1. {கர்த்தருடைய முறையீடு} [PS] இப்பொழுது கர்த்தர் என்ன சொல்கிறார் எனக் கேளுங்கள். [QBR] உனது வழக்கை மலைகளுக்கு முன் சொல். [QBR2] அம்மலைகள் உங்களது வழக்கைக் கேட்க்கட்டும். [QBR]
2. கர்த்தர் தமது ஜனங்களுக்கு எதிராக முறையிடுகிறார். [QBR2] மலைகளே, கர்த்தருடைய முறையீட்டைக் கேளுங்கள் [QBR] பூமியின் அஸ்திபாரங்களே, கர்த்தர் சொல்கிறதைக் கேளுங்கள். [QBR2] இஸ்ரவேல் தவறானது என்று அவர் நிரூபிப்பார்.
3. கர்த்தர் கூறுகிறார், “என் ஜனங்களே, நான் செய்தவற்றைச் சொல்லுங்கள். [QBR2] நான் உங்களுக்கு எதிராக ஏதாவது செய்தேனா? [QBR2] நான் உங்களது வாழ்வைக் கடினமானதாக்கினேனா? [QBR]
4. நான் செய்தவற்றை உங்களிடம் சொல்லுவேன். [QBR2] நான் உங்களிடம் மோசே, ஆரோன், மீரியாம் ஆகியோரை அனுப்பினேன். [QBR] நான் உங்களை எகிப்து தேசத்திலிருந்து கொண்டு வந்தேன், [QBR2] நான் உங்களை அடிமைத்தனத்தில் இருந்து விடுதலை செய்தேன். [QBR]
5. என் ஜனங்களே, மோவாபின் அரசனான பாலாக்கினுடைய தீயத் திட்டங்களை நினைத்துப் பாருங்கள். [QBR2] பேயோரின் மகனான பிலேயம் பாலாக்கிடம் சொன்னவற்றை நினைத்துப்பாருங்கள். [QBR] அகாசியாவிலிருந்து கில்கால்வரை நடந்தவற்றை நினைத்துப் பாருங்கள். [QBR2] அவற்றை நினைத்துப் பாருங்கள். கர்த்தர் சரியானவர் என்று அறிவீர்கள்.”
6. {நம்மிடமிருந்து தேவன் என்ன விரும்புகிறார்} [PS] நான் கர்த்தரை சந்திக்க வரும்போது என்ன கொண்டு வரவேண்டும். [QBR2] நான் தேவனைப் பணியும்போது என்ன செய்ய வேண்டும். [QBR] நான் கர்த்தருக்கு, [QBR2] தகன பலியும் ஓராண்டு நிறைந்தக் கன்றுக்குட்டியையும் கொண்டு வரவேண்டுமா? [QBR]
7. கர்த்தர் 1,000 ஆட்டுக்குட்டிகளாலும் [QBR2] 10,000 ஆறுகளில் ஓடும் எண்ணெயாலும் திருப்தி அடைவாரா? [QBR] நான் எனது முதல் குழந்தையை என் பாவங்களுக்குப் பரிகாரமாகத் தரட்டுமா? [QBR2] என் சரீரத்திலிருந்து வந்த குழந்தையை நான் பாவத்துக்குப் பரிகாரமாகத் தரட்டுமா?
8. மனிதனே, நன்மை எதுவென்று கர்த்தர் உன்னிடம் சொல்லியிருக்கிறார். [QBR2] கர்த்தர் உன்னிடமிருந்து இதைத்தான் விரும்புகிறார். [QBR] மற்றவர்களிடம் நியாயமாய் இரு. [QBR2] கருணையோடும் நம்பிக்கையோடும் நேசி. உனது தேவனோடு தாழ்மையாய் இரு. [QBR2] நீ அவரை பொக்கிஷத்தினால் கவர முயலாதே.
9. {இஸ்ரவேலர்கள் என்ன செய்துகொண்டிருந்தார்கள்} [PS] கர்த்தருடைய சத்தம் நகரத்தை நோக்கிக் கூப்பிடுகிறது. [QBR] “ஞானவான் கர்த்தருடைய நாமத்தை உயர்த்துகிறான். [QBR2] எனவே தண்டனையின் தடியைக் கவனியுங்கள். தண்டனையின் தடியைப் பிடிப்பவரையும் கவனியுங்கள். [QBR]
10. தீயவர்கள் தாம் திருடிய சொத்துக்களை [QBR2] இன்னும் மறைத்துவைப்பார்களா? [QBR] தீயவர்கள் வியாபாரத்தில் மிகச் சிறியக் கூடைகளை வைத்து [QBR2] இன்னும் ஜனங்களை ஏமாற்றுவார்களா? ஆம் இந்த செயல்கலெல்லாம் இன்னும் நடக்கிறது. [QBR]
11. இன்னும் தமது எடைக்கற்களாலும் அளவு கோல்களாலும் [QBR2] ஜனங்களை ஏமாற்றுகிறவர்களை, நான் மன்னிப்பேனா? [QBR2] கள்ளத் தராசும், கள்ளப் படிக் கற்களுள்ள பையும் வைத்து தவறாக அளக்கிறவர்களை நான் மன்னிப்பேனா? இல்லை. [QBR]
12. செல்வந்தர்கள் நகரத்தில் இன்னும் கொடுமை செய்கிறார்கள். [QBR2] அந்நகர ஜனங்கள் இன்னும் பொய்ச் சொல்கிறார்கள். [QBR2] ஆமாம், அந்த ஜனங்கள் தம் பொய்களைச் சொல்கின்றனர். [QBR]
13. எனவே நான் உன்னைத் தண்டிக்கத் தொடங்கினேன். [QBR2] நான் உன்னுடைய பாவங்களினிமித்தம் உன்னை அழிப்பேன். [QBR]
14. நீ உண்பாய், ஆனால் உன் வயிறு நிறையாது. [QBR2] நீ இன்னும் பசியாகவும் வெறுமையாகவும் இருப்பாய். [QBR] நீ பாதுகாப்புக்காக ஜனங்களை அழைத்துவர முயற்சி செய்வாய். [QBR2] யாரைப் பாதுகாத்தாயோ, அவர்களையும் நான் பட்டயத்துக்கு ஒப்புக்கொடுப்பேன். [QBR]
15. விதைகளை விதைப்பாய், [QBR2] ஆனால் உணவை அறுவடை செய்யமாட்டாய். [QBR] நீ உனது ஒலிவ மரங்களிலிருந்து எண்ணெய் எடுக்க அவற்றை பிழிவாய். [QBR2] ஆனால் எண்ணெய் பெறமாட்டாய். [QBR] நீ திராட்சைப் பழங்களை பிழிவாய். [QBR2] ஆனால் போதுமான திராட்சைரசம் குடிக்கக் கிடைக்காது. [QBR]
16. ஏனென்றால் நீ ஓம்ரியின் சட்டங்களுக்குக் கீழ்ப்படிவாய். [QBR2] நீ ஆகாப் குடும்பம் செய்தத் தீயவற்றைச் செய்வாய். [QBR] நீ அவர்களின் உபதேசங்களைப் பின்பற்றுவாய். [QBR2] எனவே நான் உன்னை அழியும்படி விடுவேன். [QBR] ஜனங்கள் உனது அழிந்த நகரங்களைக் காணும்போது பரிகசித்து ஆச்சரியப்படுவார்கள். [QBR2] அந்நிய நாட்டு ஜனங்களின் நிந்தையை நீங்கள் சுமப்பீர்கள்.” [PE]