1. பின்பு யோபு தன் விரிவுரையைத் தொடர்ந்தான். அவன்,
2. “உண்மையாகவே, தேவன் உயிரோடிருக்கிறார். [QBR2] தேவன் உண்மையாக வாழ்வதைப்போல, அவர் உண்மையாக என்னோடு அநீதியாய் நடக்கிறார். [QBR2] ஆம், சர்வ வல்லமையுள்ள தேவன் என் வாழ்க்கையைக் கசப்பாக்கினார். [QBR]
3. ஆனால் என்னில் உயிருள்ளவரையிலும் [QBR2] தேவனுடைய உயிர்மூச்சு என் மூக்கில் இருக்கும் மட்டும் [QBR]
4. என் உதடுகள் தீயவற்றைப் பேசாது, [QBR2] என் நாவு ஒருபோதும் பொய் கூறாது. [QBR]
5. நீங்கள் சொல்வது சரியென நான் ஏற்றுக்கொள்ளமாட்டேன். [QBR2] நான் மரிக்கும் நாள் மட்டும், நான் களங்கமற்றவன் என்று தொடர்ந்து சொல்வேன். [QBR]
6. நான் செய்த நல்லவற்றைத் கெட்டியாகப் (இறுகப்) பிடித்துக்கொள்வேன். [QBR2] நியாயமாக நடப்பதை விட்டுவிடமாட்டேன். [QBR2] நான் வாழும்வரை என் மனச்சாட்சி என்னை உறுத்தாது. [QBR]
7. ஜனங்கள் எனக்கெதிராக எழுந்து நிற்கிறார்கள். [QBR2] தீயோர் தண்டிக்கப்படுவதைப் போல என் பகைவர்கள் தண்டனை பெறுவார்கள் என நம்புகிறேன். [QBR]
8. ஒருவன் தேவனைப்பற்றிக் கவலைப்படாவிட்டால், அவன் மரிக்கும்போது, அவனுக்கு ஒரு நம்பிக்கையுமில்லை. [QBR2] தேவன் அவன் உயிரை எடுக்கும்போது, அம்மனிதனுக்கு நம்பிக்கை எதுவுமில்லை. [QBR]
9. அத்தீயவனுக்குத் தொல்லைகள் விளையும், அவன் தேவனை நோக்கி உதவி வேண்டுவான். [QBR2] ஆனால் தேவன் அவனுக்குச் செவிசாய்க்கமாட்டார்! [QBR]
10. சர்வ வல்லமையுள்ள தேவனிடம் பேசுவதில் அவன் களிப்படைந்திருக்க வேண்டும். [QBR2] எப்போதும் அம்மனிதன் தேவனிடம் ஜெபம் செய்திருக்க வேண்டும்.
11. “தேவனுடைய வல்லமையைக் குறித்து நான் உங்களுக்குப் போதிப்பேன். [QBR2] சர்வ வல்லமையுள்ள தேவனுடைய திட்டங்களை நான் உங்களிடம் மறைக்கமாட்டேன். [QBR]
12. உங்கள் சொந்தக் கண்களால் தேவனுடைய வல்லமையைக் கண்டிருக்கிறீர்கள். [QBR2] எனவே அந்தப் பயனற்ற காரியங்களை நீங்கள் ஏன் சொல்கிறீர்கள்? [QBR]
13. தீயோருக்காக தேவன் திட்டமிட்டது இதுவே [QBR2] சர்வ வல்லமையுள்ள தேவனிடமிருந்து கொடியோர் இதையே பெறுவார்கள். [QBR]
14. தீயவனுக்குப் பல பிள்ளைகள் இருக்கலாம். ஆனால் அவனது பிள்ளைகள் மரிப்பார்கள். [QBR2] தீயவனின் பிள்ளைகளுக்கு உண்பதற்கு போதிய உணவு இராது. [QBR]
15. அவனது எல்லாப் பிள்ளைகளும் மரிப்பார்கள். [QBR2] அவனது விதவை அவனுக்காகத் துக்கப்படமாட்டாள். [QBR]
16. தீயோனுக்குத் துகளைப்போன்று மிகுதியான வெள்ளி கிடைக்கலாம். [QBR2] களிமண் குவியலைப்போன்று அவனிடம் பல ஆடைகள் இருக்கலாம். [QBR]
17. ஆனால் அவனது ஆடைகள் நல்லவனுக்குக் கிடைக்கும். [QBR2] களங்கமற்ற ஜனங்கள் அவனது வெள்ளியைப் பெறுவார்கள். [QBR]
18. தீயவன் ஒரு வீட்டைக் கட்டலாம், ஆனால் அது நீண்டகாலம் நிலைக்காது. [QBR2] அது ஒரு சிலந்தி வலையைப்போன்றும், காவலாளியின் கூடாரத்தைப்போன்றும் இருக்கும். [QBR]
19. தீயவன் ஒருவன் படுக்கைக்குப் போகும்போது, செல்வந்தனாக இருக்கலாம். [QBR2] ஆனால் அவனது கண்களை அவன் திறக்கும்போது, எல்லா செல்வங்களும் மறைந்திருக்கும். [QBR]
20. அவன் அச்சமடைவான். [QBR2] அது வெள்ளப் பெருக்கைப் போன்றும், புயல்வீசி எல்லாவற்றையும் அடித்துச் செல்வதைப்போன்றும் இருக்கும். [QBR]
21. கிழக்குக் காற்று அவனை அடித்துச் செல்லும், அவன் அழிந்துபோவான். [QBR2] புயல் அவன் வீட்டிலிருந்து அவனை இழுத்துச் செல்லும். [QBR]
22. புயலின் வல்லமையிலிருந்து தீயவன் ஓடிப்போக முயல்வான் [QBR2] ஆனால், இரக்கமின்றி புயல் அவனைத் தாக்கும். [QBR]
23. தீயவன் ஓடிப்போகும்போது, மனிதர்கள் கைகொட்டுவார்கள். [QBR2] தீயவன் வீட்டைவிட்டு ஓடுகிறபோது, அவர்கள் அவனைப் பார்த்து சீட்டியடிப்பார்கள்.” [PE]