1. [PS]எலிகூ பேசுவதைத் தொடர்ந்தான் அவன், [PE][PBR]
2. [QS]“ ‘யோபுவே, நான் தேவனைக் காட்டிலும் நியாயமானவன்’ எனக் கூறுவது சரியல்ல. [QE]
3. [QS]யோபுவே, நீ தேவனை, ‘ஒருவன் தேவனைச் சந்தோஷப்படுத்த விரும்பினால் அவனுக்கு லாபம் என்ன? [QE][QS2]நான் பாவம் செய்யாதிருந்தால், அது எனக்கு என்ன நம்மையைத் தரும்?’ என்று கேளும். [QE][PBR]
4. [QS]“யோபுவே, நான் (எலிகூ) உனக்கும், உன்னோடு இங்கிருக்கும் உமது நண்பர்களுக்கும் பதில் கூற விரும்புகிறேன். [QE]
5. [QS]யோபுவே, வானத்தை நோக்கிப்பாரும், [QE][QS2]உனக்கும் மேல் உயர்ந்திருக்கிற மேகங்களை அண்ணாந்து பாரும். [QE]
6. [QS]யோபுவே, நீ பாவஞ்செய்தால், அது தேவனைத் துன்புறுத்தாது. [QE][QS2]யோபுவே உன்னிடம் பாவங்கள் மிகுதியாயிருந்தால், அது தேவனை ஒன்றும் செய்யாது. [QE]
7. [QS]யோபுவே, நீ நல்லவனாக இருந்தால், அது தேவனுக்கு உதவாது. [QE][QS2]தேவன் உன்னிடமிருந்து எதையும் பெறமாட்டார். [QE]
8. [QS]யோபுவே, நீ செய்யும் நல்ல காரியங்களோ, தீயகாரியங்களோ உன்னைப் போன்ற பிறரை மட்டுமே பாதிக்கும். [QE][QS2]அவை தேவனுக்கு உதவவோ, அவரைத் துன்புறுத்தவோ செய்யாது. [QE][PBR]
9. [QS]“தீயோர் துன்புறுத்தப்பட்டால், அவர்கள் உதவிக்காக கூக்குரலிடுவார்கள். [QE][QS2]அவர்கள் வல்லமையுள்ள ஜனங்களிடம் சென்று உதவிக்காக கெஞ்சி கேட்பார்கள். [QE]
10. [QS]ஆனால் அத்தீயோர் தேவனிடம் உதவிக் கேட்கமாட்டார்கள். [QE][QS2]அவர்கள், ‘என்னை உண்டாக்கின தேவன் எங்கே? ஜனங்கள் மனக்கவலையோடிருக்கையில் தேவன் அவர்களுக்கு உதவுவார். [QE][QS2]எனவே அவர் எங்கிருக்கிறார்? [QE]
11. [QS]தேவன் நம்மை பறவைகள், மிருகங்களைக் காட்டிலும் ஞானமுள்ளவராக்குகிறார். [QE][QS2]எனவே அவர் எங்கிருக்கிறார்?’ என்று கேட்பார்கள். [QE][PBR]
12. [QS]“அல்லது, அத்தீயோர் தேவனிடம் உதவிவேண்டினால் தேவன் அவர்களுக்குப் பதிலளிக்கமாட்டார். [QE][QS2]ஏனெனில் அவர்கள் மிகவும் பெருமை (அகந்தை) உடையவர்கள். [QE][QS]அவர்கள் மிகவும் முக்கியமானவர்களென்று இன்னமும் நினைக்கிறார்கள். [QE]
13. [QS]தேவன் அவர்களின் தகுதியற்ற கெஞ்சுதலுக்குச் செவிசாய்க்கமாட்டார் என்பது உண்மை. [QE][QS2]சர்வ வல்லமையுள்ள தேவன் அவர்களைக் கவனிக்கமாட்டார். [QE]
14. [QS]எனவே யோபுவே, நீ தேவனைப் பார்க்கவில்லை என்று கூறும்போது தேவன் உனக்குச் செவிசாய்க்கமாட்டார். [QE][QS2]தேவனைச் சந்திக்கும் வாய்ப்பை எதிர்பார்த்து நீ களங்கமற்றவனென்று நிரூபிக்கக் காத்துக் கொண்டிருப்பதாகக் கூறுகிறாய். [QE][PBR]
15. [QS]“யோபுவே, தேவன் தீயோரைத் தண்டிப்பதில்லை எனவும், [QE][QS2]தேவன் பாவங்களைக் கவனிப்பதில்லை எனவும் நீ நினைக்கிறாய். [QE]
16. [QS]எனவே யோபு அவனது தகுதியற்ற பேச்சைத் தொடருகிறான். [QE][QS2]யோபு தான் முக்கியமானவனாக பாவித்துக்கெண்டிருக்கிறான். [QE][QS2]யோபு தான் பேசிக் கொண்டிருப்பதைப்பற்றி அறியான் என்பதை எளிதாகக் காணமுடியும்” என்றான். [QE][PBR]