1. “ஆனால் இப்போது, என்னைக் காட்டிலும் [QBR] இளைஞர்கள் கூட என்னைக் கேலிச்செய்கிறார்கள். [QBR2] அவர்களின் தந்தைகளை நான் என் மந்தையைக் காக்கும் நாய்களோடே வைக்கவும் வெட்கப் பட்டிருப்பேன். [QBR]
2. அந்த இளைஞர்களின் தந்தைகள் எனக்கு உதவ முடியாதபடிச் சோர்ந்திருக்கிறார்கள். [QBR2] அவர்கள் வயது முதிர்ந்தவர்கள், அவர்களின் களைத்துப்போன தசைநார்கள் வலிமையும் ஆற்றலுமற்றுக் காணப்படுகின்றன. [QBR]
3. அவர்கள் மரித்தவர்களைப் போலிருக்கிறார்கள், அவர்கள் உண்பதற்கு எதுவுமில்லாமல் பட்டினியாயிருக்கிறார்கள். [QBR2] எனவே அவர்கள் பாலைவனத்தின் உலர்ந்த அழுக்கை உண்கிறார்கள். [QBR]
4. அவர்கள் பாலைவனத்திலுள்ள உப்புத் தாவரங்களைப் பறித்தெடுக்கிறார்கள். [QBR2] மரத்தின் வேர்களை அவர்கள் தின்றார்கள். [QBR]
5. அவர்கள் பிற ஜனங்களிடமிருந்து துரத்தப்பட்டார்கள். [QBR2] அவர்கள் கள்ளர் என ஜனங்கள் அவர்களை உரத்தக் குரலில் சத்தமிட்டார்கள். [QBR]
6. அவர்கள் உலர்ந்த ஆற்றுப் படுகைகளிலும், [QBR2] மலைப்பக்கத்துக் குகைளிலும் நிலத்தின் துவாரங்களிலும் வாழவேண்டும். [QBR]
7. அவர்கள் புதர்களில் ஊளையிடுகிறார்கள். [QBR2] முட்புதர்களின் கீழே அவர்கள் ஒதுங்கியிருக்கிறார்கள். [QBR]
8. தங்கள் நாட்டைவிட்டு விரட்டியடிக்கப்பட்ட, பெயரற்ற, [QBR2] தகுதியில்லாத ஒரு கூட்டம் ஜனங்கள் அவர்கள்!
9. “இப்போது அந்த மனிதர்களின் மகன்கள் என்னைக் கேலிச் செய்யும் பாடல்களை பாடுகிறார்கள். [QBR2] என் பெயர் அவர்களுக்கு ஒரு கெட்ட வார்த்தை ஆயிற்று. [QBR]
10. அந்த இளைஞர்கள் என்னை வெறுக்கிறார்கள், அவர்கள் என்னிலிருந்து தூரத்தில் போய் நிற்கிறார்கள். [QBR2] அவர்கள் என்னைக் காட்டிலும் சிறந்தவர்கள் என நினைக்கிறார்கள். [QBR2] அவர்கள் என் முகத்தில் உமிழவும் செய்கிறார்கள்! [QBR]
11. தேவன் என் வில்லின் நாணை அறுத்துப் போட்டு என்னைத் தளர்ச்சியடையச் செய்தார். [QBR2] அந்த இளைஞர்கள் நிறுத்தாது, எனக்கெதிராகத் தங்கள் கோபத்தையெல்லாம் காட்டினார்கள். [QBR]
12. அவர்கள் என் வலது பக்கத்தில் தாக்குகிறார்கள். [QBR2] அவர்கள் என் பாதங்களை அகல தள்ளிவிட்டார்கள். [QBR] நான் தாக்கப்படும் நகரத்தைப்போல் இருக்கிறேன். [QBR2] என்னைத் தாக்கி அழிப்பதற்கு அவர்கள் என் சுவர்களுக்கெதிராக அழுக்குகளைக் கட்டுகிறார்கள். [QBR]
13. அவர்கள் என் பாதையை கெடுத்தார்கள். [QBR2] அவர்கள் என்னை அழிப்பதில் வெற்றியடைகிறார்கள். [QBR2] அவர்களுக்கு உதவுவதற்கு யாரும் தேவையில்லை. [QBR]
14. அவர்கள் சுவரில் துளையிடுகிறார்கள். [QBR2] அவர்கள் அதன் வழியாக விரைந்து வருகிறார்கள். [QBR2] உடையும் கற்கள் என்மீது விழுகின்றன. [QBR]
15. நான் பயத்தால் நடுங்குகிறேன். [QBR2] காற்று பொருள்களைப் பறக்கடிப்பதைப்போல அந்த இளைஞர்கள் என் மகிமையைத் துரத்திவிடுகிறார்கள். [QBR2] என் பாதுகாப்பு ஒரு மேகத்தைப்போன்று மறைகிறது.
