1. [QS]“யோபுவே, மலையாடுகள் எப்போது [QE][QS]பிறக்கின்றன என்பது உனக்குத் தெரியுமா? [QE][QS2]பெண்மான் குட்டியை ஈனுவதைக் கவனித்திருக்கிறாயா? [QE]
2. [QS]யோபுவே, மலையாடுகளும், பெண்மான்களும் எத்தனை மாதங்கள் அவற்றின் குட்டிகளைச் சுமக்க வேண்டுமென்பதை நீ அறிவாயா? [QE][QS2]அவை பிறப்பதற்கேற்ற நேரமெப்போதென அறிவாயா? [QE]
3. [QS]அம்மிருகங்கள் கீழே படுத்துக்கொள்ளும், அவற்றின் பிரசவ வலியை உணரும்போது, குட்டிகள் பிறந்துவிடும். [QE]
4. [QS]அக்குட்டி மிருகங்கள் வயல்களில் வலிமையாக வளரும். [QE][QS2]அவை தங்கள் தாய் விலங்குகளை விட்டுச் செல்லும், பின்பு அவை திரும்பிவராது. [QE][PBR]
5. [QS]“யோபுவே, காட்டுக் கழுதைகளைச் சுதந்திரமாக அலையவிட்டவர் யார்? [QE][QS2]அவற்றின் கயிறுகளை அறுத்துவிட்டவர் யார்? [QE]
6. [QS]பாலைவனம் காட்டுக் கழுதையின் இருப்பிடமாகும்படி நான் (தேவன்) செய்தேன். [QE][QS2]உவர்நிலத்தை அவை வாழுமிடமாகக் கொடுத்தேன். [QE]
7. [QS]காட்டுக் கழுதைகள் இரைச்சலான ஊர்களை நோக்கி சிரிக்கும். [QE][QS2]ஒருவனும் அவற்றை அடக்கியாள முடியாது. [QE]
8. [QS]காட்டுக் கழுதைகள் மலைகளில் வாழும். [QE][QS2]அவை அவற்றின் மேய்ச்சலிடம். அங்கு அவை உண்பதற்கு இரைத் தேடும். [QE][PBR]
9. [QS]“யோபுவே, காட்டுக் காளை உனக்குச் சேவை புரியச் சம்மதிக்குமா? [QE][QS2]அது உன் தொழுவத்தில் இரவில் தங்குமா? [QE]
10. [QS]யோபுவே, நீ உன் வயல்களை உழுவதற்குக் [QE][QS2]காட்டுக் கழுதையின் மீது கயிறுகளைக் கட்ட அவை அனுமதிக்குமா? [QE]
11. [QS]காட்டுக் காளை மிகவும் பலம் வாய்ந்தது! [QE][QS2]உன் வேலைகளைச் செய்ய நீ அதனை நம்பக்கூடுமா? [QE]
12. [QS]உன் தானியத்தைச் சேகரித்து [QE][QS2]உன் களஞ்சியத்திற்குக் கொண்டுவரும் என அதை நம்புவாயா? [QE][PBR]
13. [QS]“தீக்கோழி வியப்புற்று அதன் சிறகுகளை அடிக்கும். [QE][QS2]ஆனால் தீக்கோழியால் பறக்க முடியாது, தீக்கோழியின் சிறகுகள் கொக்கின் சிறகுகளைப் போன்றவை அல்ல. [QE]
14. [QS]தீக்கோழி நிலத்தில் அதன் முட்டைகளை இடும், [QE][QS2]அவை மணலினுள் வெப்பமுறும். [QE]
15. [QS]யாரேனும் அதன் முட்டைகளின்மேல் நடக்கக் கூடும் என்பதையோ, [QE][QS2]சில காட்டு விலங்குகள் அவற்றை உடைக்கக்கூடும் என்பதையோ தீக்கோழி மறந்துவிடுகிறது. [QE]
16. [QS]தீக்கோழி அதன் குஞ்சுகளை விட்டுச் செல்கிறது. [QE][QS2]அவை தனக்குரியனவல்ல என்பதைப்போல் அவற்றைக் கருதுகிறது (நடத்துகிறது). [QE][QS2]அதன் குஞ்சுகள் மரித்துப்போனால், அது வருந்துவதில்லை. [QE][QS2]அதன் உழைப்பு வீணானதுதான். [QE]
