக்கெல்லாம் சென்றது. [QBR]
9. நீர் கடல்களுக்கு எல்லையை வைத்தீர். [QBR2] தண்ணீர் மீண்டும் ஒருபோதும் பூமியை மூடுவதற்கென எழும்பாது.
10. தேவனே, நீரூற்றுகளிலிருந்து நீரோடைகளாக நீர் ஓடும்படி செய்தீர். [QBR2] பர்வதங்களின் நீரோடைகளினூடே அது கீழே பாய்கிறது. [QBR]
11. நீரோடைகள் எல்லா காட்டு மிருகங்களுக்கும் தண்ணீரைத் தருகின்றன. [QBR2] காட்டுக் கழுதைகளும் அங்கு வந்து தண்ணீரைப் பருகுகின்றன. [QBR]
12. வனத்தின் பறவைகள் குளங்களின் அருகே வாழவரும். [QBR2] அருகேயுள்ள மரங்களின் கிளைகளில் அவை பாடும். [QBR]
13. மலைகளின்மேல் தேவன் மழையைப் பெய்யப்பண்ணுகிறார். [QBR2] தேவன் செய்த பொருட்கள் பூமிக்குத் தேவையான எல்லாவற்றையும் கொடுக்கின்றன. [QBR]
14. மிருகங்கள் உண்ணும்படியாக தேவன் புல்லை முளைத்தெழச் செய்கிறார். அவர் நமக்குத் தாவரங்களைத் தருகிறார். [QBR2] நம் உழைப்பில் அவற்றை வளர்க்கிறோம். [QBR2] அத்தாவரங்கள் பூமியிலிருந்து நமக்கு உணவைத் தருகின்றன. [QBR]
15. நம்மை மகிழ்விக்கும் திராட்சைரசத்தையும் [QBR2] நமது தோலை மிருதுவாக்கும் எண்ணெயையும், [QBR2] நம்மை வலுவாக்கும் உணவையும் தேவன் நமக்குத் தருகிறார்.
16. லீபனோனின் பெரிய கேதுரு மரங்கள் கர்த்தருக்குரியவை. [QBR2] கர்த்தர் அம்மரங்களை நாட்டி, அவற்றிற்குத் தேவையான தண்ணீரைக் கொடுக்கிறார். [QBR]
17. அம்மரங்களில் பறவைகள் தங்கள் கூடுகளைக் கட்டும். [QBR2] பெரிய கொக்குகள் தேவதாரு மரங்களில் வாழும். [QBR]
18. காட்டு ஆடுகளுக்கு உயர்ந்த பர்வதங்கள் இருப்பிடமாகும். [QBR2] குழிமுயல்களுக்குக் கன்மலைகள் மறைவிடமாகும்.
19. தேவனே, விடுமுறை காலம் தொடங்குவதை அறிவிக்கும்படி எங்களுக்கு சந்திரனைத் தந்தீர். [QBR2] எப்போது மறைய வேண்டுமென்பதை சூரியன் எப்போதும் அறியும். [QBR]
20. எல்லா காட்டு மிருகங்களும் வெளியே வந்து [QBR2] சுற்றித்திரிகிற காலமாகிய இரவாகும்படி இருளை நீர் உண்டாக்கினீர். [QBR]
21. தேவன் கொடுக்கிற உணவிற்காக வேண்டுகிறது போல [QBR2] தாக்கும் சிங்கங்கள் கெர்ச்சிக்கும். [QBR]
22. அப்போது சூரியன் எழும்பும், [QBR2] மிருகங்கள் தங்கள் இருப்பிடங்களுக்குப் போய் ஓய்வெடுக்கும். [QBR]
23. அப்போது ஜனங்கள் தங்கள் வேலைகளுக்காகச் செல்வார்கள், [QBR2] அவர்கள் மாலைவரை பணிபுரிவார்கள்.
24. கர்த்தாவே, நீர் பல அற்புதமான காரியங்களைச் செய்திருக்கிறீர். [QBR2] பூமி, நீர் உண்டாக்கின பல பொருள்களால் நிரம்பியிருக்கிறது. [QBR2] நீர் செய்யும் ஒவ்வொன்றிலும் உமது ஞானத்தைக் காண்கிறோம். [QBR]
25. சமுத்திரத்தைப் பாருங்கள், அது எவ்வளவு பெரியது! [QBR2] பல உயிர்கள் அங்கு வாழ்கின்றன! [QBR2] எண்ணமுடியாத சிறியதும் பெரியதுமான உயிரினங்கள் அங்கு வாழ்கின்றன. [QBR]
26. நீர் உண்டாக்கின கடல் விலங்கான லிவியாதான் கடலில் விளையாடும்போது [QBR2] கப்பல்கள் சமுத்திரத்தின் மேல் பயணம் செய்கின்றன.
27. தேவனே, எல்லாக்காரியங்களும் உம்மைச் சார்ந்திருக்கின்றன. [QBR2] தக்கநேரத்தில் நீர் அவற்றிற்கு உணவைக் கொடுக்கிறீர். [QBR]
28. தேவனே, எல்லா உயிரினங்களுக்கும் அவை உண்ணும் உணவை நீர் கொடுக்கிறீர். [QBR2] நல்ல உணவால் நிரம்பிய உமது கைகளை நீர் திறக்கிறீர், அவை வயிறு நிரம்பும்வரை அவற்றை உண்ணும். [QBR]
29. நீர் அவற்றை விட்டு விலகும்போது அவை அஞ்சும். [QBR2] அவற்றின் சுவாசம் அவற்றைவிட்டு நீங்கும். [QBR] அவை சோர்ந்து மரிக்கும். [QBR2] அவற்றின் உடல்கள் மீண்டும் புழுதியாகிவிடும். [QBR]
30. ஆனால் கர்த்தாவே, நீர் உமது ஆவியை அனுப்பும்போது அவை ஆரோக்கியம் பெறும்! [QBR2] நீர் மீண்டும் நிலத்தைப் புதிதாகமாற்றுவீர்.
31. கர்த்தருடைய மகிமை என்றென்றும் தொடரட்டும்! [QBR2] கர்த்தர் தாம் உண்டாக்கின பொருள்களைக் கண்டு களிப்படையட்டும். [QBR]
32. கர்த்தர் பூமியைச்சற்றே பார்த்தால் அது அதிரும். [QBR2] அவர் மலைகளைத் தொட நேர்ந்தால் அவற்றிலிருந்து புகையெழத் தொடங்கும்.
33. என் ஆயுள் முழுவதும் நான் கர்த்தரைப் பாடுவேன். [QBR2] நான் வாழும்வரை கர்த்தரைத் துதித்துப் பாடுவேன். [QBR]
34. நான் கூறுபவை அவரை மகிழ்ச்சியாக்கும் என நம்புகிறேன். [QBR2] நான் கர்த்தருக்குள் மகிழ்ச்சியாயிருக்கிறேன். [QBR]
35. பூமியிலிருந்து பாவம் மறைந்து போகட்டும். [QBR2] தீயோர் என்றென்றும் அழிந்து போவார்களாக. [QBR] என் ஆத்துமாவே, கர்த்தரைத் துதி! [QBR2] கர்த்தரை துதியுங்கள்! [PE]