16. “இப்போது என் உயிர் நீங்கும் நிலையில் உள்ளது. [QBR2] நான் விரைவில் மடிவேன். [QBR2] துன்பத்தின் நாட்கள் என்னைப் பற்றிக்கொண்டன. [QBR]
17. என் எலும்புகள் எல்லாம் இரவில் வலிக்கின்றன. [QBR2] என்னைக் கடித்துக்குதறும் வேதனை நிற்கவேயில்லை. [QBR]
18. தேவன் என் மேற்சட்டையின் கழுத்துப் பட்டையைப் பற்றியிழுத்து [QBR2] என் ஆடைகளை உருவின்றி சிதைத்தார். [QBR]
19. தேவன் என்னைச் சேற்றினுள் தள்ளினார். [QBR2] நான் அழுக்கைப் போன்றும் சாம்பலைப் போன்றும் ஆனேன்.
20. “தேவனே, உம்மிடம் உதவிக்காக வேண்டுகிறேன், ஆனால் நீர் பதிலளிப்பதில்லை. [QBR2] நான் எழுந்து நின்று ஜெபம் செய்கிறேன், ஆனால் நீர் என்னிடம் பாராமுகமாயிருக்கிறீர். [QBR]
21. தேவனே, நீர் என்னிடம் கொடுமையாக நடந்தீர். [QBR2] என்னைத் தாக்குவதற்கு நீர் உமது வல்லமையைப் பயன்படுத்தினீர். [QBR]
22. தேவனே, பலத்த காற்று என்னைப் பறக்கடிக்குமாறு செய்தீர். [QBR2] புயலில் நீர் என்னை வெளியே வீசினீர். [QBR]
23. நீர் என்னை மரணத்திற்கு வழி நடத்துவீர் என அறிவேன். [QBR2] ஒவ்வொரு மனிதனும் மடிய (மரிக்க) வேண்டும்.
24. “ஆனால், ஏற்கெனவே அழிந்தவனை [QBR2] மீண்டும் நிச்சயமாய் ஒருவனும் தாக்கமாட்டான். [QBR]
25. தேவனே, தொல்லைகளுள்ள ஜனங்களுக்காக நான் அழுதேன் என்பதை நீர் அறிவீர். [QBR2] ஏழைகளுக்காக என் இருதயம் துயருற்றது என்பதை நீர் அறிவீர். [QBR]
26. நான் நல்லவற்றை எதிர்பார்த்தபோது, தீயவை நேர்ந்தன. [QBR2] நான் ஒளியைத் தேடியபோது, இருள் வந்தது. [QBR]
27. நான் உள்ளே கிழிந்துபோனேன், என் துன்பம் நிற்கவில்லை. [QBR2] இன்னும் வரப்போகும் துன்பங்கள் மிகுதி. [QBR]
28. நான் எப்போதும் துக்கமாயிருக்கிறேன், அதனால் நான் எந்த ஆறுதலும் பெறவில்லை. [QBR2] நான் சபையில் எழுந்து நின்று, உதவிக்காகக் கூக்குரலிட்டேன். [QBR]
29. நான் காட்டு நாய்களைப்போலவும் [QBR2] நெருப்புக் கோழிகளைபோலவும் தனித்தவனானேன். [QBR]
30. என் தோல் நெருப்பினால் எரிந்து உரிந்து கழன்றுபோகிறது. [QBR2] என் உடல் காய்ச்சலால் சுடுகிறது. [QBR]
31. துக்கமான பாடல்களைப் பாட என் தம்புரு மீட்டப்பட்டுள்ளது. [QBR2] துக்கமான அழுகையைப் போன்று என் புல்லாங்குழலின் குரல் ஒலிக்கிறது. [PE]