1. {தாவீதின் ஒரு பாடல்} [PS] என் ஆத்துமாவே, கர்த்தரைத் துதி! [QBR2] என் ஒவ்வொரு அவயவங்களே அவரது பரிசுத்த நாமத்தைத் துதியங்கள். [QBR]
2. என் ஆத்துமாவே, கர்த்தரைத் துதி! [QBR2] அவர் உண்மையிலேயே தயவுள்ளவர் என்பதை மறக்காதே. [QBR]
3. நாம் செய்யும் பாவங்களையெல்லாம் தேவன் மன்னிக்கிறார். [QBR2] அவர் நமது நோய்களையெல்லாம் குணமாக்குகிறார். [QBR]
4. தேவன் கல்லறையிலிருந்து நம் உயிரை மீட்கிறார். [QBR2] அவர் நமக்கு அன்பையும் தயவையும் தருகிறார். [QBR]
5. தேவன் நமக்கு மிகுதியான நல்ல பொருட்களைத் தருகிறார். [QBR2] அவர் நம்மைக் கழுகைப் போன்று இளமையாக்குகிறார். [QBR]
6. கர்த்தர் நியாயமானவர். [QBR2] பிறரால் புண்படுத்தப் பட்டிருக்கிறவர்களுக்கு தேவன் நியாயத்தைக் கொண்டு வருகிறார். [QBR]
7. தேவன் அவரது சட்டங்களை மோசேக்குக் கற்பித்தார். [QBR2] அவர் செய்யத்தக்க வல்லமையுள்ள காரியங்களை இஸ்ரவேல் காணுமாறு தேவன் செய்தார். [QBR]
8. கர்த்தர் தயவும் இரக்கமும் உள்ளவர். [QBR2] தேவன் பொறுமையும் மிகுந்த அன்பும் உடையவர். [QBR]
9. கர்த்தர் எப்போதும் குற்றங்காண்பதில்லை. [QBR2] கர்த்தர் என்றென்றும் நம்மிடம் கோபங்கொண்டிருப்பதில்லை. [QBR]
10. நாங்கள் தேவனுக்கு எதிராகப் பாவம் செய்தோம், [QBR2] ஆனால் நமக்குரிய தண்டனையைத் தேவன் வழங்கவில்லை. [QBR]
11. வானம் பூமிக்கு எவ்வளவு உயரத்தில் உள்ளதோ, [QBR2] அதைப்போன்று தம்மைப் பின்பற்றுவோரிடம் தேவன் காட்டும் அன்பும் மிக மேலானது. [QBR]
12. மேற்கிலிருந்து கிழக்கு எவ்வளவு தூரமோ [QBR2] அந்த அளவு தேவன் நமது பாவங்களை நம்மை விட்டு வெகுதூரத்திற்கு விலக்கிவிட்டார். [QBR]
13. தந்தை தனது பிள்ளைகளிடம் இருப்பதைப் போன்று [QBR2] கர்த்தரும், அவரைப் பின் பற்றுவோரிடம் இரக்கமாக இருக்கிறார். [QBR]
14. தேவன் நம்மைப்பற்றிய எல்லாவற்றையும் அறிந்திருக்கிறார். [QBR2] நாம் மண்ணிலிருந்து படைக்கப்பட்டவர்கள் என்பதையும் தேவன் அறிகிறார். [QBR]
15. நம் வாழ்க்கை குறுகியது என்பதை தேவன் அறிகிறார். [QBR2] நம் வாழ்க்கை புல்லைப்போன்றது என்பதை அவர் அறிகிறார். [QBR]
16. நாம் சிறிய காட்டுப் பூக்களைப் போன்றவர்கள் என்பதை தேவன் அறிகிறார். [QBR2] அம்மலர் சீக்கிரம் மலர்கிறது. [QBR] வெப்பமான காற்று வீசும்போது, அம்மலர் மடிகிறது. [QBR2] பின்னர் அம்மலர் இருந்த இடத்தைக் கூட உன்னால் கூற முடியாது. [QBR]
17. ஆனால் தேவன் எப்போதும் தம்மைப் பின் பற்றுவோரை நேசிக்கிறார். [QBR2] என்றென்றைக்கும் எப்போதும் அவர் தம்மைப் பின்பற்றுவோரை நேசிப்பார். [QBR2] தேவன் அவர்களுடைய பிள்ளைகளுக்கும், அவர்களின் பிள்ளைகளின் பிள்ளைகளுக்கும் நல்லவர். [QBR]
18. அவரது உடன்படிக்கைக்குக் கீழ்ப்படிகிற ஜனங்களுக்கு தேவன் நல்லவர். [QBR2] அவரது கட்டளைகளுக்குக் கீழ்ப்படிகிற ஜனங்களுக்கு தேவன் நல்லவர். [QBR]
19. பரலோகத்தில் தேவனுடைய சிங்காசனம் உள்ளது. [QBR2] அவர் எல்லாவற்றின் மீதும் அரசாள்கிறார். [QBR]
20. தேவதூதர்களே, கர்த்தரைத் துதியுங்கள்! [QBR2] தேவ தூதர்களாகிய நீங்கள் தேவனுடைய கட்டளைகளுக்குக் கீழ்ப்படிகிற வல்லமை வாய்ந்த வீரர்களாவீர்கள். [QBR2] நீங்கள் தேவனுக்குச் செவி கொடுத்து அவர் கட்டளைகளுக்குக் கீழ்ப்படியங்கள். [QBR]
21. அவரது எல்லா சேனைகளே, கர்த்தரைத் துதியுங்கள். [QBR2] நீங்கள் அவரது பணியாட்கள். [QBR2] தேவன் விரும்புகிற காரியங்களை நீங்கள் செய்யுங்கள். [QBR]
22. எல்லா இடத்திலுமுள்ள எல்லாவற்றையும் கர்த்தர் உண்டாக்கினர். [QBR2] எல்லா இடத்திலுமுள்ள எல்லாவற்றையும் தேவன் ஆளுகிறார். [QBR2] அவை அனைத்தும் கர்த்தரைத் துதிக்கவேண்டும். [QBR] என் ஆத்துமாவே, கர்த்தரைத் துதி. [PE]