1. [QS]“வெள்ளியை ஜனங்கள் பெறும் சுரங்கங்கள் உண்டு, [QE][QS2]ஜனங்கள் பொன்னை உருக்கிப் புடமிடும் (தூயதாக்கும்) இடங்கள் உண்டு. [QE]
2. [QS]மனிதர்கள் நிலத்திலிருந்து இரும்பை வெட்டியெடுக்கிறார்கள், [QE][QS2]செம்பு பாறையிலிருந்து உருக்கி எடுக்கப்படுகிறது. [QE]
3. [QS]வேலையாட்கள் குகைகளுக்குள் விளக்குகளை எடுத்துச்செல்கிறார்கள். [QE][QS2]அவைகளை குகைகளின் ஆழமான பகுதிகளில் தேடுகிறார்கள். [QE][QS2]ஆழ்ந்த இருளில் அவர்கள் பாறைகளைத் தேடிப்பார்க்கிறார்கள். [QE]
4. [QS]தாது இருக்கும் பகுதிகளைத் தேடி, வேலையாட்கள் நிலத்தினுள் ஆழமாகத் தோண்டுகிறார்கள். [QE][QS2]ஜனங்கள் வசிக்காத (வாழாத) தூரமான இடங்களிலும், ஒருவரும் சென்றிராத இடங்களிலும், அவர்கள் நிலத்தினுள் ஆழமாகப் போகிறார்கள். [QE][QS2]மற்ற ஜனங்களைக் காட்டிலும் ஆழமான இடங்களில், அவர்கள் கயிறுகளிலிருந்து தொங்குகிறார்கள். [QE]
5. [QS]நிலத்தின் மேல் உணவு விளைகிறது, [QE][QS2]ஆனால் நிலத்திற்குக் கீழே, அனைத்தும் நெருப்பினால் உருக்கப்பட்டதுபோல, அது வேறு மாதிரியாகத் தோன்றுகிறது. [QE]
6. [QS]நிலத்தின் கீழே இந்திர நீலக்கற்கள் காணப்படும். [QE][QS2]அங்குத் தூயப் பொன் பொடிகள் உண்டு. [QE]
7. [QS]நிலத்தின் கீழுள்ள பாதைகளைப்பற்றிக் காட்டுப் பறவைகள் கூட அறியாது. [QE][QS2]அந்த இருண்ட பாதைகளை வல்லூறும் பார்த்ததில்லை. [QE]
8. [QS]காட்டு மிருகங்கள் அப்பாதையில் நடந்ததில்லை. [QE][QS2]சிங்கங்கள் அவ்வழியில் பயணம் செய்ததில்லை. [QE]
9. [QS]வேலையாட்கள் மிகக் கடினமான பாறைகளைத் தோண்டுகிறார்கள். [QE][QS2]அப்பணியாட்கள் பர்வதங்களை தோண்டி அதனை வெட்டாந்தரையாக்குகிறார்கள். [QE]
10. [QS]வேலையாட்கள் பாறைகளினூடே நீர்க் கால்களை வெட்டுகிறார்கள். [QE][QS2]எல்லா பாறைகளின் பொக்கிஷங்களையும் அவர்கள் பார்க்கிறார்கள். [QE]
11. [QS]பணியாட்கள் தண்ணீரைத் தடை செய்ய, அணைகளைக் கட்டுகிறார்கள். [QE][QS2]அவர்கள் மறை பொருளை வெளிச்சத்திற்குக் கொண்டுவருகிறார்கள். [QE][PBR]
12. [QS]“ஆனால் ஒருவன் ஞானத்தை எங்கே காண்பான்? [QE][QS2]நாம் எங்கு புரிந்துகொள்ளுதலைக் காண முடியும்? [QE]
13. [QS]ஞானம் எத்தனை விலையுயர்ந்தது என நாம் அறியோம், [QE][QS2]பூமியின் ஜனங்கள் நிலத்தைத் தோண்டி, ஞானத்தைக் கண்டடைய முடியாது. [QE]