17. [QS]ஏனெனில், நான் (தேவன்) தீக்கோழிக்கு ஞானத்தைக் கொடுக்கவில்லை. [QE][QS2]தீக்கோழி முட்டாள்தனமானது, நான் அதனை அவ்வாறு படைத்திருக்கிறேன். [QE]
18. [QS]ஆனால் தீக்கோழி ஓடுவதற்கென எழுந்திருக்கும்போது, அது குதிரையையும் அதில் சவாரி செய்பவனையும் பார்த்துச் சிரிக்கும். [QE][QS2]ஏனெனில் எந்தக் குதிரையையும் விட அதனால் வேகமாக ஓட இயலும். [QE][PBR]
19. [QS]“யோபுவே, நீ குதிரைக்கு அதன் வலிமையைக் கொடுத்தாயா? [QE][QS2]அதன் பிடரியில் பிடரி மயிரை வளரச் செய்தாயா? [QE]
20. [QS]யோபுவே, நீ குதிரையை ஒரு வெட்டுக் கிளியைப்போல, வெகுதூரம் தாண்ட வைப்பாயா? [QE][QS2]குதிரை உரக்க கனைக்கிறது, அது ஜனங்களைப் பயப்படுத்துகிறது. [QE]
21. [QS]குதிரை அதன் மிகுந்த வலிமையால் சந்தோஷப்படும். [QE][QS2]அது பூமியைத் தன் பாதங்களால் கீறி, விரைந்து போருக்கென ஓடி நுழையும். [QE]
22. [QS]அச்சத்தைப் பார்த்துக் குதிரை நகைக்கும் அது அஞ்சுவதில்லை! [QE][QS2]அது யுத்தத்திற்கஞ்சி (யுத்தத்திலிருந்து) ஓடுவதில்லை. [QE]
23. [QS]குதிரையின் புறத்தே வீரனின் அம்பறாத்தூணி அசையும். [QE][QS2]அதனை சவாரிச் செய்பவன் ஏந்தும் ஈட்டியும் போர்க்கருவிகளும் சூரியனின் ஒளியில் பிரகாசிக்கும். [QE]
24. [QS]குதிரை மிகவும் உணர்ச்சிவசப்படுகிறது! [QE][QS2]அது பூமியில் மிக விரைந்தோடுகிறது. எக்காள சத்தத்தைக் குதிரை கேட்கும்போது அதனால் அமைதியாக இருக்க இயலாது. [QE]
25. [QS]எக்காளம் ஒலிக்கும்போது, குதிரை ஆர்ப்பரிக்கும். [QE][QS2]அது யுத்தத்தைத் தூரத்திலேயே நுகரும்! [QE][QS2]அது அதிகாரிகளின் கட்டளைகளையும் யுத்தத்தின் பிற ஒலிகளையும் கேட்கும். [QE][PBR]
26. [QS]“யோபுவே, ராஜாளி அதன் செட்டைகளை விரித்துத் தெற்கு நோக்கிப் பறக்க நீ கற்பித்தாயா? [QE]
27. [QS]யோபுவே, நீ தான் கழுகிடம் உயரே வானத்தில் பறக்கச் சொன்னாயா? [QE][QS2]மலைகளின் உயரமான இடங்களில் அதன் கூட்டைக் கட்டச் சொன்னாயா? [QE]
28. [QS]கழுகு மலை முகப்பில் வாழ்கிறது. [QE][QS2]மலைச்சிகரமே கழுகின் கோட்டை. [QE]
29. [QS]அதன் உயரமான கோட்டையிலிருந்து கழுகு அதன் இரையை நோக்கும். [QE][QS2]மிகுந்த தூரத்திலிலுள்ள இரையையும் கழுகால் பார்க்க முடியும். [QE]
30. [QS]பிணங்கள் இருக்குமிடத்தில் கழுகுகள் கூடும். [QE][QS2]அதன் குஞ்சுகள் இரத்தத்தைக் குடிக்கும்” என்றான். [QE]