14. [QS]ஆழமான சமுத்திரம், ‘ஞானம் இங்கு என்னிடம் இல்லை’ என்கிறது. [QE][QS2]கடல், ‘ஞானம் இங்கு என்னிடம் இல்லை’ என்கிறது. [QE]
15. [QS]மிகத்தூய பொன்னாலும் கூட, உங்களால் ஞானத்தை வாங்கமுடியாது! [QE][QS2]ஞானத்தை வாங்கப் போதுமான அளவு வெள்ளி இவ்வுலகில் இராது! [QE]
16. [QS]ஓபீரின் தங்கத்தாலோ, கோமேதகத் தாலோ, இந்திர நீலக்கல்லாலோ, [QE][QS2]நீங்கள் ஞானத்தை வாங்க முடியாது. [QE]
17. [QS]ஞானம் பொன் அல்லது படிகத்தைக் காட்டிலும் சிறப்பானது! [QE][QS2]பொன்னில் பதிக்கப்பெற்ற விலையுயர்ந்த கற்களால் ஞானத்தை வாங்கமுடியாது. [QE]
18. [QS]பவளம், சூரியகாந்தம் ஆகியவற்றிலும் ஞானம் உயர்ந்தது. [QE][QS2]சிவந்தக் கற்களைக் காட்டிலும் ஞானம் விலையுயர்ந்தது. [QE]
19. [QS]எத்தியோப்பியா நாட்டின் புஷ்பராகம் ஞானத்தைப்போன்று விலைமதிப்பபுடையதல்ல. [QE][QS2]தூயப் பொன்னால் உங்களால் ஞானத்தை வாங்கமுடியாது. [QE][PBR]
20. [QS]“எனவே ஞானம் எங்கிருந்து வருகிறது? [QE][QS2]எங்கு நாம் புரிந்துகொள்ளுதலைக் காண முடியும்? [QE]
21. [QS]பூமியின் உயிரினங்களுக்கு எல்லாம் ஞானம் மறைந்திருக்கிறது. [QE][QS2]வானத்துப் பறவைகள் கூட ஞானத்தைக் காண முடியாது. [QE]
22. [QS]மரணமும் அழிவும், ‘நாங்கள் ஞானத்தைக் கண்டதில்லை. [QE][QS2]நாங்கள் அதைக் குறித்த வதந்திகளைக் காதினால் மட்டும் கேட்டோம்’ என்கின்றன. [QE][PBR]
23. [QS]“தேவன் மட்டுமே ஞானத்தின் வழியை அறிகிறார். [QE][QS2]தேவன் மட்டுமே ஞானம் இருக்குமிடத்தை அறிகிறார். [QE]
24. [QS]பூமியின் இறுதிப் பகுதிகளையும் தேவனால் பார்க்க முடிகிறது. [QE][QS2]வானின் கீழுள்ள எல்லாவற்றையும் தேவன் பார்க்கிறார். [QE]
25. [QS]தேவன் காற்றிற்கு அதன் வல்லமையை அளித்தார். [QE][QS2]கடல்களை எத்தனை பெரிதாக படைக்க வேண்டுமென்று தேவன் முடிவெடுத்தார். [QE]
26. [QS]எங்கே மழையை அனுப்புவதென்றும், [QE][QS2]இடி முழக்கங்களை எங்கே செலுத்துவதென்றும் தேவன் முடிவெடுக்கிறார். [QE]
27. [QS]தேவன் ஞானத்தைக் கண்டு, அதைப் பற்றி யோசித்தார். [QE][QS2]ஞானத்தின் மதிப்பை தேவன் கண்டு, அதனை ஏற்றுக்கொண்டார். [QE]
28. [QS]தேவன் மனிதரை நோக்கி, ‘கர்த்தருக்கு பயப்படுங்கள், அவரை மதியுங்கள். [QE][QS2]அதுவே ஞானம் ஆகும், தீமைச் செய்யாதீர்கள் அதுவே புரிந்து கொள்ளும் திறன் ஆகும்!’ ” என்றார். [QE]